Այսօր a1-պլյուսը իր նորությունների բաժնում հպանցիկ հիշատակել է մեր բլոգի մասին եւ նույնիսկ մատուցել հաճելի անակնկալ՝ ներկայացնելով նաեւ մեր «F5» «բրենդի» անվանումը եւ նույնիսկ մի պատկեր՝ F5-ի վերաբերյալ:

Ընթերցում ենք հետեւյալ էջում.

Եւս մեկ անգամ հիշեցնում ենք` եթե դուք բացում եք «Ա1+»-ի կայքը եւ չեք տեսնում նոր տեղեկատվություն, ապա մի անհանգստացեք: Եվ մի կարծեք, որ մենք չենք աշխատում, կամ կայքը չի թարմացվում: Պարզապես` կայքի թարմացման համակարգը ժամանակավորապես փոխվել է եւ մեր կայքի նոր նյութերին ծանոթանալու համար անհրաժեշտ է սեղմել Refresh կամ Ctrl+ F5 կոճակը: Նույն գործողությունը կրկնեք նաեւ մեր կայքի մյուս էջերում: Հայցում ենք Ձեր ներողամտությունը ժամանակավոր անհարմարության համար:

Ժոժոբա, շոփեր տղա ես, տղերքին մի հատ խորհուրդ տուր…

• 0 մեկնաբանություն

Խոսքս այն մասին է, որ Ազգային Ժողովը ինչ-որ մի հանձնաժողով է ձեւավորել, որը պետք է քննարկի եւ եզրակացություն տա մարտիմեկյան դեպքերի մասին:

Իմ իսկ վերաբերմունքն այս դիմակահանդեսի վերաբերյալ արտահայտել եմ գրառմանս վերնագրում եւ նկարում (մեքենայի մեջ՝ Սերժ Սարգսյանն է):

Ուրախ կլինեի լսել Ձեր մտքերը:

• 4 մեկնաբանություն

«Ես եկել եմ կամուրջներ կապելու, ոչ թե այրելու: Կամուրջներ այրելը հեշտ է, կապելը դժվար»,- այսօր կառավարության նիստերի դահլիճում «Ժառանգության» 5-րդ հերթական համագումարի ժամանակ հայտարարեց ՀՀ վարչապետ Տիգրան Սարգսյանը, ով կառավարությունից միակն էր, որ ներկա էր համագումարին եւ ողջունեց այն: Սարգսյանը բարձր գնահատեց «Ժառանգության» դերը երկրի զարգացման հարցում եւ քաղաքական կյանքում, հատկապես այն պարագայում, երբ այն միակ ընդդիմադիր ուժն է խորհրդարանում:

«Սրանով ավելի է մեծանում պատասխանատվությունը թե ընտրողների, թե արտախորհրդարանական ուժերի, թե երկրի առջեւ»,-ասաց վարչապետը եւ հայտարարեց, որ երկրին պետք է ուժեղ ընդդիմություն:

«Ուժեղ ընդդիմություն՝ ուժեղ իշխանություն, ուժեղ հասարակություն, ուժեղ պետություն»,- ընդգծեց Տիգրան Սարգսյանը եւ կոչ արեց համագործակցության՝ կրկնելով փետրվարի 26-ին Սերժ Սարգսյանի արած առաջարկությունը:

Նա նկատեց, որ իրենց պետք է իրական ժողովրդավարական երկիր եւ դրա համար առաջարկեց հիմնվել ոչ թե բաժանող, այլ իրար միավորող կետերի վրա:

«Մեզ ջրբաժաններ քաշելու ժամանակը չէ, այսօր համագործակցելու ժամանակն է»,- ասաց Տիգրան Սարգսյանը, ում ելույթը պատվիրակները ընդունեցին ծափողջույններով: 

• 41 մեկնաբանություն

Այսօր ժամը 22.10-ի սահմաններում ոչ սթափ վիճակում, ատրճանակը ձեռքին Հյուսիսային պողոտայում հայտնվեց գրող, հրապարակախոս Վահրամ Սահակյանը:

«էստեղ ո՞վ ա լեւոնականը: Դե ձեն հանեք»,- ատրճանակն ուղղելով նստացույցի մասնակիցների վրա, Վահրամ Սահակյանը մի կերպ ճոճվելով առաջ շարժվեց` սեռական բնույթի հայհոյանքներ ուղղելով նստացույցի մասնակիցներին :

Թեեւ Հյուսիսային պողոտան մարդաշտ էր, սակայն Սահակյանի հայտնվելը բոլորի համար անակնկալ էր: Նրանք, ովքեր նկատեցին Սահակյանի ձեռքի ատրճանակը, չփորձեցին մոտենալ` վախենալով, որ նա կարող է կրակել: 

• 0 մեկնաբանություն

Հայաստանում բնակչության ընդամենը 10 տոկոսն է օգտվում համակարգչից, իսկ ինտերնետ-օգտագործողներն ավելի փոքր թիվ են կազմում:

Այսօր լրագրողների հետ հանդիպման ընթացքում նման տվյալներ ներկայացրեց Ձեռնարկությունների ինկուբատոր հիմնադրամի տնօրեն Բագրատ Ենգիբարյանը:

• 2 մեկնաբանություն

ԵՐԵՎԱՆ, 9 ՀՈւԼԻՍԻ, ԱՐՄԵՆՊՐԵՍ: Հանրահայտ «The Wall Street Journal»-ն այսօր հրապարակել Է ՀՀ նախագահ Սերժ Սարգսյանի հոդվածը, որը թարգմանաբար ներկայացնում ենք ամբողջությամբ:

• 1 մեկնաբանություն

Հունիսի 4, Մատենադարանի մերձակա հրապարակ, Երեւան

Ըստ Լեւոն Տեր-Պետրոսյանի, տասը տարիների ընթացքում Ռոբերտ Քոչարյանը կեղծ տեղեկանքով եւ անօրինական ընտրությամբ զբաղեցրեց նախագահի աթոռը, 1999 թվականի հոկտեմբերի 27-ով ամրապնդեց այն, խափանեց հոկտեմբերի 27-ի եւ այլ սպանությունների բացահայտումը, դատական եւ օրենսդիր իշխանությունը զրկեց անկախությունից, երկիրը վերածեց ավազակապետության, կեղծեց իր պաշտոնավարման ընթացքի բոլոր ընտրություններն ու հանրաքվեն, սահմանափակեց մամուլի ազատությունն ու տնտեսական մրցակցությունը, ծաղկեցրեց կոռուպցիան, իր ընտանեկան բիզնեսը, դիզեց մեծ հարստություն, Ղարաբաղից Հայաստան բերեց մոտ 15 հազար մարդ, Հայաստանից արտագաղթեցրեց մոտ կես միլիոն մարդ` իր ապաշնորհ քաղաքականության պատճառով, ռազմավարական օբյեկտները տվեց Ռուսաստանին, խորացրեց հայ-թուրքական հարաբերության չկարգավորվածությունը, բաց թողեց Ղարաբաղի հարցի լուծման մի քանի բարենպաստ առիթ, եւ ի վերջո, իր պաշտոնավարումն ավարտեց Երեւանի կենտրոնում քաղաքացիները դեմ գործած աննախադեպ ոճրագործությամբ, սպանելով տասը մարդու:

• 8 մեկնաբանություն

Հարգելի հայրենակիցներ.
Բլոգերներ.
Բլոգին հետեւող արտասահմանում բնակվող բարեկամներ.

Հայտարարելով բոյկոտից դուրս գալու իմ մտադրության մասին` ցանկանում եմ որոշ դիտարկումներ անել ներկայիս քաղաքական արենայի վերաբերյալ:

Քաղաքական դաշտ, որտեղ տեղի են ունենում բացառապես ամեն ինչ, բացի քաղաքական պայքարից: Դաշտ, որտեղ տիրում է մի սոսկալի անորոշություն: Դաշտ, որտեղ առկա են երկու բեւեռ: Մեկը` Համաժողովրդական Շարժումը, իսկ մյուսը` իշխանությունը: Բոլորը կարծես փնտրում են երրորդ ուժ: Թե ինչ է դա, ոչ ոք էլ չգիտե: Երրորդ ուժի դերին են հավակնում թոշակառու քաղաքական գործիչները:

Իսկ թե ինչ կստացվի այդ «շիլա-շփոթից», կարծում եմ գուշակել պետք էլ չէ:

• 16 մեկնաբանություն

ՀՅԴ Հայ Դատի կենտրոնական գրասենյակի տնօրեն Կիրո Մանոյանը Armenian Reporter թերթին տված հարցազրույցում նշել է, որ «նախագահ Ռոբերտ Քոչարյանին ակնհայտորեն վատ խորհուրդ են տվել Իլհամ Ալիեվին ՀՀ արտգործնախարարի պաշտոնում առաջադրելու հարցով»: «Դա հստակ շեղում է մինչև այժմ ունեցած վարչակազմերի քաղաքականությունից, և այդ դիրքորոշումը անընդունելի է մեզ համար»,- նշել է պրն. Մանոյանը, և տեղեկացրել, որ ՀՅԴ Բյուրոն կքննարկի կոալիցիոն կառավարությունում երկու դաշնակցական համայնքապետերի հետագա աշխատանքի նպատակահարմարությունը:

Կենտրոն համայնքի դատարանը ևս երկու ամսով երկարացրել է «Մ1» գործով կասկածյալներ Հ.Հ.-ի, Մ.Մ.-ի, Ա.Ա.-ի և Ճ.Ճ.-ի կալանքի ժամկետները: ԱԱԾ-ն դիմել էր դատարանին երկարացման պահանջով, քանի որ «դեռևս ամբողջովին պարզված չեն անկարգությունների հիմնական հրահրողները, և հետաքննության մարմիններըին դեռևս ժամանակ է հարկավոր՝ անհրաժեշտ թվով վկաների հարցաքննման և հանցագործության իրական պատկերի վերականգնման համար»:

ԼՂՀ ներկայացուցչության տնտեսական բաժնի նորանշանակ ավագ խորհրդական Արթուր Բաղդասարյանը «Կեչուտի ձայն» շաբաթաթերթին տված բացառիկ հարցազրույցում նշել է իր նորաստեղծ գերատեսչության առանցքային դերակատարությունը նոր ձևավորված կոալիցիոն կառավարությունում, և տեղեկացրել, որ իրենք այսուհետ ևս բարձրաձայնելու են երկրում առկա խնդիրները:

Լեզվի պետական կոմիտեի նախագահ Սամվել Ալեքսանյանը կառավարություն է ներկայացրել օրենքի նախագիծ: Կառավարության հրավիրած լեզվագետների խումբը պահանջել է գերհզոր համակարգիչներով սարքավորված լաբորատորիա և առնվազն մեկ տարի ժամանակ՝ նախագծի տեքստը վերծանելու համար:

• 0 մեկնաբանություն

Այսօրվա «Առավոտում» տեսա հետեւյալը.

ՀՅԴ Բյուրոյի Հայ դատի կենտրոնական գրասենյակի տնօրեն Կիրո Մանոյանը Armenian Reporter թերթին տված հարցազրույցում նշել է, որ նախագահ Սերժ Սարգսյանին «ակնհայտորեն վատ խորհուրդ են տվել հայ-թուրքական հանձնաժողովի հետ կապված հարցով»: «Նախագահը ձեռնպահ է մնում այս հարցով ուղիղ բացատրություններից ու ճշգրտումներից, որովհետեւ սա հստակ շեղում է թե՛ նախկին նախագահ Քոչարյանի, թե՛ գործող վարչակազմի՝ մինչ այժմ որդեգրած դիրքորոշումներից: Վերջերս արտահայտած դիրքորոշումն անընդունելի է մեզ համար»,- ասել է պարոն Մանոյանը:

Այժմ դիմում եմ բոլոր շարքային դաշնակցականներին: Եթե չեմ սխալվում, դուք զենքի վրա եք երդվել: Հիշե՛ք այդ զենքը, բայց մի՛ մոռացեք բնավ երդման խոսքերը, որոնցում կուսակցությունից բացի խոսք է գնում նաեւ հայրենիքի մասին:

Նոր հասկացա՞ք, տղերք… Նոր տեղ հասա՞վ, որ Ձեր ընտրյալը (խոսքը Վահանի մասին չէ. նրա պարագայում դուք բոլորդ էլ դավաճաններ եք, քանի որ թողած Ձեր թեկնածուին, ընկել էիք նրա խնամու ջրերը) որեւէ բան չի հասկանում Հայաստանի արտաքին քաղաքականությունից, որի մեջ հենակետային է հայ-թուրքական հարաբերությունները:

• 2 մեկնաբանություն