Ժողովուրդ, լավ հոգեբանի տեղ ո՞վ գիտի: Մի հատ հարուստ կլիենտ եմ ճարել, որի հետ պետք է աշխատանքներ տարվեն ֆոբիաների (վախի զգացումներ) դեմ:

• 1 մեկնաբանություն

Արդեն 2րդ օրն է, որ TV-ով թմբկահարում են Սերժ Սարգսյանի՝ 5րդ մասիվում բնակչության հետ հանդիպումը: Էկրանից այս ամենը շատ հաջող է երեւում՝ ծափահարություններ, “Առաջ Հայաստան” բացականչություններ, ամբիոնում կանգնած մարդու՝ իրեն ոչ հատուկ փիլիսոփայական եզրահանգումներ եւ այլն…

Ցանկանո՞ւմ եք տեղեկանալ իրականությանը: Խնդրեմ:

Հանդիպումը երեւի պետք է տեղի ունենար 13:00-ի կողմերը: Դրսից լսեցի երեխաների ձայներ՝ կլիներ 12:30-ի կողմերը: Նայում եմ դուրս (ինքս ապրում եմ Նոր Նորքի 3-րդ մասիվում), մեկ էլ տեսնեմ, մեր կողքի դպրոցի երեխաները (մեծերն էին կարծես՝ երեւի 8-10 դասարանցիք), դասարան առ դասարան, իրենց ուսուցիչների ուղեկցությամբ քայլում են դեպի… էլ ո՞ւր, եթե Հանրապետականներն իրենց նախագահի գլխավորությամբ եկել-հասել են մասիվ, մասիվի դպրոցները քանի՞գլխանի են, որ շարունակեն իրենց դասերը…

Ավելի ուշ մեր հարեւանուհուց, ով աշխատում է մեր շենքի կողքի մանկապարտեզում, տեղեկացա, որ, թաղապետարանից հրահանգվել է, ու իրենք էլ մի մարդու պես այցելել են թեկնածուի հետ հանդիպման վայր: Չգնալ չէին կարող՝ ներկա-բացակա պիտի արվեր հենց այնտեղ:

• 7 մեկնաբանություն

1. Փոքր ու միջին ձեռներեցության զարգացման ազգային ռազմավարական ծրագրի մշակում ու իրականացում
2. Ստուգումների ու ստուգող կազմակերպությունների թվի կտրուկ նվազեցում:
3. Պարզեցված հարկի ծավալների մեծացում, հաստատագրված հարկային քաղաքականության ծավալների կտրուկ աճ, պարզեցված հարկային վարչարարության իրականացում:
4. Բնակավայրերի եւ բնագավառների փոքր ու միջին ձեռներեցության զարգացման անձնագրերի կազմում:
5. «Բանկերը պետք է դեմքով շուռ գան դեպի տնտեսությունը»






Ամբողջ հոդվածը ընթերցեք այստեղ

• 3 մեկնաբանություն

Այս խոստումը «շաղ տալով» Սերժ Սարգսյանը «ճեմում էր» հրապարակ քշված ԻՐ ժողովրդի առջեւով…

Մեկնաբանեմ նախադասությունը…

«Շաղ տալով...», ճիշտ նկատեցիք հեգնական տոնս… Էլ ո՞նց չհեգնեմ, ստացվում է, որ «Աղքատության հաղթահարման ռազմավարական փաստաթուղթը» կազմվել եւ Հայաստանին ԱՄՆ-ի կողմից տրվել է ավելի քան 200 միլիոն դոլար ոչ այնքան այն բանի համար, որ աղքատությունը Հայաստանում հնարավորինս մեղմացվի, այլ որ մեծարգո Սերժ Սարգսյանը գլուխ գովա: Էդ երեւի միայն իր շնորքն էր, հա՞, որ ԱՄՆ-ն փող տվեց… ինքը պաշտոնյա չլիներ, Հայաստանին փող չէին տա, ու 2012-ին Հայաստանում դարձյալ ծայրահեղ աղքատներ կլինեին… Դե բա էլ ի՞նչ եք մարդկանց ուղեղը լցնում սուտ քարոզչությամբ:

• 1 մեկնաբանություն

Լեւոն Տեր-Պետրոսյանի եւ նրան աջակցող ուժերի կազմակերպած հանրահավաքը ավարտվեց երթով՝ Ազատության հրապարակ- Մաշտոցի փ.-Ամիրյան փ.- Հանրապետության հրապարակ-Նալբանդյան փ.-Սայաթ-Նովայի փ.-Ազատության հրապարակ շրջանով: Ժողովրդի ցնծությունը մեծ էր, ոգեւորությունը՝ անսպառ…



Մարնամասներ եւ մեկնաբանություններ
Բնօրինակ

• 1 մեկնաբանություն

Ողջույն բոլորին,
ես եվ իմ ընտանիքի անդամենրը մեր ձայնը տալու ենք Արթուր Բաղդասարյանին, ով, ի տարբերություն այլ թեկնածուների, չի սպասել, մինչեւ իրեն պաշտոնանկ անեն կամ բռնի կհեռացնեն իշխանությունից: Նա ինքը չհանդուրժեց անօրինականությունները, որովհետեվ ինքը հենց օրինականության միակ պաշտպանն է ու կյանքի կոչողը: Փորձեցին թուլացնել, ջլատել, սակայն չստացվեց: Ով առնետ էր, փախավ, եվ ավելի լավ, դրանցի տուժեցին միայն այն կուսակցությունները, ովքեր ծաղիկները ձեռքները ընդունեցին այդ փողամոլներին: Դրանից մենք մաքրվեցինք, ու հիմա ավելի հաստատակամ ենք:



Բաց արեք Ձեր աչքերը եվ ուշադիր զննեք յուրաքանչյուր թեկնածուի: Ծանոթացեք նրանց անցյալին, ընթերցեք ուշադիր նրանց նախընտրական ծրագրերը եվ ինքներդ կհամոզվեք, որ Արթուրից լավը չկա: Մարդ, որը իրավաբան է եվ օրինականության պահաման, մարդ, որը չի հանդուրժում ոչ կեղծիք, ոչ էլ կաշառվածություն, մարդ, որը ետ շպրտեց իշխանությունից օգտվելու եվ ի նպաստ իրեն օգտագործելու մտքերը, մարդ, որը ամեն ինչ արեց սոցիալական ծանր վիճակում հայտնված ընտանիքներին նեցուկ լինելու:

Ես ընտրելու եմ Արթուրին, ու իմ որոշումը անկոտրում է…

• 2 մեկնաբանություն

Եկե՛ք եւ լսե՛ք, թե չէ եթե հույսներոդ դրել եք հեռուստատեսությամբ մատուցվող տեղեկություններին, ապա ավելի լավ է դիտել “Միայնակ տնտեսուհիները” կինոսերիալը…

• 4 մեկնաբանություն

Ես այս ընտրություններին վերաբերվում եմ ավելի լուրջ, քան երբեւէ: Եվ ես մեր ապագայի լավ ու վատ լինելը կապում եմ նաեւ փետրվարի 19-ի եւ այդ օրվան հաջորդող օրերի քաղաքական զարգացումների հետ:

Բնականաբար, հանրապետականների շուրթերից լսվող եւ վիճակագիրների ձեռքով իբր թե ապացուցվող իրենց անպարտվողականությունը արդեն իսկ ավելի քան կասկածելի է: Կասկածս էլ ավելի է հզորանում իրենց կողմից ձեռնարկվող քայլերի խուճապայնությամբ: Իսկ խուճապի մեջ սովորաբար հայտնվում է մեկը, ով արդեն իսկ կանխորոշել է իր պարտությունը:

Խուճապային է իրենց ամեն քայլը՝ էլ չնշեմ հերթով. միայն այն, որ ինչքան խամրած երգ-աստղ կա, հավաքել են բուտիրկայի նմանվող մի սենյակում ու ջահելներին հրամցնում նրանց երդումը՝ պաշտպանելու ներկա վարչապետին, արդեն իսկ ծիծաղելու աստիճան պրիմիտիվ է: Ռուբեն Հախվերդյանն էլ, ասենք, ՀՅԴ-ին է սատարում եւ երգ նվիրեց նրանց, սակայն չի պրիմիտիվանում Շուշանի եւ մնացածի պես:

Մի խոսքով, զարմանալի է իրեն վստահ զգացող կուսակցության անվստահ քայլերը:

Լեւոն Տեր-Պետրոսյանի նախընտրական ծրագիրը

• 2 մեկնաբանություն

Հարգելիներս,

ելնելով այն հանգամանքից, որ 1 օրից պաշտոնապես մենք թեւակոխում ենք նախագահական նախընտրական շրջանը եւ նպատակ ունենալով մեր բլոգը դարձնել Ձեր կարծիքների ազատ արտահայտման կայքէջ եւ այդ գործում մասնակից դարձնելու Ձեզնից յուրաքանչյուրին, մենք մեր բոլոր մեկնաբաններին ավտոմատ կերպով շնորհում ենք հեղինակի կարգավիճակ:

Սա նշանակում է, որ այն մեկնաբանները, որոնք գրանցվել էին մինչեւ այսօր եւ գրանցվելու են մինչեւ ընտրությունների օրը, ավտոմատ կերպով դառնում են F5 բլոգի ՀԵՂԻՆԱԿ եւ կկարողանան ոչ միայն մեկնաբանել մյուս անդամների գրառումները, այլ նաեւ ՀՐԱՊԱՐԱԿԵՆ ԻՐԵՆՑ ՍԵՓԱԿԱՆ ԳՐԱՌՈՒՄՆԵՐԸ:

• 12 մեկնաբանություն

Հարգելիներս,
հաշված ժամեր են մնացել նոր՝ 2008 թվականին:

Ի սրտե շնորհավորում եմ բոլորիս եւ ցանկանում առողջություն, խաղաղություն եւ հաջողություններ: Թող 2008-ը մեզ բերի երջանկություն եւ միայն առաջխաղացում՝ մեզ, մեր ընտանիքներին եւ մեր ընկերներին: 

• 0 մեկնաբանություն