Հայաստանը Եվրատեսիլ-2008-ի առաջին կիսաեզրափակչում ելույթ կունենա 14-րդ համարի ներքո:

Մրցույթին Սիրոշոն կներկայացնի «Քելե-քելե» երգը, որի օգտին մարտի 8-ին կայացած հեռուսատաշոուի ժամանակ SMS-հաղորդագրությունների միջոցով կողմ է քվեարկել ՀՀՀ հեռուստադիտողների 86,5%-ը:

Առաջին կիսաեզրափակչում Հայաստանից բացի ելույթ կունենան ևս 18 երկրների ներկայացուցիչներ՝ Ռուսաստան, Չեռնոգորիա, Ֆինլանդիա, Հունաստան, Իռլանդիա, Իսրայել, Լեհաստան, Բոսնիա և Հերցոգովինա, Էստոնիա, Հոլանդիա, Ռումինիա, Մոլդովա, Սլովենիա, Նորվեգիա, Անդորրա, Բելգիա, Սան-Մարինո և Ադրբեջան։ Վերջին երկու երկրները մրցույթին մասնակցում են առաջին անգամ: Երաժշտության հեղինակը Արթուր Տեր-Հովակիմյանն է, իսկ տեքսը գրել է հենց ինքը՝ երգչուհին:

Մայիսի 12-ին առաջին կիսաեզրափակիչը կբացվի Չեռնոգորիայի ներկայացուցիչ Ստեֆան Ֆիլիպովիչի «Zauvijek Volim Te» երգով, իսկ կավարտվի հույն երգչուհի Կալումիրայի «Secret Combination» երգով:

«Եվրատեսիլ-2008» մրցույթի եզրափակիչը տեղի կունենա մայիսի 24-ին՝ Սերբիայի մայրաքաղաքում:

• 0 մեկնաբանություն

Ինչպես և նախորդ տարի, հայ ֆուտբոլիստներից «ամենաարժեքավորը» Արտավազդ Քարամյանն է, որին իր ակումբը` Պոլի Տիմիշոարան, այս տարի գնահատել է նախորդի գրեթե կրկնակի չափով` 1,6 միլիոն: Չնչին չափով աճել է երիտասարդ հարձակվող Էդգար Մանուչարյանի տրանսֆերային արժեքը, որն այժմ ըստ transfermarkt.de կայքի, կազմում է 750 հազար եվրո: Էդգարը այդպես էլ դեռ չի կարողանում հաստատվել «Այաքսի» հիմնական կազմում, և առայժմ կայուն հանդես է գալիս ակումբի երիտասարդական թիմում` պարբերաբար դառնալով գոլեր հեղինակ: «Թանկացել են» նաև դարպասապահ Բերեզովսկին ու կիսապաշտպան Սամվել Մելքոնյանը: Նրանց համար իրենց ակումբներն ու գործակալները սահմանել են 700 հազարական եվրո արժեք: Տարօրինակորեն ցածր է ներկայացված Շվեդիա տեղափոխված կիսապաշտպան Լևոն Փաչաջյանի տրանսֆերային արժեքը` 75 հազար: Մյուս «թարմ» լեգեոները` Ռոբերտ Արզումանյանը գնահատվել է 325 հազար:

Համեմատության համար բերեմ Հայաստանի հետ տնտեսա-աշխարհագրա-քաղաքական «հավասար» երկրների, ինչպես նաև աշխարհի գավաթի 2010 թվականի նախընտրական ենթախմբում մեր մրցակիցների ֆուտբոլային «արժեքները»:

Հայաստան - 5.050.000
Վրաստան - 34.300.000
Ադրբեջան - 4.200.000
Մոնտենեգրո - 40.000.000 (նորանկախ պետություն)
Մոլդավիա - 8.600.000
Էստոնիա - 5.400.000
Բոսնիա - 41.000.000
Բելգիա - 60.000.000
Թուրքիա - 118.000.000
Իսպանիա - 371.000.000

Հաջողություն ցանկանանք Պոուլսենին ու իր սաներին` ԱԳ 2010 խաղերի ընթացքում, ու հիշենք, որ ՀՖՖ նախագահ Ռուբեն Հայրապետյանը նշել էր, որ նպատակ են դնելու ենթախմբից դուրս գալ: Թե ինչ ուղղությամբ է ուզում մարդը դուրս գալ` թողնեմ բլոգերների երևակայությանը:

• 9 մեկնաբանություն

Двое армянских оппозиционеров задержаны в Грузии и переданы Армении?
Активист офиса SOS-Армения Арнольд Степанян заявил журналистам 14 марта, что двое армянских оппозиционеров - Сурен Сирумян и Самвел Арутюнян, разыскиваемых правоохранительными органами Армении в связи с участием в митингах в Ереване в начале марта, на этой неделе были задержаны правоохранительными органами Грузии и переданы армянским коллегам, - сообщает корреспондент ИА REGNUM.

Оба задержанных на территории Грузии являются представителями Союза добровольцев “Еркрапа”. По словам Арнольда Степаняна, являющегося одновременно главой тбилисской армянской общины, есть информация также о задержании в Грузии еще одного армянского оппозиционера, его имя и фамилия в настоящее время уточняются.

• 0 մեկնաբանություն

“Дашнакцутюн" о резолюции ООН: Ответные шаги Армении не заставят себя ждать

Азербайджан воспользовался сложной ситуацией в Армении и “подсунул” в ООН уже давно готовый проект резолюции. Об этом заявил член бюро Армянской революционной федерации “Дашнакцутюн” Ваан Ованнисян, комментируя одобренную 14 марта резолюцию по Нагорному Карабаху, проект которой был представлен Азербайджаном.

По его словам, азербайджанская сторона не раз пыталась протолкнуть подобные резолюции в ПА ОБСЕ или ПАСЕ, но никогда они не проходили, поскольку все эти структуры понимали, что существует формат МГ ОБСЕ, и не желали его нарушать.

• 3 մեկնաբանություն

Эксперты Jane’s: Власти Армении могут встать перед фактом еще больших уличных протестов

“Отныне для Запада будет труднее достичь подписания Ереваном какого-либо документа по урегулированию нагорно-карабахского конфликта”. Такой прогноз сделали специалисты исследовательского центра Jane’s, изучив внутриполитическую ситуацию в Армении.

• 0 մեկնաբանություն

ԱԺ նախագահ Տիգրան Թորոսյանը նախօրեին ընդունել է ԵԽ մարդու իրավունքների հանձնակատար Թոմաս Համարբերգին:

Աժ նախագահը նշել է, որ ստեղծված իրավիճակում կատարվել են քայլեր, որոնք լիովին համապատասխանում են ՀՀ Սահմանադրությանը և Մարդու իրավունքների եվրոպական կոնվենցիային: Նշվել է նաև, որ արդեն արտակարգ իրավիճակի սահմանափակումները մեղմացվել են` նախագահը փոփոխություններ է կատարել երեք կետերում: «Սահմանափակումները մեկ նպատակ ունեն միայն` կայունացնել իրավիճակը և բացառել հասարակության մեջ նման բացասական երևույթների կրկնությունը»,- նշել է ԱԺ ղեկավարը:

Անդրադառնալով այս օրերին հնչած տարբեր օտարերկրյա հայտարարություններին` Տ. Թորոսյանը դրանք ոչ համարժեք է գնահատել. մասնավորապես երբ ասվում է, որ պետք է ազատ արձակել բոլոր ձերբակալվածներին և երկխոսություն սկսել ընդդիմության հետ` նկատի ունենալով Լևոն Տեր-Պետրոսյանին և իր համախոհներին, քանի որ նախ պետք է ձերբակալել նրանց, ովքեր հանցագործություն են կատարել` անկախ կուսակցական պատկանելությունից:

«Լ. Տեր-Պետրոսյանն ու իր համախոհները միակ ընդդիմադիր ուժը չեն, Հայաստանում մի շարք քաղաքական ընդդիմադիր ուժեր կան, որոնց հետ արդեն կայացվել են քաղաքական պայմանավորվածություններ: Իսկ նրանց հետ, ովքեր չեն ընդունում ոչ միջազգային դիտորդների կարծիքը, ոչ Սահմանադրական դատարանի վճիռը, ովքեր մերժում են ժողովրդավարական արժեքներն ու սկզբունքները, երկխոսության կոչը ձևական է դառնում»,-նկատել է ԱԺ նախագահը:

Աղբյուր

Հ.Գ. «Մի շարք քաղաքական ընդդիմադիր ուժեր» ասելով, ըստ երեւույթին, պարոն Թորոսյանը նկատի ունի իշխանությունների հետ քաղաքական կոալիցիա կազմած ՕԵԿ-ը եւ այդ կոալիցիային ձգտող ՀՅԴ-ն, «Արտաշի կուսակցությունը» եւ այս օրերին իրենց ընդդիմադիր հայացքները բազմիցս արտահայտած Վազգեն Մանուկյանի «ծաղկեփունջ»-կուսակցությունը: Մոռացա նշել սեւ դրոշակները ձեռքից շպրտած Արամ Հարությունյանին: Թող զարմանալի չհնչի, սակայն ԱԼՄ-ի Կարապետիչն իր ՍԴ ելույթով ավելի ընդդիմադիր է, քան Վազգեն Մանուկյանն իր խորը քաղաքական վերլուծություններով:

• 3 մեկնաբանություն

Հայաստանյան մի շարք հասարակական կազմակերպություններ շաբաթ օրը իրենց անհանգստությունն են հայտնել լրատվական դաշտում ստեղծված իրավիճակի առթիվ:

Երեւանի մամուլի ակումբը, Խոսքի ազատության պաշտպանության կոմիտեն, «Բազմակողմանի տեղեկատվության ինստիտուտ -Հայաստան»-ը, «Ինտերնյուս»-ը, Ժուռնալիստների «Ասպարեզ» ակումբը, Վանաձորի մամուլի ակումբը, Հելսինկյան քաղաքացիական ասամբլեայի Վանաձորի գրասենյակը եւ «Թրանսփարենսի ինթերնեշնլ» հակակոռուպցիոն կենտրոնը համատեղ հայտարարության մեջ նշում են, որ մարտի 1-ից ի վեր տեղեկատվական ոլորտում եղել են օրինականության եւ արտակարգ դրության ռեժիմի բազմաթիվ խախտումներ:

• 0 մեկնաբանություն

Հեռահաղորդակցման միջազգային միության տվյալներով` 2007 թվականի օգոստոսի դրությամբ Հայաստանում ինտերնետ օգտագործողների թիվը 172 800 է (բնակչության 5.9 տոկոսը), իսկ հայաստանյան .am տիրույթում գրանցված դոմեյնների` ենթատիրույթների թիվը, 2007 թվականի դեկտեմբերի 31-ի դրությամբ` 9300:

Հայաստանի գործող նախագահ Ռոբերտ Քոչարյանի մարտի 1-ի հրամանագրով հայտարարված արտակարգ դրությունից հետո լրատվամիջոցների գործունեությանը զուգահեռ մտցվեցին նաեւ ինտերնետային սահմանափակումներ, հայաստանյան մի շարք կայքէջեր, այդ թվում եւ «Ազատություն» ռադիոկայանի հայկական ծառայության կայքէջը` azatutyun.am-ը, դարձան անմատչելի:

«Հայաստանում ինտերնետը լրատվության աղբյուր է ծառայում ինտերնետից օգտվողների ոչ ավել, քան 5 տոկոսի համար, մոտ 5 տարի առաջ, ըստ հարցման, այդ ցուցանիշը 1 տոկոս էր: Հետեւաբար ինտերնետային սահմանափակումները հիմնավորված եւ ողջամիտ չեմ համարում: Իրաքյան պատերազմի ընթացքում ԱՄՆ-ում եւս լրատվամիջոցներին կոչ արվեց լինել զուսպ եւ խուսափել կտրուկ, միակողմ հայտարարություններից, ոչ ստուգված տեղեկությունների հրապարակումից, սակայն ոչ ոք ինտերնետային զտում չէր իրականացնում, վերջինս ավելի բնորոշ է տոտալիտար երկրներին»,- «Ազատություն» ռադիոկայանի հետ զրույցում կարծիք հայտնեց «Տեղեկատվական իրավունքի եւ քաղաքականության կենտրոն»-ի տնօրեն, Հայաստանի ինտերնետ մատակարարող ընկերությունների միության խորհրդի անդամ Դավիթ Սանդուխչյանը:

• 1 մեկնաբանություն

Մարտի 13-ը (հին տոմարով՝ 25-ը) հայ հանճարներից մեկի՝ Եղիշե Չարենցի ծննդյան օրն է: Չարենցը (Եղիշե Աբգարի Սողոմոնյան) ծնվել է ուղիղ 111 տարի առաջ (1897թ.) Ղարսում: Ձեզ եմ ներկայացնում մեծն Չարենցի ստեղծագործություններից մեկը:

• 0 մեկնաբանություն

39 կողմ, 7 դեմ եւ 100 ձեռնպահ` ձայների հարաբերակցությամբ Միավորված Ազգերի Կազմակերպության Գլխավոր ասամբլեան անցած գիշեր ընդունեց Lեռնային Ղարաբաղին նվիրված բանաձեւը, որի նախագիծը շրջանառության մեջ էր դրվել ադրբեջանական պատվիրակության կողմից:

Բանաձեւում մասնավորապես նշված է.

«Ադրբեջանական Հանրապետության Lեռնային Ղարաբաղի տարածաշրջանում եւ դրա շուրջ առկա ռազմական հակամարտությունը վտանգում է միջազգային անվտան�ությունն ու խաղաղությունը»: ՄԱԿ-ի Գլխավոր ասամբլեան այս բանաձեւով մեկ անգամ էլ ճանաչում է Ադրբեջանի տարածաքային ամբողջականությունը` միջազգայնորեն ճանաչված սահմաններում: «ՄԱԿ-ի Գլխավոր ասամբլեան այս բանաձեւով նաեւ պահանջում է գրավյալ տարածքներից հայկական բոլոր ուժերի անհապաղ,անվերապահ ու լիակատար դուրս բերում:

ՄԱԿ-ի անդամ որեւէ պետություն չպետք է օրինական ճանաչի այն իրավիճակը որ հիմա առկա է Lեռնային Ղարաբաղում եւ չպետք է դիմի որեւէ քայլի,որ կարող է նպաստել այս կացության պահպանմանը կամ ամրապնդմանը:

....

Ադրբեջանական Հանրապետության օկուպացված տարածքներից տեղահանված անձանց անքակտելի իրավունքը` վերադառնալ իրենց օջախները»:

Սրան զուգահեռ ՄԱԿ-ի անդամների կողմից վերահաստատված այս բանաձեւում նշվում է, որ կազմակերպությունը ընդունում է «Ղարաբաղի հայակական եւ ադրբեջանական համայնքների համար հավասար պայմաններ ստեղծելու անհրաժեշտությունը»:

• 1 մեկնաբանություն