69 մեկնաբանություն

1. Philosopher

   23-07-08 • 13:39 PM

   1

   Պահո… Փաստորեն Մոգաբեն մեր իշխանություից էլ ժողովրդավար է… Այ քեզ բան…

   Իսկ երկխոսության մասին շատ դիպուկ ասել է Ամատունու սիրելի նախագահը: Նա բացառել է երկխոսությունը:

   Իսկ ընդդիմության հետ երկխոսելու խնդիր Սերժ Սարգսյանը չունի. նա երկխոսություն ասելով հասկանում է երկխոսություն հասարակության հետ, մարդկանց հետ, «ոչ թե նախագահ եւ մի անհատ» ֆորմատով: Սերժ Սարգսյանը կարելի է ասել բացառեց ընդդիմության հետ երկխոսելու հնարավորությունը՝ շեշտելով, որ ինչի՞ մասին պետք է երկխոսեն, երբ ընդդիմությունը պահանջում է արտահերթ ընտրություն: «Ընտրության ժամկետնե՞րի մասին երկխոսենք: Ես հոգնել եմ ընտրություններից»,- ասաց Սերժ Սարգսյանը եւ վստահեցրեց, որ հաջորդ ընտրությունները կլինեն 4 տարի հետո, եւ կլինեն խորհրդարանական ընտրություններ:

   Աղբյուր

1. Ազիան

   23-07-08 • 20:37 PM

   2

   Իսկ երկխոսության մասին շատ դիպուկ ասել է Ամատունու սիրելի նախագահը: Նա բացառել է երկխոսությունը:

   Սա չարամիտ հերյուրանք է: Որտե՞ղ և ե՞րբ եմ հայտնել իմ համակրանքը նախագահին:
   Ցավոք նման կարգի «խանդը» հատուկ է ընդիմադիր վերնախավերին, որոնք օբեկտիվ, չափավոր հայացքների փոխարեն որդեգրել են ծայրահեղ դիրքորոշում, դրանով միայն վնասներ հասցնելով երկրի ընդհանուր ներքաղաքական կյանքին, վատթարացնելով մարդկանց տրամադրությունը: Փնտրեք լավը, իսկ վատին հանդիպելուց խարազանեք: Զտվե՛լ է պետք:

1. Քաղաքացի

   28-07-08 • 11:11 AM

   3

   Օբյեկտիվ հայացքը ո՞րն է: Որ օբյեկտիվորեն համակերպվե՞ս այն մտքի հետ, որ քո սեփական երկրում քեզ ցանկացած պահի կարող են ձերբակալել, ծեծել և, ինչու չէ, սպանել:

   Ու չափավոր պահանջներն էլ կլինեին երևի, որ.

   - Պահանջում ենք անհիմն ձերբակալելիս մեզ ոստիկանության բաժին տանել միմիայն քոչարյանի տղայի ներկրած ու բյուջեյի փողերով գնված Toyota-ներով:
   - Պահանջում ենք ծեծելուց խբել միմիայն ոտքերին և ձեռքերին, որպեսզի մեր կյանքը չվտանգվի ու վատագույն դեպքում մեր վերջույթները անդամահատվեն:
   - Պահանջում ենք մեզ սպանելուց կրակել ուղիղ մեր գլխին, որպեսզի շատ չտանջվենք:

   Այ սա՛ է քո ու որոշ նեո-նացիստների ասածը` ի դեմս աշոտյանա-մենուական պնակալեզների:

   Իսկ երկրին վնասներ հասցնելու մասին եկեք չխոսենք, քանի որ ձեր ասած “երկիրը” սերժիկի գրպանի հետ է ասոցացվում:

   

1. Ազիան

   29-07-08 • 13:39 PM

   4

   … Որ օբյեկտիվորեն համակերպվե՞ս այն մտքի հետ, որ քո սեփական երկրում քեզ ցանկացած պահի կարող են ձերբակալել, ծեծել և, ինչու չէ, սպանել:

   Սա ուրիշ խնդիր է և այլ քննարկման թեմա: Պետք չէ շիլաշփոթ ստեղծել` չունենալով դրա «պրոդուկտը» :Չարությունն ու չարիքը պետք չէ նույնացնել: Չարին պատասխանել չարությամբ կամ բզի գլխին խփելով, լաց ու կոծով գործին օգուտ չես տա:

   Քաղաքացի բարեկամ, նորից կրկնեմ ասածներս ու ցույց տամ մեխի տեղը.

   ...ծայրահեղ դիրքորոշումները միայն վնասներ է հասցնում երկրի ընդհանուր ներքաղաքական կյանքին, hոգ տանելով օրգանիզմի մասին` չվնասեն՛ք սիրտը:  Փնտրենք լավը, իսկ վատին հանդիպելուց խարազանեք: Առաջ շարժվելու համար լավատեսություն է պետք, միաժամանակ՝ անզիջում պայքար անհարիր երևույթների դեմ:

1. Քաղաքացի

   29-07-08 • 13:55 PM

   5

   Ամատունի ջան, մտքերդ ինչպես շատ խառն էին, բայց փորձեմ արձագանքել դրանց:

   Ես քեզ կոնկրետ օրինակ էի բերել, թե ես ինչի դեմ եմ պայքարում ու քեզ ցույց էի տվել, թե էդ երևույթների դեմ, քո ասած «չափավոր հայացքներով», ինչպես կարելի է պայքարել և ինչ կարելի է պահանջել: Իսկ դու, ինչպես հաճախ անում են Աշոտյանը, Շարմազանովը, ՀՅԴ-ի որոշ ներկայացուցիչներ, շրջանցել ես իմ միտքը: Ի՞նչ է նշանակում՝ սա ուրիշ քննարկման թեմա է: Դա հենց այս քննարկման թեման է և ՎԵՐՋ:

   Ես ամբողջ օրը փնտրում եմ լավը ու խարազանում վատին` Սերժին, ինձ անհիմն ձերբակալած ոստիկաններին, իմ ընկերոջ հորը անհիմն դատապարտած դատավորներին, ՀՀ որոշ ապրանքներ ներկրելու մենաշնորհ ունեցող լֆիկսամոներին, և այլն և այլն:

   Իսկ դու քո էս բոլոր գրառումների մեջ երբևէ մեկին խարազանե՞լ ես: Ես ամեն դեպքում չեմ նկատել. եթե այո, ապա ցույց տուր:

   Ու, ի վերջո, դու պետք է ընդունես, որ քո առաջարկած մեթոդները չաշխատող են, քանի որ դու դասվում ես հարմարվող մարդկանց շարքին: Իսկ հարմարվող մարդը չի կարող փոփոխության մեթոդներ առաջարկել:

   Հ.Գ.

   ծայրահեղ դիրքորոշումները միայն վնասներ է հասցնում երկրի ընդհանուր ներքաղաքական կյանքին

   77 քաղբանտարկյալ ունենալը շա՞տ ծայրահեղ դիրքորոշում է:

1. Jojoba

   29-07-08 • 14:54 PM

   6

   … Որ օբյեկտիվորեն համակերպվե՞ս այն մտքի հետ, որ քո սեփական երկրում քեզ ցանկացած պահի կարող են ձերբակալել, ծեծել և, ինչու չէ, սպանել:

   ՄԻ գուցե ես քիչ մը այլ թեմայով արձագանքեմ, բայց ... ուղղակի, անկախ ինձնից սա հիշեցի ...

   Ես երկար տարիներ ապրել եմ Հայաստանից դուրս՝ հիմնականում Մոսկվա եվ Տելավիվ: Բնականաբար, բոլոր երկրներում, ուր ես ապրել եմ, ես եղել եմ 2-րդ կարգի մարդ (չնայած նրան, որ մի երկրի քաղաքացի եմ, իսկ մյուսում էլ ունեմ կացության ստատուս), հետեւաբար եւ վերաբերմունքի 2-րդ կարգի մարդկանց նկատմամբ միշտ եղել է համապատասխան (նկատի ունեմ վատ, երբեմն` ստորացուցիչ):

   ... Երեվի թե չեք հավատա, բայց ես միշտ խուսափել եմ Հայաստան գալ (նկատի ունեմ մի քանի օրով, ծնողներիս մոտ) մի պատճառով… երեւի ծիծաղեք իմ վրա կամ չհավատաք, բայց առավել ստորացուցիչ վերաբերմունք ես չեմ տեսել, քան մեր հայկական սահմանապահների, մասքավորների եւ ընդհանրապես օդակայանի աշխատակիցների վերաբերմունքը:

   Հիմա երեւի շատերդ քթի տակ ծիծաղեք… Նշեմ , որ երբեւէ չեմ ներկրել կամ արտահանել ոչինչ (ամեն դեպքում` օդանավով). նկատի ունեմ, որ միշտ թեւերս թափ տալով գնացել-եկել եմ, երբեք պրոբլեմ չեմ ունեցել անձնագրի կամ բանակի հետ… բայց… Զվարթնոցի աշխատակիցներին դա երբեք չի հետաքրքրել… եթե տեսքով հայի նման ես, դա արդեն բավարար էր խնդիր ստեղծելու համար:

   Հիմա, թե ինչու քաղաքացու եւ Ամատունու խոսքերից հետո հիշեցի իմ «կյանքս», առավել տհաճ է, երբ քեզ կոպիտ դիմում է հայը (նույնիսկ եթե դա օրենքի պահապան է) Հայաստանում , քան եթե այլազգին՝ իր երկրում.

   որ քո սեփական երկրում քեզ ցանկացած պահի կարող են ձերբակալել, ծեծել և, ինչու չէ, սպանել

   Ցավոք սրտի, սա միշտ եղել է այս երկրում, սկսած Լեւոնի տարիներից… Նկատի չունեմ սպանելը (ես փոքր մարդ եմ եղել, ինձ դա չի սպառնացել), բայց ծեծել, ձերբակալել, բանակ ուղղարկել (նույնիսկ եթե դու Հայաստանի քաղաքացի չես, միայն նրա համար, որ դու ծնվել ես հայաստանում)… անօրինական արարքներ:

   Ստիպված եմ նշել, որ վերջին տարիներիս շատ բան է փոխվել (չգիտեմ, դա քոչարյանի շնորքն է, թե ժամանակներն այլ են), բայց ամեն դեպքում Հայաստանի ճամփան բռնելուց… ես նախօրոք տհաճություն չեմ ապրում միայն այն մտքից, որ պետք է ստիպված հանդիպեմ սրանց…
   

   որ քո սեփական երկրում քեզ ցանկացած պահի կարող են ձերբակալել, ծեծել և, ինչու չէ, սպանել

   Ցավոք սրտի սա միշտ եղել է, եվ շարունակվում է ... ուղղակի մի քիչ ձեվափոխված եվ այլ կոնտեքստով.

   Հիշեք մի 15-20 տարի առաջ, երբ Հայաստանը համարվում էր մենթի երկիր, ամեն մի ստից մենթ իրեն երկրի տեր էր կարծում: Ասացեք խնդրեմ, ի՞նչն է հիմա փոխվել, որ ուժի վերադասավորում է եղել եվ կենտրոնացում:

   Ցավով պետք է համաձայնվեմ այն մտքի հետ, որ այս դեպքում եւս… պատմությունը կրկնվում է… արմատները գալիս են… դեռեւս Լեվոնի ժամանակշրջանից: Կասեք՝ Սովետի տարիներին ա՞յլ էր… այո այլ էր… չկար նման անարխիա… դա արդեն մեծ պլյուս է (համենայն դեպս ինձ համար):

1. Քաղաքացի

   29-07-08 • 15:27 PM

   7

   Ժոժոբ, էս արձակո՞ւրդ ես: Բա կլիենտնե՞րը: Չլինի՞ թե 3G-ով ինտերնետ ունես ավտոյիդ մեջ: Էսքանը կատակով, իսկ հիմա լուրջ:

   Նախ ասեմ, որ քեզնից այսքան լուրջ մեկնաբանություն չէի սպասում: ԲՐԱՎՈ՜: Ասեմ, որ բավականին լավ է ստացվել, այնպես որ խնդրում եմ տաքսիական ոճին մի՛ վերադարձիր:

   Դու քո մեկնաբանությունը շատ հետաքրքիր ձևով ես կառուցել, ինչը, ինչպես որ հաճախ Ամատունու մեկնաբանություններում կնկատենք, խոսում է քո անձի` հարմարվողականության տեսակի մասին. ինչն իքնին պախարակելի երևույթ չէ, այլ պարզապաես այլ տեսակ է:

   Դու և Ամատունին արդարացիորեն թվում եք այն ինչ վատ էր ու վատ է, այդ թվում և Տեր-Պետրոսյանի օրոք (ես դրանք թվելուց ոչ վախենում եմ, ոչ էլ ամաչում ու համարում եմ, որ ամեն ինչ պետք է կոչել իրենց անուններով): Սակայն դուք ամեն անգամ գտնում եք պատճառներ այդ թերությունները և սխալները արդարացնելու համար:

   Մի դեպքում դա անցյալն է. այսինքն հիմա վատ է, քանի որ դրանից առաջ էլ է վատ եղել, դեռ ավելին` Լևոնն է դրել դրա հիմքերը:

   Մյուս դեպքում էլ արդարացումը, դա մոտալուտ «պայծառ» ապագան է, որը այդպես էլ չի գալիս: Այս երկրորդը ավելի շատ է հանդիպում Ամատունու մոտ:

   Բայց դուք երկուսդ էլ երբեք չեք ասում, որ մեզ բոլորիս` Հայաստանում և դրանից դուրս ապրող հայերին, փոփոխությունններ են պետք հիմա, հենց ՀԻՄԱ՛:

   Մենք ժամանակ չունենք սպասելու, արդեն 4 ամիս է սպասում ենք: Ի՞նչ ենք տեսել, բացի Հ1-ային շոուներից:

   Մենք իրավունք չունենք սպասելու…

   Իսկ այդ փոփոխությունները անելու համար պետք է 95% կամք և 5% գիտելիք: Սերժիկը չունի կամք, իսկ 100% գիտելիքի ու 0% կամքի պայմաններում փոփոխություն չի կարող լինել ո՛չ հիմա, ո՛չ էլ հետո:

1. Ազիան

   29-07-08 • 16:02 PM

   8

   Այստեղ ոչ մեկը հաշվետվություն չի պահանջել քեզանից, թե ինչպես ես պայքարում: Սա մեկ:

   2-րդ, քո պայքարը անձանց դեմ է: Մի սպասիր, թե որ պահին ես ասեմ «կորչի ցարը», նույն պահին կհռչակվի նորը:

   3-րդ. մենք պետք է տերը լինենք մեր իրավունքների պաշտպանության: Մոզամբիկից ոչ մեկը չի գա ու չի ասի՝ անձնագիր ստանալու համար կաշառք մի՛ տուր, կամ էլ ասի՝ քաղաքացի, լավ բան չարիր, որ թուղթը գետին գցեցիր: Եվ հետո, կրկնում եմ, պետք չէ ամեն ինչ նույնացնել: Մի մարզպետ դաշնակ կարող է կաշառակեր լինել, մեկ ուրիշը՝ ազնիվ: Անձնական գալարաձև բարդույթը պետք է հաղթահարել, կանգնել հասարակության խնդիրների հարթակին:

   Օրինակնե՞ր ես ուզում բերեմ: Ես քեզ կմատնանշեմ առավել պարզագույնը (որ չմեղադրես խառը մտքերի մեջ): Այս բլոգում բոլորիս կողմից պախարակվեց Հ1-ի լրատվության օբյեկտիվության որոշ հարցեր: Կարծում ես դա անօգո՞ւտ էր… Համենայն դեպս նրանք այսօր առավել, քան երբեք ավելի զգոն են: Քայլ առ քայլ այսպես պետք է լուծվեն անհարիր ու խորթ երևույթները: Մոսկվան մեկ օրում չեն կառուցել: Եթե ես այսօր ասեմ՝ «Լֆիկի մաման», դրանով Լֆիկները չեն պակասի: Եթե պահանջենք, որ գործի օրենքը՝ լֆիկները անվնաս կդառնան:

   Ի՞նչ ենք անում մենք այսօր: Ամենից դատապարտելին սա է. պաշտպանում ենք 10-տարվա առաջվա լֆիկներին, ո՞վ է Գարզոն… Գիտե՞ս Սարի թաղում քանի մարդու է ասել «առ էս կոպեկները ու լքի տունդ».  սա դառձավ նախադեպ, որ այդպես վարվեն Հյուսիսային պողոտայի նախկին բնակիչների հետ: Հապա ո՞վ էր Բագրատյանը, Վանոն, Տեր Հուսիկը, Վահան Շիրխանյանը, Ջհանգիրյանը… մյուսները: Սրանք հանցագործներ ու լֆիկներ են: Ի՞նչ ենք անում այսօր: Անուղակի սրբացնում ենք երեկվա հանցագործներին: Հենց սա՛ է, որ ես չեմ ընդունում, և որը քո կողմից հարմարվողականություն է նշանակում: Չարիքի արմատներն ավելի խորն են, քան քո սաղարթախիտ ընկալումները:

1. Ազիան

   29-07-08 • 16:05 PM

   9

   Հ.Գ.-Ամենավերջում ուզում եմ այս մեջբերումն անել.

   «Ամեն սեւ չի, որ նեգր է… ու ամեն հայ չի, որ խելոք է»

1. Ազիան

   29-07-08 • 16:19 PM

   10

   Jojoba-ի բարձրացրած թեման Հայաստան ելք ու մուտք անելու դժվարությունների վերաբերյալ խիստ արդիական է: Առաջիկայում արժե այս խնդրին անրադառնալ:

1. Քաղաքացի

   29-07-08 • 16:33 PM

   11

   Ամատունի, դու ասում ես, որ ես պայքարում եմ անձերի դեմ, բայց իրականում դու ես պայքարում նրաց դեմ, պարզապես պրոյեկտում ես ամեն ինչ ինձ (մեզ) վրա:

   Ու ես քեզ խնդրում եմ, քո իսկ ընկալումները այլևս չներկայացնել ինչպես իմը. օր.

   Մոզամբիկից ոչ մեկը չի գա ու չի ասի անձնագիր ստանալու համար կաշառք մի ‘ տուր,կամ էլ ասի քաղաքացի լավ բան չարիր,որ թուղթը գետին գցեցիր

   Ով ասեց, որ ես (մենք) մոզամբիկից կամ ել ԵԽԽՎ-ից ինչ որ մարդկանց ենք սպասում, որոնք պիտի գան ու փոխեն մեր երկիրը: Դա քեզ է թվում, որ մենք այնպես ենք կարծում, քանի որ ըստ քո աշխարհայացքի ուրիշ ձև չկա:

   Ու նորից կրկնում եմ ասածներս ու համոզվում, որ դու արդարացնում ես ներկայիս կեղտը անցյալի կեղտով ու ոչ մի իրական քայլ չես անում ներկայիս կեղտը մաքրելուն, բացի խոսելուց:

   Հ.Գ. Հայաստանում այսօր կա 76 քաղբանտարկյալ, որոնք երեխաներն ու թոռները արդեն 4-5 ամիս է փաստացի որբ են: Դե գնա ու քո կառուցողական քայլերով էդ էրեխեքին բացատրի, թե ինչու են իրենց հայրերն ու պապերը նստած: Հա չմոռանաս էդ էրեխեքին հաջողություն ասելուց ավելացնել, որ աղբը փողոց չեն թափում:

   Հ.Գ. ինչպես մեկ անգամ արդեն հայտարարել էի, նորից հայտարարում եմ, որ երբ որ դու սկսես բանականության ու տրամաբանության սահմաններումմ եղած փաստարկներով խոսել (և ոչ թե արտահայտությունները ենթատեքստից դուրս ու տրամաբանությունից հեռու մեկնաբանելով), այդ ժամանակ ես նորից քո հետ քննարկում կվարեմ: Հաջողություն… (հա, մեկ էլ չմոռանաս փողոցում աղբ չթափել, դա հաստատ օրերից մի օր կբերի ապօրինի ձերբակալությունների դադարեցմանը. ասենք մի 50 տարի հետո)

1. Ազիան

   29-07-08 • 17:00 PM

   12

   Վերոհիշյալ 11հ. գրառումդ ոչ մի ընդհանուր կապ չունի իմ հայացքների հետ և չի համապատասխանում իմ արտահայտած մտքերին:
   Ժողովրդական խոսքով ,,բանից բան սարքող ես,,

1. Քաղաքացի

   29-07-08 • 17:28 PM

   13

   Դե ես էլ էդ եմ ասում, էլի, что я про Ивана, а ты про болвана. Այլ բառերով, դու խուսափում ես կոնկրետ դեպքերը քննարկելուց և մենու-աշոտյանական ոճով խուսափում խոսակցությունից:

1. Ազիան

   29-07-08 • 17:57 PM

   14

   ՈՒսուցողական դիտարկում:
   Օրինակները , որոնք գործացվում են խոսքում, պետք չէ ընկալել բառացի:Դրանք ընդհանրական են դարձնում արտահայտված գաղափարները և մատնացույց անում երևույթները:
   Ինչպես այս մեկը.Մոզամբիկից ոչ մեկը չի գա ու չի ասի՝ անձնագիր ստանալու համար կաշառք մի՛ տուր, կամ էլ ասի՝ քաղաքացի, լավ բան չարիր, որ թուղթը գետին գցեցիր:
   Այս օրինակով ամրապնդվում է հետևյալ միտքը,որ մենք պետք է տերը լինենք մեր իրավունքների պաշտպանության:
   Այս իմաստային առումով էլ սահմանափակվում են բերված այս 2 օրինակները;
   Այլ առումներով այն կապ չունի 76 քաղբանտարկյալների ու նրանց երեխաների հետ,կամ էլ կապ չունի ձերբակալությունների դադարեցմանը. ասենք մի 50 տարի հետո:Նամանավանդ,որ օրինակում գետին նետվածը ընդամենը թուղթ է և ոչ թե աղբ,ինչպես ներկայացրել է հարգարժան Քաղաքացին :

1. Քաղաքացի

   29-07-08 • 18:07 PM

   15

   Ուսուցողական դիտարկումները, ընդունված են ու կրկին փաստված բառերից կառչելը ու կոնկրետ դեպքերից փախչելը բնորոշ է Ամատունու խոսքին:

   Հ.Գ. իմ ասածն էլ էդ ա էլի, գետնին թուղթ գցել-չգցելուց այն կողմ էլ ոչ մի իրավունքի համար պետք չի պայքարել: Ու ով համարձակվի դա անել, ապա նա չափերն անցնում է, ապակառուցողական է, որդեգրել է ծայրահեղ դիրքորոշում, դրանով միայն վնասներ հասցնելով երկրի ընդհանուր ներքաղաքական կյանքին, վատթարացնելով մարդկանց տրամադրությունը: Չաո

1. Ազիան

   29-07-08 • 18:18 PM

   16

   դեպքերից փախչելը բնորոշ է Ամատունու խոսքին:

   Ի՞նչ ասել է’ փախչել դեպքերից խոսքերով:

1. Jojoba

   30-07-08 • 03:50 AM

   17

   Ժոժոբ, էս արձակո՞ւրդ ես: Բա կլիենտնե՞րը:

   դեռ ոչ, այ մի քանի օրից ինձ մի ամիս կարող եք հրաժեշտ տաք ... սֆաթս չեք տեսնի.

   Նախ ասեմ, որ քեզնից այսքան լուրջ մեկնաբանություն չէի սպասում: ԲՐԱՎՈ՜:

   Շնորհակալ եմ եվ խիստ ձգացված ՜ ...
   խի մինչեւ հիմա էդքան թեթեվսոլիկ տպավորություն էի թողել ՞ :-Ճ, որ Փիլիսոփայի ասած «Կյանքս» պատմելուց էդքան լուրջ տպավորություն թողեցի ...

   Ամեն դեպքում աճում ենք, ԱՌԱՋընթացը ակնհայտ է. ԱՌԱՋ, ԱՌԱՋ
   

   Դու քո մեկնաբանությունը շատ հետաքրքիր ձևով ես կառուցել, ինչը, ինչպես որ հաճախ Ամատունու մեկնաբանություններում կնկատենք, խոսում է քո անձի` հարմարվողականության տեսակի մասին. ինչն իքնին պախարակելի երևույթ չէ, այլ պարզապաես այլ տեսակ է:
   

   փորձեմ, Չհամաձայնվել

   1. նախ նրա հետ, որ ես դեռեւս ինձ ինչ որ տեսակի անձանց չեմ տեսնում /նույնիսկ անտեսելով, որ մի քիչ կոպիտ է հնչում «անձի ինչ որ տեսակի» արտահայտությունը/

   2. Ամատունու մասին չեմ կարող ասել, քանի որ իրեն չեմ ճանաչում, եվ ճիշտն ասած չեմ էլ գտնում, որ նա Հարմարվողական տեսակի է անձ է /ներիր Ամատունոի նման որակավորման մասին/. Բայց անձամբ ինձ դա հաստատ չի վերաբերվում ... այս կյանքում ես նույիսկ դժվարությամբ բայց հարմարվել եմ միայն մեկ մտքի հետ՝ սահմանափակելով իմ ազատությունը - ամուսնությամբ.

   մնացած դեպքերում, դու դա չի բռնում.
   հարմարվել ում, ինչին՞ .. այս իշխանություններին՞

   ներիր, ոչ սրանք, ոչ նրանք ... ոչ էլ էն մյուսները ինձ անկեղծ քիչ են հետաքրքրում ... մի պարզ պատճառով, որ այս երկրի հետ ես քիչ պլաներ ունեմ կապած, եվ ոչ մի հույս էլ չունեմ.

   կյանքը սովորեցրել է ինձ, որ միշտ պետք է հիմնվես միայն քո վրա /կարծեմ մի անգամ դա արդեն ասել եմ, այնպես որ ներող կլինեք կրկնության համար/, իսկ իշխանությունները դա լավ, կամ վատ հարեվանի նման մի բան է .. .կգան էլ, կգնան էլ ... ես վաղուց սովորություն չունեմ շփվելու հարեվանների հետ ...

   այնպես որ դա հարմարվել չի, այլ ավելի շուտ պոֆիգիզմ, կամ ավելի կուլտուրական ասած՝ անտարբերություն.

   Սա նա է, ինչում ինձ կարող եք մեղադրել, բայց ոչ հարմարվելու, կամ «հաճելի դիրք» ընդունելու մեջ
   

   ինչն իքնին պախարակելի երևույթ չէ, այլ պարզապաես այլ տեսակ է:

   քեզ թողնեն մեզ բացի տեսակների դասելուց, ՀԻՄԱ էլ դասերի, ընտանիքների կբաժանես.

   էլ չեմ ասում, որ ձեռի հետ էլ ինձնից ուզում ես տանել «մարդկանց բնորոշում կամ որակավորում տալու իմ մենաշնորհը այս բլոգում»: Էն էլ ոչ ավել, ոչ պակաս միանգամից ինձ դասեցիր «ինչ որ տեսակի մեջ».

   Վատ խոդ չէր :-Ճ ՀԻՄԱ իմ հերթն է ասել - ԲՐԱՎՈ

   Լավ, եթե մի քիչ ավելի լուրջ, ապա ինչու արմատական ընդիմությունը չի կարող ընտելանալ մի մտքի, որ եթե ձեր հետ չենք, ապա նշանակում է, որ

   1. նրանց հետ ենք
   2. հարմարվել ենք
   3. ծախված ենք
   4. այլ տեսակ...ինչպես մեկն է ասել «իքնին պախարակելի երևույթ չէ, այլ պարզապաես այլ տեսակ է»

   թե այլակարծությունը արդեն, որպես այդպիսին էդքան էլ ընդունված երեվույթ չէ՞

   չնայած ինչու եմ զարմանում, եթե ոմանք «տարիքային սղության» պատճառով կարող են վատ հիշել այդ տարիները, ապա ես գոնե լավ եմ հիշում .. .թե ինչ էր կատարվում այն ժամանակ.

1. F5-admin

   30-07-08 • 05:08 AM

   18

   Տեսնո՞ւմ եք, թե նեգրի ճուտից ուր հասանք…

   Ի միջի այլոց, մի հատ անեկտոդ (թող ինձ ներեն ռասիզմի եւ խտրականության դեմ պայքարող միջազգային ու տեղային կազմակերպության անդամները):

   Աֆրիկա: Կիրակի առավոտ: Շոգ կիրակի (ոնց որ երգում է Ռուբեն Հախվերդյանը): Նեգր մայրիկը քնից հանում է իր նեգր բալիկին: «Բալիկ ջան, զարթնիր, զարթնիր, որ դպրոցից չուշանաս»: Ես սեւ ճուտիկը, թե՝ «Մամ, ի՞նչ դաս, էսօր կիրակի է»: Սրա մայրն էլ, թե՝ «Բալիկ ջան, ի՞նչ կիրակի, դու նեգր ես...»

   Հիմի մերն է… մեզ համար կիրակի չկա… Ընկել ենք ճահճի մեջ ու երազում ենք մաքրության մասին:

   Քաղաքացի ջան, ի միջի այլոց, ասեմ, որ թուղթը կամ վառած սիգարետը գետնին գցելը ու աղտոտելը այնքան էլ մակերեսային բաներ չեն, որքան կարծում ես: Գիտե՞ս ինչու ենք հիմա մենք դարձել նեգր (բառիս բուն իմաստով, այլ ոչ թե՝ Էլ Ջարեոյի, Արմսթրոնգի, Ջեքսոնենց Մայքլի ու մյուս Նեգրերի նման): Որովհետեւ մենք չենք սովորել ՏԱՐՐԱԿԱՆ բաներ, բայց ցանկանում ենք ունենալ ԳԼՈԲԱԼ հաջողություններ:

   Մանրացնեմ միտքս: Եթե մարդը առավոտը զարթնում է ու իր ատամները չի լվանում, ուրեմն ո՞ւմ է պետք նրա հայրենասիրությունը: Նրա հայրենասիրությունից իրա բերնի հոտի նման նեխած հոտ է գալու: Եթե մեր տներից այն կողմ զիբիլանոց է՝ բառիս իսկական իմաստով (օրինակ՝ մեր շենքի կողքերը, ուր վխտում են առնետներ, կատուներ ու շներ, ու նրանց կողքին՝ բոմբժեր ու այդ աղբարկղերի մոտ լանչ անող մարդուկներ) ու մենք չենք կարողանում այդ հարցը լուծել, գոնե՝ գնալ թաղապետին տիրումեր անել, ո՞նց ենք կարողանալու նախագահի հարց լուծել:

   Եվ ո՞վ է լուծելու (միայն խնդրում եմ քո վրա չվերցնես այս ամենը, խոսքս ընդհանրական է): Ո՞Վ Է ԱՅԴ ՀԱՐՑԸ ԼՈՒԾՈՂԸ: Մի հատ կողքերդ նայիր՝ մի քիչ սառը դատողությամբ ու կտեսնես, որ քո ու իմ հայրենիք կոչեցյալը վերածվել է… գորշ մասսայի՝ բառիս իսկական (դե ամառ է) ու փոխաբերական (ուղեղներում մենակ Արմենիայի հարեւանուհիներն են ու անկապ երգիչներ, ասնեք՝ Միշո, եսիմ ինչո… բերնիս ինչ էր եկել) իմաստներով:

   Ու դու ցանկանում ես, որ այս գորշ, անգրագետ (այնպիսի աստիճանի անգրագետ ու անկիրթ, որ Գոհար Գասպարյանը մահացավ՝ մի քանի տողով սահմանափակվեցին, իսկ էն ջահել երգչուհին որ ավտովթարից մահացել էր, համարյա ազգային հերոս էին դարձրել) մասսան լցվի հեղափոխական թավշյա ավյունով ու իր ապագայի մասին մտածի՞:

   Կասկածում եմ, այն էլ՝ շատ:

   Վերջում մի խորհուրդ (թեեւ չես խնդրել, բայց թե ասեմ, էլի): Արմատական՝ չի նշանակում մերժողական, այլ՝ հակառակորդից խիստ տարբերվող: Տարբերվող ամեն ինչով: Դու(ք) այս իմաստով սկսել եք լա՜վ տարբերվել ու սկի չեք սովորել Ձեր առաջնորդի սառնասրտությունից: Շատ եք տաքանում ու տաք-տաք խոսում: Հապա մի նայեք Ձեր ախոյաններին՝ սկսած Սերժից ու վերջացրած վարչապետից ու նույն Աշոտից ու մյուսներից: Զգո՞ւմ եք, թե ինչքան սառն են դատում ու խոսում: Հանդարտ, վանկ առ վանկ: Իսկ դու(ք), կներես խոսքիս համար, «վրա եք տալիս»: Դա էլ է ձեւ, բայց չեմ կարծում, որ լավագույն ձեւն է:

   Առայժմ այսքանը…

1. Քաղաքացի

   30-07-08 • 11:49 AM

   19

   Սկզբից անդրադառնամ 16-րդ գրառմանը: Ամեն ինչ շատ լավ էր միչև այս միտքը

   ինչու արմատական ընդիմությունը չի կարող ընտելանալ մի մտքի

   Նախ և առաջ, ով ասեց, որ արմատական ընդդիմությունը չի կարող ընտելանալ այդ մտքին, դեռ ավելին, ոչ մեկ երբևէ (բացի հայլուրի տաթևիկից) քո արտահայտած մտքին հակառակ ոչ մի բան էլ չէր ասել: Մի 1000 անգամ դրա մասին ասվել է, բայց երևի տաթոյի ասածը ամենազդեցիկն է եղել: Լևոն Տեր-Պետրոսյանը խոսել է կոնկրետ մարդկանց մասին, որ եթե նրանք չաջակցեն իրեն, ապա նրանք ծախված են, ինչն էլ ապացուցվեց հենց այդ մարդկանց կողմից: Այս հարցը համարենք փակված ու այլևս չանդրադառնանք դրան, օկ?

   Այլակարծությունն էլ շատ գովելի երևույթ է, ու առկա է նաև մեր շարքերում, ինչը մեզ ոչ թե թուլացնում, այլ` ուժեղացնում է:

   չնայած ինչու եմ զարմանում, եթե ոմանք «տարիքային սղության» պատճառով կարող են վատ հիշել այդ տարիները, ապա ես գոնե լավ եմ հիշում .. .թե ինչ էր կատարվում այն ժամանակ.

   Արջը 7 երգ գիտի, 7-ն էլ մեղրի մասին: Ամենայն պատասխանտվությամբ հայտարարում եմ հետևյալը.

   1. Ես 1992թ.-ից շատ լավ հիշում եմ իմ ամբողջ կյանքը, այդ թվում իմ անցկացրած անլույս ու մութ օրերը, իմ կողմից կտրված ծառերը, իմ մասնակցությամբ նավթի և հացի հերթերը, ինչպես նաև իմ կողմից կարդացած բոլոր գեղարվեստական գրքերը;

   2. Իմ այդ հիշողություննները միմիայն հաստատում եմ իմ ընտրած ուղու ճշմարտացիությունը, այնպես, որ դա ամեն անգամ տեղի ու անտեղի մեջբերելը համարում եմ պոպուլիզմ:

   Էս հարցն էլ համարենք փակված (գոնե իմ մասով):

   Հ.Գ. եթե քեզ Հայաստանի ապագան այդքան էլ չի հետաքրքրում, ապա ինչու ես այդպես ոգևրովախ քննարկումներ տանում նրանց հետ, ում դա հետաքրքրում է: Կառաջարկեյի քեզ զրույցի բռնվել Ռուսաստանի և/կամ Իսրայելի ապագայով մտահոգ մարդկանց ու էնտեղ տաքսու շոփերի դեր տանել

1. Քաղաքացի

   30-07-08 • 13:08 PM

   20

   ՀԻՄԱ էլ անդրադառնամ 18-րդին (վերևի մեկնաբանության մեջ սխալ եմ արել, 17-ի փոխարեն գրել եմ 16).

   Քաղաքացի ջան, ի միջի այլոց, ասեմ, որ թուղթը կամ վառած սիգարետը գետնին գցելը ու աղտոտելը այնքան էլ մակերեսային բաներ չեն, որքան կարծում ես:

   Ադմին ջան, եթե ես այդպես կարծեի, ապա ամբողջ կյանքումս թուղթը ձեռքիս ժամերով ման չէի գա, որ աղբարկղ գնտեի ու այդ թուղթը գցեի ու նաև ամբողջ կյանքումս փողոցը ճիշտ տեղից չէի անցնի: Դու էլ հո գիտես:

   Իմ ասածը ընդամենը նա է, որ որոշ մարդիկ մեր երկրի ամենամեծ պրոբլեմը դրանում են տեսնում ու երբ որ իրանց կոնկրետ` մարդկանց կյանքի հետ կապված հարց եմ տալիս, իրենք սկսում են հեքիաթներ պատմել, թե գիտես մենք պետք է աշխատենք մեր մատաղ սերնդի վրա, որ իրենք փողոցում թուղթ չգցեն: Բա 76 հոգի քաղբանտարկյալները կարող են այդքան սպասել, միչև որ մեր երեխաները սովորեն “թուղթ չթափել”:

   Թող չթվա, թե ես դեմ եմ մատաղ սերնդի ճիշտ դաստիարակմանը. ես ինքս 2002 թվից էդ գործով շատ եմ զբաղվել ու դրա մասին կոկորդ չեմ պատռել, թե տեսեք ինչ հայրենանպաստ գործ եմ արել: Իսկ այդպես ասողները, պարզապես հարմարվողական կերպարներ են ու վերջ:

   Երբ ինչ որ մեկը այդ պահին անհրաժեշտ փոփոխությունը տեղափոխում է դեպի “պայծառ” ապագա, այսինքն` ապառիկով փոփոխություն է ոզում, ապա նա հարմարվող է ու կհարմարվի ցանկացած բռնապետության: Իսկ եթե ինչ որ մեկը հերքում է այդ փոփոխության անհրաժեշտությունը (օր. քաղբանտարկյալների ազատ արձակման), ապա նա կամ սրիկա է (վարձված կամ էլ ոչ), կամ էլ իմբեցիլ: Ուրիշ տարբերակ չկա:

   Ինչ վերաբերում է թաղապետերին տիրումեր անելուն: 10 ձեռքով կողմ եմ: Դեռ ավելին 2 անգամ անձամբ արել եմ մեր թաղի վատ տրանսպորտի համար: Մի անգամ թաղապետի տեղակալն էր կանչել իմ դիմումի հետքերով ու փորձում էր ինձ խրատ տալ, որ էլ քաղաքապետարան դիմում չգրեմ (իհարկե դա նրա մոտ չստացվեց): Մյուս անգամ էլ անձամբ գնացել մտել եմ մեր թաղապետի մոտ ու ինչ պետքն էր ասել էլ 22 համար երթուղային տաքսու հետ կապված: Դե հիմա մեկը թող վեր կենա ու ինձ ասի, որ իմ նկրտումները չափազանցված են և ես փոքրիկ բաները թողած մեծ բաների հետևից եմ ընկել, որոնց չեմ կարող հասնել: Էլ չեմ խոսում տարատեսակ ջրմուղների, աղբահանների, էլեկտրիկների, տրանսպորտի մեջ ծխելու, ինձ ապօրինի ձերբակալած միլիցեքի, մեր սեփական հողը ապօրինի չգրանցող կադաստրերի ու իրանց դեմ մեր կողմից շահած 2 դատական գործընթացների և այլնի մասինն:

   Ի դեպ մեր կադաստրի նախկին պետին “շատ լավ” աշխատանքի համար տարան Արարատի մարզպետ, քանի որ նա 10 տարի շարունակ հրաժարվեց գրանցել մեր ու մեր նման մարդկանց հողի սեփականության իրավունքը` անգամ վերաքննիչ դատարանի վճռից հետո: Դե գնացեք պայքարեք մանր մունր բաների դեմ:

   Ադմին ջան ինչ վերաբերում է գորշ մասսային: Ես ուզում եմ ու ուժերիս ներածին չափով փորձում եմ, որ այդ գորշ մասսան քչանա ու իմ կարծիքո հիմա այդ գործընթացը ընթանում է: Վերջին մեկ տարվա մեջ գորշությունը իր դիրքերը սկսել է զիջել ու թե ինչքան հետևողական կլինենք մենք, դրանից կախված կլինի ի վերջո մենք լուսավոր ազգ կդառնանք, թե գորշագույն:

   Խորհուրդտ ընդունեցի, չնայած մինչև էդ էլ գիտեյի, որ տաքարյուն եմ:

   http://www.himaam.info

1. Jojoba

   30-07-08 • 15:22 PM

   21

   Ափսոս, շատ ժամանակ չունեմ, «վեշերս » եմ հավաքում, որ մասնակցեմ Իսրայելի տաքսու շոփերների ամենամսյա բողոքի միտինգին: Արդեն հեռախոսով տեղեկացրել եմ, որ իրենց շատ ակնկալներ են սպասվում՝ քաղաքական մեջ բագաժով եմ գալիս (հուսով եմ, որ եղբայրները շատ կուրախանան, երբ ըմբոխշնեն «տզզ», «էշ-մլիցա» հին հայկական, ինչու չէ, նաեւ ավելի արդիականացված «Լեվոն-Սերժիկ» խաղը, որն ինքստինքյան արժանի է օլիմպիական կոչվելու ...):

   Լավ, թույնս թափելուց հետո փորձեմ պատասխանել..

   Նախ և առաջ, ո՞վ ասեց, որ արմատական ընդդիմությունը չի կարող ընտելանալ այդ մտքին, դեռ ավելին, ոչ մեկ երբևէ (բացի հայլուրի Տաթևիկից) քո արտահայտած մտքին հակառակ ոչ մի բան էլ չէր ասել: Մի 1000 անգամ դրա մասին ասվել է, բայց երևի Տաթոյի ասածը ամենազդեցիկն է եղել: Լևոն Տեր-Պետրոսյանը խոսել է կոնկրետ մարդկանց մասին, որ եթե նրանք չաջակցեն իրեն, ապա նրանք ծախված են, ինչն էլ ապացուցվեց ...

   Նախ Լեվոնի, Տաթոյի մասին ոչ ոք չէր խոսում. իրականում, ոչ մեկի ելույթն էլ չեմ լսել (նկատի ունեմ Լեվոնի այդ արտահայտությունը, կամ այդ Հայլուրը):

   Խոսքն ընդհանրապես այս ելույթների հետ կապված չէր: Նկատի ունեի, թե ինչո՞ւ եթե իմ անձնական տեսակետը ձերից տարբերվում է, ապա ես կամ Ամատունին, կամ ասենք… Վաչոն դառանք իշխանությանը հարմարվող տեսակի ներկայացուցիչ:

   Հասկացա՞ր ինչ նկատի ունեմ:

   չնայած ինչու եմ զարմանում, եթե ոմանք «տարիքային սղության» պատճառով կարող են վատ հիշել այդ տարիները, ապա ես գոնե լավ եմ հիշում… թե ինչ էր կատարվում այն ժամանակ…

   Արջը 7 երգ գիտի, 7-ն էլ մեղրի մասին: Ամենայն պատասխանտվությամբ հայտարարում եմ հետևյալը.

   Ախր, ես ինչու, ախր ես ինչպես…

   Դուք գոնի մի անգամ լսե՞լ եք, որ ես մեջ բերեմ… սովի, մթի, պատերազմի տարիները այս կոնտեքստով («խի՞ լույս չկար, խի՞ էինք ավտոբուսից կախված գնում», եվ այլն).

   Ես միշտ ասել եմ եւ ասում եմ միայն մարդկային գործոնի մասին. եւ մի քանի գրառում վերեւում էլ՝ նույնը: Սա էլ հաստատ պատերազմով չեք կարող արդարացնել…

   եթե քեզ Հայաստանի ապագան այդքան էլ չի հետաքրքրում, ապա ինչո՞ւ ես այդպես ոգեւրոված քննարկումներ տանում նրանց հետ, ում դա հետաքրքրում է: Կառաջարկեյի քեզ զրույցի բռնվել Ռուսաստանի և/կամ Իսրայելի ապագայով մտահոգ մարդկանց հետ ու էնտեղ տաքսու շոփերի դեր տանել

   Դոժիլի: -(

   մի քիչ առաջ պիտակավորին եւ դասակարգեցին, հիմա արդեն մեղմ ասած սիկ..ր են անում :-(

   վատ չէր...

1. Jojoba

   30-07-08 • 15:48 PM

   22

   պա՜յ, մոռացա… օգտվել ձրի ռեկլամից.
   http://www.mfa.gov.il/MFAHeb

1. Jojoba

   30-07-08 • 15:55 PM

   23

   Հ.Գ. եթե քեզ Հայաստանի ապագան այդքան էլ չի հետաքրքրում, ապա ինչո՞ւ ես այդպես ոգևրոված քննարկումներ տանում նրանց հետ, ում դա հետաքրքրում է:

   ոգեւորաված ասիր, հետաքրքրող պասկահայ բարեկամիս հիշեցի, ով տուն տեղ թողած եկած է մայր հայաստան, եւ շատ փոշմանած է, քանի որ 15 օր հոս է, բայց «ասլա մարդկային միտինգ» տեսած չէ…

   http://www.irib.ir/

1. Քաղաքացի

   30-07-08 • 16:01 PM

   24

   Ժոժոբ ջան, ես ինձնից տարբերվող մտքի համար չեմ քեզ հարմարվող համարում, այլ նրա համար, որ այսօր շատ շտապ անհրաժեշտ փոփոխությունը դուք սարքում եք «ապառիկ», ինչ-ինչ պատճառներով` գենետիկական, աշխարհաքաղաքական, հայրենասիրական, ոչ վաղ անցյալի և այլն: Ու նաև ես չեմ ասել` իշխանությանը հարմարվող, այլ փոփոխությանը, որը թթվածնի պես պետք է մեզ:

   Մարդկային գործոնն էլ, որ մեկ է, չի բացառում, այլ ասում է, որ ցանկացած իշխանություն` նույնսիկ լիովին լեգիտիմ, պիտի միշտ ու անդադար իր ծոծրակին զգա ժողովրդի կողմից կախված դաշույնի ծակոցը ու իմանա, որ ժողովուրդը չի երկմտելու այդ դաշույնը օգտագործելիս:

   Լևոն Տեր-Պետրոսյանը ինչքան էլ որ ժամանակին վատն է եղել, ըստ քեզ ու նաև որոշ հարցերում ըստ ինձ, նա վերջին մեկ տարվա մեջ մի այնպիսի ժողովրդական զանգված հասունացրեց Հայաստանում, մանավանդ՝ երիտասարդության շրջանում, որը միշտ կախելվելու է այդ դաշույնը իշխանության գլխավերևում` ու հենց Տեր-Պետրոսյանի գլխավերևում: Ես ու իմ նմանները դա անելու ենք ու նա շատ լավ տեղյակ է այդ մասին (ինքս եմ ասել):

1. Քաղաքացի

   30-07-08 • 16:07 PM

   25

   Դե մի բառ էլ սխալ էի տպել. ոգեւորավախ=ոգևորված

   «ասլա մարդկային միտինգ»-ը ո՞րն է:

1. Philosopher

   30-07-08 • 16:24 PM

   26

   Բարեւ ՁԵԶ հարգելի բլոգերներ: Նախապես ասեմ, որ Երեւանում չէի գտտնվում այս 6 օրը, եւ միայն երեկ եմ վերադարձել` Օգոստոսի մեկի համար: Սա այսպես:

   Իսկ հիմա՝ ինչ վերաբերվում է ձեր առույգ եւ բուռն բանավեճին, որի մեջ մխրճվելու ցանկություն դեռ երեկ ունի, պարզապես չցանկացա իմ ներկայությամբ խաթարել ՁԵՐ հանգիստը:

   Սակայն, պետք եմ համարում այս պահին գրել որոշ թեմաների մասին եւ որոշ բացահայտումներ կատարել իմ ճանապարհորդությունից, որը անպայմանորեն կապված է ներկա քաղաքական իրավիճակի հետ:

   Մինչ բուն նյութին անցնելը, նպատակահարմար կհամարեի անդրադառնալ Վահան Ամատունու որոշ մտքերին, որոնք առաջ են քաշում թե՛ իշխանությունները եւ թե՛ հոգնած եւ ճմրթված քաղաքական երրորդ բեւեռ ձեւավորող պատմաքաղաքական աղբանոցից վերադարձող ԱՄԿն իր Դհոլով, ԱԺՄ-ն իր իդիոտով, Սադոյանը, Շավարշը, Բաբուխանյանը իր 4 հոգանոց ՍԻՄ-ով, ժամանակին կրծքկալների մենաշնորհով զբաղվող Խոսրովը` իր ՀՔԴՄ-ով եւ Դեմկուսի Արամը: Կներեք, որ մոռացա ինքնահռչակ նախագահ Անտինյանին` իր 1800 հոգանոց ՀԱԱԿ-ով: Ինչեւէ:

   Այս բոլորը փորձում են համոզել մեզ, թե իբր իրենք պայքարում են հանցագործներ Լևոն Տեր-Պետրոսյանի, Գագիկ Ջհանգիրյանի, Ալիկ Արզումանյանի եւ մյուսների դեմ: Նաեւ փորձում են ապացուցել մի անապացուցելի բան, ըստ որի, իշխանափոխությունը միայն նպաստում է Ադրբեջանի եւ Թուրքիայի շահին: Ու ասում են՝ Թուրքիա, մասսոն, հրեա, Ալիեւ… բայց լավ էլ համագործակցում են բոլորի հետ միասին: Ասում են՝ Լևոնը թուրք ա, բայց իրենց քայլերով ապացուցում են, թե ով է թուրքը: Ընդհանրապես, մի ասույթ կար: Նա ով խոսում է բարոյականությունից, հենց ինքն ունի դրա պրոբլեմը: Խոսքերն ավելորդ են:

   Անդրադառնամ Ամատունու մի հետաքրիր մտքին: Ըստ այդմ, Համաժողովրդական Շարժման պայքարը անձերի դեմ է: Եվ այս թեզի հեղինակներն ու այն օգտագործողները միշտ պնդում են, թե իբր պետք է համակարգային պայքար մղել, այլ ոչ թե՝ անձերի դեմ: Ընդհանրապես, ոչ ոք, բացի խոսքից, այդ խնդրում առաջ չի անցնում: Ասում են, որ այս ամենի հիմքը դրել է Լևոնը:

   Ախր ինչո՞ւ եք միշտ ապրում իլյուզիայով: Ախր էյֆորիան լավ չի անդրադառնա ձեր իսկ առողջական վիճակի վրա: Դե մենք ասում ենք՝ եթե Լևոնը արել է, դուք մի՛ արեք: Լևոնը 96 թիվը «կեղծեց», բա ձեզ ո՞վ էր խանգարում չկեղծել 98, 99, 2003, 2008, 2008 թվականների ընտրությունները: Ո՞վ էր ձեր ձեռքը բռնել եւ չէր թողնում, որ պայքարեիք կոռուպցիայի, մենաշնորհի, մոնոպոլիայի ահաբեկչության դեմ: Ո՞Վ: Ե՞ս, Ֆենոմե՞նը, Քաղաքացի՞ն, Ժոժո՞բը, Ալի՞սը, Սկսնա՞կը…

   Ախր էդպես չի կարելի… Միշտ՝ Լևոնի ժամանակնե՜ր, Լևոնի ժամանակնե՜ր… 10 տարի էդ մարդը չկար: Ասել էր՝ ձեր բորշչն էլ, ձեր գդալն էլ: Ես վատն էի, դուք լա՛վն եղեք: Ո՞վ էր խանգարում: Ամոտունի, ասա տեսնեմ, ո՞վ էր խանագարում ներկա իշխանությանը ուղղել «հանցագործ» Լևոնի սխալները:

   Հիմա մի այլ թեզի եմ ուզում անդրադառնալ: Կարծում եմ, որ պրն Ամատունի, դուք եւս, վստահ եք, որ Լևոնը պառակտեց ազգը: Ասում են այս մասին թե՛ Սադոյանը, թե՛ Բաբուխանյանը, թե՛ Կրծքկալը, թե՛ ՀՀԿ-ն, ԲՀԿ-ն, Դաշնակը… մի խոսքով՝ բոլոր նրանք, ովքեր խոսելու հնարավորություն ունեն եւ դրանով են տարբերվում հայտնի «անհասկացող» եւ «իա» կանչող բացառիկ խելքի տեր կենդանուց:
   Քանի որ, ես անձամբ դեռ վաղ ժամանակներում վստահ էի այդ տխմար թեզի տխմար լինելու մեջ, ապա այս 5-րդ օրը լիովին համոզվեցի եւ իմ աչքով տեսա:

   Նախ ասեմ, որ գնացել էի Հայաստանի ամենահեռու մարզը՝ Սյունիք: Ասեմ, որ ահա թե ինչ վատ է երկրի վիճակը: ՀԵնց դրանով պետք է պատկերացում կազմել: Այլ ոչ թե հրաշալի եվրոպական երկրներից գալ, գնալ Սեւան չոփ-չոփ անել, գնալ Գառնի-Գեղարդ խորոված-քյաբաբը հուպ տալ եւ վերադառնալ Գերմանիա-Հոլանդիա եւ ինտերնետներով պախարակել Ընդդիմությանը:
   
   Ինչեւիցե… Սյունիքի մարզ… Մի հետամնաց քաղաքներ, գյուղեր: Մարդիկ կտրված ամեն ինչից: Այսինքն, պետք է ոչ թե ուռճացնել Երեւանը, այլ երկրի ծայրամասային քաղաքաները կառուցել եւ կառուցապատել, որ թշնամու գրոհի դեպքում այդ շրջանների բնակիչները կարողանան պաշտպանվել…
   
   Վերադառնում ենք ... Հասնում ենք Ղափան… Ճանապարհային ոստիկանության պարեկներից մեկը կանգնացրեց մեքենան… մոտեցավ, ներկայացավ եւ առաջին հարցը այն էր, թե՝ որտեղի՞ց եք: Պատասխանը հնչում է` Երեւանից: Խնդրում է փաստաթղթերը, տեսնելով որ ոչինչ չկա, հայտարարում է, թե պետք է ակտ գրի, քանի որ ամրագոտիները ամրացված չեն: Պատասխանը շատ հանգիստ եւ սառնասրտորեն թեթեւ հնչում է՝ գրի՛ր… Զարմանում է` գրե՞մ: Պատասխանը նույնն է: Վարորդական իրավունքը տանում է իր հետ եւ սկսում է գրել: Մեքնեայից իջնում ենք, մոտենում… Հարցնում ենք, թե որտեղի՞ց է ավտոտեսուչը: Նա պատասխանում է, թե ղարաբաղցի է: Նույն հարցը ինքը տալիս է… Պատասխանը հնչում է, թե՝ այստեղ էլ ենք ղարաբաղցի:

   Իսկ հիմա… ի՞նչ ասած կլիներ տեսուչը ըստ ձեզ… Մի պահ մի կարդացեք շարունակությունը, այլ ինքներդ մտածեք, եւ հետո կարդացեք… Նա ասաց հետեւյալը. «Եթե իմանայի ղարաբաղցի եք, ապա ակտ չէի գրի...»

   Ահա մի դեպք, որով ես տեսա, թե ինչքա՜ն սուտ են բոլոր նրանք, ովքեր պնդում են , թե Տեր-Պետրոյսանը պառակտել է ազգը: Ու հիմա, ասյքանից հետո, իրավունք ունե՞մ հավատալու երրորդ թոշակառու բեւեռին, Իշխանների եւ մյուսների պնդումներին…

1. Քաղաքացի

   30-07-08 • 16:37 PM

   27

   Ну ты даеш философ ты наш…

   Զուգահեռները վատ չէին, բայց… բայց… բայց…

   Ես նկատել եմ, որ մի ծուղակ կա էս բլոգինգի մեջ, որ ես էլ եմ ընկնում: Դա շատ երկար մեկնաբանություններ գրելն է: Եվ այդպես ամեն հաջորդը ավելի մեծ է ստացվում:

   Օգոստոսի 1-ի մասին ի՞նչ կասես:

1. Philosopher

   30-07-08 • 17:00 PM

   28

   Չէ, պարզապես ես նկարագրել եմ այն, ինչ որ ինքս տեսել ու լսել եմ: Ահա՛ իրականությունը: Հիմա, ինչքան էլ ով ուզում է բղավի, թե Տեր-Պետրոսյանը պառակտեց, պառակտեց ու էլի պառակտեց, իրականում իրե՛նք ու իրենց մանկլավիկնե՛րն են պառակտում ազգը, կոտրում նրա ոգին եւ ջարդում հայրենասիրական այն մի փոքր կայծը, որը մնացել է ժողովրդի մեջ…

   Զուգահեռները վատ չէին, բայց...բայց...բայց…

   Կներես, բայց սպաում էի էդ «բայց»-երը այլընտրանքային մտածողներ Ժոժոբայի եւ Ամատունու կողմից…

   Իսկ Օգոստոսի մեկի մասին: Առաջին հերթին, ինքս հուսով եմ, որ շատ մարդ կլինի: Առավել եւս, տեղեկացա, որ Շարժումը դիմել է նաեւ 3,4,5,6 հանրահավաք անելու համար:

   Այ, դա արդեն ուրիշ խնդիր: Այսինքն, պայքարը մտնում է վճռական փուլ: Հիմա, եթե 5 օր շարունակ 100 հազարից ավել շրջի Երեւանի փողոցներով, ապա կլինի կատաստրոֆա իշխանության համար…

   Շարժման կենտրոնը ճիշտ է անում, որ օրով ու ժամով հանրահավաք է անում, քանի որ էդ շոգին մարդիկ չեն դիմանա… Այնպես որ, հաղթանակի միակ գրավականը կարծում եմ մարդկանց բազմաքանակությունից է կախված: Կիսո՞ւմ ես մտահոգությունս:

1. Քաղաքացի

   30-07-08 • 17:15 PM

   29

   Փիլիսոփա ջան, էդ «բայց»-երը էն մեր հայտնի երգից եմ մեջ բերել (հուսով կռահեցիր որ երգի հետ եմ), քո գրառման մասին, ոչ մի վատ նան չեմ մտածել ու չեմ մտածում, պարզապես ես ինքս ինձ էլ քննադատեցի գրառումների երկարության վերաբերյալ ու վերջ:

   Էդ 3,4,5,6-ի լուրը հավաստի՞ է: Ես չէի լսել ու դեռ ավելին լսել էի, որ պետք է շարունակենք նստացույցը: Չնայած, ո՞վ գիտի, թե ինչ է մտածում Տեր-Պետրոսյանը: Նա այնպիսի շրջադարձային քայլերի է ընդունակ, որ էլ դու սուս: Միգուցե նա ուզում է օգտվել սերժիկի բացակայությունից: Ո՞վ գիտի…

1. Philosopher

   30-07-08 • 17:37 PM

   30

   Քաղաքացի ջան, էդ շարունակական միտինգների մասին ես իմացա երեկ: Այսօր հաստատվեց Հայք Օրաթերթում: Այսօր երեկոյան բացի այդ թերթի կայք-էջը, եւ հենց առաջին էջում էլ կտեսնես:
   
   Իսկ այդ մասին որպես առաջնային աղբյուր տեղեկացել եմ ահա այս էջից:

1. Քաղաքացի

   30-07-08 • 18:07 PM

   31

   Շատ շնորհակալ եմ տեղեկատվության համար:

   Այդ պարագայում ինձ մի հարց է հուզում: Եթե մենք սկսենք շարունակական հանրահավաքներ անել, ապա քաղաքական տրամանբանությունից ելնելով դրանք պիտի ավարտվեն իշխանափոխությամբ: Ու եթե ամեն ինչ տանում է դրան, ապա պետք է լուրջ ընդունել Նիկոլի կոչը` 1 մլն մարդ, 24 ժամ:

1. Jojoba

   30-07-08 • 22:40 PM

   32

   Եթե դեմ չեք մի 2 խոսք

   Նախ, բարով ես եկել Philosopher, գոնե լավ հանգստացա՞ր: Այդպես էլ չհասկացա՝ հիմա դու ղափանցի՞ ես, թե՞ ղարաբաղցի…

   Որտե՞ղ էիր Ղափանում (թախծանքով, քանի որ ինքս չկարողացա այս տարի գնալ, չնայած որ շատ էի ուզում...):

   Hիմա չհասկացա Դուք ՂԱՐԱԲԱՂՑԻ՞ եք: Այդ դեպքում կներեք իմ բոլոր նախորդ գրառումների համար… աֆեկտի տակ եմ եղել

   2Քաղաքացի

   Քանի որ մեր բանավեճը կարելի է համարել սպառված, ապա ... ավելացնեմ, որ իմ կռիվս շարժման հետ չէ, այլ նրա մի քանի առաջորդների հետ, որոնց չգիտես ինչու չեմ կարողանում հավատալ.

   Սա է միայն իմ պրոբլեմը, եվ միգուցե ընտրված պայքարի ուղիների հետ.

   2 Philosopher

   Իրականում ես այդպես չեմ մտածում, այնպես որ… ԱՌԱ՜Ջ-ԱՌԱ՜Ջ…

   Ինչ վերաբերվում է 3-րդ ուժի գաղափարի հետ, ապա առավել վատ ընտրություն կամ հավաքածու դժվար էլ արվեր:

   Գային որեւէ ընդիմադիր կամ դիմադիր մի քանի բլոգեր տանեին, երեւի ավելի լավ կստացվեր՝ քան այս սպառված եւ խայտառակված գործիչ կոչվածները. «Политический бомжатник» - առավել ճշգրիտ դժվար բնորոշեմ:

   Ինչ վերաբերվում է ամսի մեկի եւ հետագա միտինգներին, ապա անկեղծորեն ցանկանում եմ առավել ԱՐԴՅՈՒՆԱՎԵՏ եւ անշառ միտինգներ: Ցավոք սրտի ես չեմ լինելու Հայաստանում, կաշխատեմ հետեւել, միգուցե եւ գրել, բայց արդեն ոչ հայերեն:

   Հ.Գ. Philosopher-ը եկավ, հիմա էլ դառանք այլընտրանքային կամ այլընտրանքային մտածող :-(

   Քաղաքացի ջան, էդ շարունակական միտինգների մասին ես իմացա երեկ

   Շատ կուզեի դրան հավատալ, ափսոս ներքուստ այնքան էլ չեմ հավատում: Նույնիսկ առաջնորդները ըստ իս սկսել են գլուխ պահել, մարդկանց ակտիվությունը քիչմ ընկել է (իմ տվյալներով արդեն տներն են զանգում եւ հարցնում՝ ինչո՞ւ չեք գալիս Հյուսիսային, կամ հայտնում, որ հանդիպում է լինում Լյուդմիլայի հետ, եկե՛ք): Հետին միտք ման մի եկեք, ուղղակի ինձ թվում է, որ ընդանուր ակտիվության անկում է գնում… շատ կուրախանամ, եթե ես սխալ դուրս գամ:

1. Քաղաքացի

   31-07-08 • 00:52 AM

   33

   Ժոժոբ, բա ուզում էիր 40 աստիճան շոգին նույնքան մարդ գա՞ր Կարող է գիտես վրեքներս օդորակիչ (air conditioner) ունենք:

   Իսկ, ընդհանրապես, մի հատ էլ քեզ տեսակավորեմ. դու շատ հոռետես ու սովետական մարդ ես: Հոռետեսը էդ պեսիմիստն է, իսկ սովետական ասելով էլ նկատի ունեմ քո քննադատողամոլությունը: Սովետի ժամանակ երեխեքին դիտմամբ ցածր էին դնում դպրոցում, որ մյուս դասը լավ սովորեին, իսկ միշտ լինում էր հակառակը: Ի դեպ, մինչ օրս էլ Հայաստանի դպրոցների ճնշող մեծամասնությունում գործում է այդ սկզբունքը: Պատժիչ և ոչ թե խրախուսիչ…

1. Philosopher

   31-07-08 • 01:31 AM

   34

   Ժոժոբա ջան, ես ոչ ղարաբաղցի եմ (մոռացել էի նշել, որ ճանապարհային ոստիկանի տրամադրությունը ստուգելու համար էր բլոֆը (հատուկ Ո-ով)): Իսկ ավելացնեմ, որ ոչ էլ ղափանցի եմ: Ճիշտն ասած չէի էլ ուզի: Միգուցե կարող է վիրավորեմ շատ շատ մարդկանց, բայց անձամբ շփվելով որոշ մարդկանց հետ` ղափանցի, կարող եմ վստահ ասել, որ մի այլ երանգի մարդիկ են: Առավել կոպիտ:

   Ինչեւէ… Դա չէ այժմյան խնդիրը: Իսկ Սյունիք կատարած այցելությունս ոչ թե հանգիստ էր, այլ պարզապես շրջագայություն: Հանգիստս` էս ամիս, երեւի…

   Իսկ ակտիվության անկմումը պարզապես կապված է ժողովրդի ոչ առավելագույն եւ ճշգրիտ մոբիլիզացիայի հետ: Կարծում եմ, եթե 3 կիրակի է, 4,5,6 ... հանրահավաքներ լինեն, ապա աստիճանաբար ժողովրդական մոբիլիզացիան տեղի կունենա: Չեմ ասի վստահ եմ, այլ կասեմ՝ հուսով եմ:

   Ի դեպ, Քաղաքացին շատ ճիշտ բնորոշումներ է տվել…

1. Philosopher

   31-07-08 • 01:41 AM

   35

   Քաղաքացի ջան, ավելի մանրամասն կարդա այս էջից:

   Ժոժոբա կամ Ադմին այն 26 կոչված կիստ-պռատ մեկնաբանությունս հանեք…

   Ադմինի կողմից. հանված է:

1. F5-admin

   31-07-08 • 02:24 AM

   36

   Ցավոք սրտի ես չեմ լինելու Հայաստանում, կաշխատեմ հետեւել, միգուցե եւ գրել, բայց արդեն ոչ հայերեն:

   Աչքներս լուս… դե գոնե քիչ կգրես, որ քիչ դարձնենք հայերեն:

   Բարի ճանապարհ եւ վերադարձ:

1. Քաղաքացի

   31-07-08 • 11:04 AM

   37

   Շնորհակալ եմ տեղեկատվության համար:

   Փաստորեն օգոստոսի 1-ից մոտ 6 օր մոռանում ենք ամեն ինչի մասին, աշխատանք, ուսում, ընտանիք ու լծվում ենք Հայաստանում սահմանադրական կարգի վերականգմանը:

1. Ազիան

   31-07-08 • 23:45 PM

   38

   Սկսեմ այսպես. ազատություն բոլոր քաղբանտարկյալներին (որ իմ ընդիմախոսը էս հարցում զիբիլն ու քաղբանտարկյալներին մի հարթության վրա չդնի):

   Հետևում եմ բոլոր գրառումները: Թողեք ձեր այս լոզունգը` ով մեր հետ չէ, մեր դեմ է: Ով է մերոնցից, կամ ձերոնցից և այլն: Այդքան տեսնելով չեք կարողանում տեսնել: Հետո մի փոքր տղամարդավարի դատեք, մի խցկեք անձերին ու տեսակներ փնտրեք: Աշոտյան, Սադոյան, չգիտեմ ինչ -յան: Կուզեի ձեր վարդագույն երազը իրականություն դառնար ու նախագահ դառնար ԼՏՊ-ն` իր հետ բերելով զինակից ոջլոտ Խաչիկ Ստամբոլցյաններին (համենայն դեպս, ջահելներին հանած` տեսնում ենք, թե ովքեր են նրան շրջապատել):

   ...Ու մի քանի տարի հետո ձեզ հարցնեի. «հը՞ Քաղաքացի, Philosopher, ո՞նց եք, սա՞ էր ձեր պատկերացրած Հայաստանը»: Այս հարցը անպայման կուղղեի ձեզ, քանի որ համոզված եմ, որ հայտնվելու եք խաղից դուրս: Իրականում դուք գործիք եք նոր տերերի ձեռքին, որոնք կռիվ են մղում «պիրոգի» համար: Էլի լինելու են քաղբանտարկյալներ, ուրիշ լֆիկներ: Արդյունքում էլի նույն խեղճ ժողովուրդն է բոլորի դարդը քաշելու:

   Քավ լիցի, ես չեմ պաշտպանում ներկա համակարգը, այլ նժարներն եմ ծանրութեթև անում: Ու Աստված չանի վերադառնանք գեղեցիկ խոսքերի ժամանակաշրջան, որտեղ իշխելու է բառացի խավարը: Փորձը կա, մարդիկ էլ նույնն են՝ գրգռված ու գայլային ախորժակով… պայքարում են այլ գործիքներով՝ ի դեմս ձեզ: Միայն ես չեմ ուզում, երբ նրանք հետո բացեն իրենց բերանները ու խոսեն հայրենասիրությունից, շուրջը տարածվի բերանների գարշահոտը: Իրոք, սառը դատելը լավ է, մանավանդ եղանակները շոգ են…

   Հ.Գ. Ադմինը ճիշտ է նկատել. արմատական՝ չի նշանակում մերժողական, այլ՝ հակառակորդից խիստ տարբերվող: Տարբերվող ամեն ինչով:

   Ավելացնեմ նաև, որ արմատական փոփոխություններ՝ նշանակում է նաև հիմքից արվող փոփոխություններ (ֆունդամենտալ): Ես, ա՛յ, հենց սրա կողմնակից եմ…

1. Democrat

   01-08-08 • 04:03 AM

   39

   Բարեւ ձեզ, չկայի ահագին վախտ, ներող եղեք…

   Հիմա որ ասեմ, կասեք՝ իզուր էլ եկել ես, բայց, անկեղծորեն, ես դեմ եմ եւ արմատական կոչվող ընդդիմությանը, եւ բարեշրջումներով իր աշխատանքները ողողած իշխանություններին:

   Երեւի սկսեմ երկրորդից: Դե, սրանց դեմ եմ, որովհետեւ չեմ հավատում, որ կարող են մի բան նորմալ անել: Վերջին ընտրությունները՝ վառ օրինակ: Լավ, չէին կարո՞ղ ամեն ինչ շնորքով անել, որի դեպքում չեմ կարծում, որ կստանային այնպիսի քիչ տոկոսներ, ինչպես որ ընդդիմադիր կողմն է կարծում: Իսկ մեկը մյուսի վրա սարքած դատերն էլ ամենավերջին օրինակը: Այս ո՞նց էլինում, որ դատավորները իշխանություն չեն, իսկ տնտեսական բարեփոխումների ցանկություններով լցված կառավարությունը՝ հանձինս վարչապետի, ընդդիմություն է:

   Անցնեմ արմատականներին: Այսօր Շանթով լսում էի Վարդան Պետրոսյանին: Էս տղեն շատ լավ բնորոշեց մեր արմատականներին ("ինչքան վատ՝ էդքան լավ"): Գիտեք իմ մոտ մեկ-մեկ այնպիսի տպավորություն է ստեղծվում, որ արմատականները ոչ թե մտահոգվում են իրենց տեսած վատ բաների շուրջ, այլ պարզապես ուրախանում: Այսինքն՝ լավ է, էլի, թեմա է բացվում: Երեւի մի քիչ որ ծայրահեղականությունը մեղմացնեն, ամեն ինչ կընկնի իր տեղը, հատկապես, որ մեր ազգը, կներեք խոսքիս համար, կոմպլեքսավորված է ու վախեցած: Հարեւանի տղուն շենքի դեմը շանսատակ անեն, կբռնեն սաղ պատուհանները կփակեն ու իրենց տղային էլ կասեն՝ գործ չունես, հանկարծ չիջնես ներքեւ, ու առավոտյան կգնան էդ հարեւանի տունը ու կասեն՝ վայ, քոռանամ ես, էս ինչ է պատահել… բա ինչի մեզ իմաց չտվեցիք… ու ամենակարեւորը՝ չէ, չենք լսել… թարսի պես էլ Աբուլիկը (իրենց տղեն) տունը չէր… գոնե կգար կհասներ…

   Այ սենց ազգ ենք, որը մերժում է ամեն մի կտրուկ որոշում, այդ թվում՝ “հուշտ” է լինում ծայրահեղական մտքերից:

   Հիմա հանկարծ մտքներով չանցնի, թե ես կողմնակից եմ էն որ երրորդ ուժ են ասում, դրան: Չէ, դա ուժ չի, ոչ էլ բեւեռ է: Դա, կներեք արտահայտությանս համար, արվամոլների ակումբ է, արվամոլ՝ քաղաքական իմաստով: Մեյդան են ընկել, որ որեւէ մեկը “հուպ տա”, իրենք էլ բավարարվեն ու անցնեն իրենց առօրյա գործերին:

   Այ սենց բաներ: Տեսնենք, թե օգոստոսի մեկին ինչ կլինի… ու նաեւ դրան հաջորդող օրերին:

1. Democrat

   01-08-08 • 04:04 AM

   40

   Քաղաքացու ասած՝ ընկա հոսանքի տակ: էս ինչքան եմ գրել…

1. Democrat

   01-08-08 • 04:06 AM

   41

   սխալ եմ գրել այս տողը, խնդրում եմ կարդացեք այսպես.

   Այս ո՞նց էլինում, որ դատավորները իշխանություն չեն, իսկ տնտեսական բարեփոխումների ցանկություններով լցված կառավարությունը՝ հանձինս վարչապետի, իշխանություն է:

1. Քաղաքացի

   01-08-08 • 11:03 AM

   42

   Ժողովուրդ կարո՞ղ եք մի քիչ կոնկրետանալ: Ժամերով գրում եք թե ինչ չեք ուզում: Բայց համարյա չեք գրում, թե ինչ եք ուզում: Ու նաև ամենակարևորը, թե ինչպես եք հասնելու ձեր ուզածին: Հստակ գործնական քայլերով, և ոչ թե հայեցակարգային ելույթներրով:

   Եթե չունեք այդ հարցերի պատասխանը, ապա մի՛ խանգարեք ուրիշներին իրենց ցանկությունների իրագործմանը (ի դեպ, որի դեպքում շահելու եք նաև դուք) : Փիլիսոփայել կարող են բոլորը, այդ թվում և ոչ փիլիսոփաները (խոսքը չի վերաբերում մեր Փիլիսոփային, ով շատ լավ էլ գործնական անձնավորություն է երևում):

1. Marat

   01-08-08 • 13:04 PM

   43

   Բարեւ, վիրտուալ «ախպերությանը»:

   Democrat

   >>> Երեւի սկսեմ երկրորդից: Լավ, չէին կարո՞ղ ամեն ինչ շնորքով անել, որի դեպքում չեմ կարծում, որ կստանային այնպիսի քիչ տոկոսներ, ինչպես որ ընդդիմադիր կողմն է կարծում:

   Շնորհքովը ո՞րն է: Մի քիչ քիչ խախտումներ անեի՞ն:

   Դեմոկրատ, եթե շնորհքով անեին, ոչինչ էլ չէին ստանա: Համաձայն չե՞ս: Ընդհանրապես, Հայաստանի Հանրապետությունում երբեւիցե այսպիսի խայտառակ ընտրություններ չեն եղել: 95-ից հետո միշտ էլ եղել են մեծ քանակությամբ խախտումներ, բայց այնպիսի ընտրություններ իր նախընտրական եւ հետընտրական շրջաններով, ինչպիսին վերջին նախագահական ընտրություններն էին, չե՛ն եղել:

   Չմանրամասնեմ, բոլորն էլ գիտեն, որ խայտառակություն էր տիրում ե՛ւ նախընտրական շրջանում, ե՛ւ բուն ընտրությունների ժամանակ: Հետընտրական շրջանն էլ այս ամենի տրամաբանական շարունակությունն էր:

   Ներկայումս էլ մեր իշխանությունների քայլերը ոչ թե ուղղված են համերաշխությանը, երկրի զարգացմանը, այլ` ամեն գնով ընդդիմության գործոնը ոչնչացնելուն: Այսօր իշխանությունների վարած բոլոր գործողությունները կոչված են դժգոհ քաղաքացիներին իբր հանգստացնելուն, իբր թե տեսեք` մենք երկրի մասին մտահոգվում ենք եւ այլն: Իսկ այ էդ «բոբոները» չեն թողնում, փորձում են անընդհատ խանգարել:

   Ասեմ, որ նույնիսկ ամենալավ ու բարի ցանկությունների դեպքում էլ մեր իշխանությունները անկարող են երկրում արմատական փոփոխություններ կատարել: Ի՞նչ անեն, հո իրենք իրենց չե՞ն պատժելու: Վերջում էլ ասեմ, որ այնպիսի ԱԺ, ինչպիսին մերն է, Հայաստանում երբեւէ չի եղել: Պարզից էլ պարզ է, որ այսպիսի իշխանություններ ունենալով, մեր պետությունը հեռու չի՛ գնա:

   Democrat

   >>>Էս տղեն շատ լավ բնորոշեց մեր արմատականներին («ինչքան վատ՝ էդքան լավ»: Գիտեք իմ մոտ մեկ-մեկ այնպիսի տպավորություն է ստեղծվում, որ արմատականները ոչ թե մտահոգվում են իրենց տեսած վատ բաների շուրջ, այլ պարզապես ուրախանում: Այսինքն՝ լավ է, էլի, թեմա է բացվում: Երեւի մի քիչ որ ծայրահեղականությունը մեղմացնեն, ամեն ինչ կընկնի իր տեղը, հատկապես, որ մեր ազգը, կներեք խոսքիս համար, կոմպլեքսավորված է ու վախեցած:

   Դեմոկրատ, ծայրահեղականություն ասելով ի՞նչ նկատի ունես: Չպահանջե՞ն ազատ արձակել քաղաքական հայացքների համար հետապնդվող եւ կալանավորված գործիչներին: Չպահանջե՞ն նոր ընտրություններ: Չպահանջե՞ն դադարեցնել հալածանքները: Իրականում, ընդդիմության պահանջները շատ էլ նորմալ են ստեղծված պայաններում, որի միակ մեղավորը իշխանություններն են:

   Իշխանությունների ցանկությունն էլ հենց դա է, որ առանց որեւէ էական զիջման ընդդիմությանը կամ որոշ ընդիմադիր գործիչների նստեցնեն երկխոսության եւ քաղաքական «բազարների», որն էլ կբերի ընդդիմադիր քաղաքացիների հերթական հիասթափությանն ու ընդդիմության հերթական ջլատմանը:

   Իսկ Վարդան Պետրոսյանն, այս իրավիճակում, «իրա հացը լավ էլ գտել է»: Ի՜նչ վատն եմ, չէ՞…

   Մնացածի մասին հետո…

1. Philosopher

   01-08-08 • 13:57 PM

   44

   Բարի լույս սիրելի իմ բարեկամներ:

   Հետաքրքիր իրադարձություններ տեղի ունեցան այս գիշեր-առավոտվա ընթացքում:

   Ամատունին էլ արձագանքեց, Դեմոկրատն էլ իրենն ասեց եւ վստահեցրեց, որ ինքը ոչ մեկի կողմն էլ չէ: Պարզվեց, որ լինելով Դեմոկրատ, նա Երրորդ հրաշալի բեւեռին անվանեց քաղաքական արվամոլներ…

   Եկավ «վիրտուալ ախպեր» Սկսնակը… Ո՞ւր էիր, ա՛յ ախպեր:

   Ժոժոբը գնաց հանգստի… Բարի ճանապարհ եւ բարի վերադարձ: Ամենակարեւորը՝ անփորձանք:

   Ադմինն էլ գալիս «ծիկ» է անում եւ գնում…

   Մի խոսքով իմ եւ Քաղաքացու ուսերին ծառացած այս բազում խնդիրները, որոնք մենք պետք է պարզաբանենք բլոգի վիրտուալ եւ այլընտրանքային մտածողության տեր մարդկանց շա՜տ ծանր են…

   Ինչեւիցե… Քնարական զեղումից վերադառնալով, ցանկանում եմ նախեւառաջ անդրադառնալ Սկսնակի եւ Դոմոկրատի մեկնաբանություններում առկա Վարդան Պետրոսյանի մասին ռեպլիկներին:

   Ասեմ, որ ես տեսել եմ նրա «Սեր եւ Ատելություն» ներկայացումը: Ասեմ, որ շատ հետաքրքիր էր: Նախ, մի ընկեր ունեմ, որը Շարժման մոլի ակտիվիստ է: Նա, տեսնելով թատրոնը, հայտնեց իր հիասթափությունը առ այն, որ Վարդանը ծաղրում էր թե՛ Ռոբերտին, թե՛ Սերժին, թե՛Լևոնին: Սակայն ես համամիտ չէի…
   
   Ընդհանրապես, Վարդանի ներկայացումներից պետք չէ երբեք նեղանալ: Նա միշտ պահում է հավասարակշռությունը: Իսկ թե երեկ ինչ էր ասել նա Շանթում, ես ճիշտն ասած չգիտեմ: Այլեւս հետաքրքիր չէր, եւ չնայեցի: Նարկայացումն ամեն ինչ ասում էր:

   Հիմա, անդրադառնամ ծայրահեղական, ռադիկալ ընդդիմությանը: Նշեմ, որ սրանք Շարժման հակառակորդների ձեւակերպումներն էին:

   Ինչո՞ւ է հայ ժողովուրդը միշտ սիրում ամեն ինչին մի բառ կպցնել: Սա անարդար է: Ի՞նչ մի արմատականություն եւ ռադիկալիզմ, թեկուզ ծայրահեղականություն կա Շարժման մեջ: Ծայրահեղական են, որ պահանջում են Քաղբանտարկյալների ազատո՞ւմը: Արմատական են, քանի որ Շարժումը չի՞ կոտրվել այնպես, ինչպես 98, 2003, 2007 թվականների ժողովրդական ալիքները: Ռադիկալ են… թվարկեք ինքներդ:

   Հիմա Դեմոկրատի որոշ հակասական մտքերի մասին:
   
   Բարեկամ, եթե չես ընդունում ոչ իշխանությանը, ո՛չ Համաժողովրդական Շարժմանը, ոչ էլ հռոմեական ծերակույտ հիշեցնող թոշակառու երրորդ բեւեռին, ապա ի՞նչ մի ելք ես տեսնում ինքդ:

   Ահա, ես, եւ կարծում եմ՝ այլոք եւս, շատ հետաքրքրված ենք, թե ինչ են մտածում այդ խոսքերը ասողները: Վստահ եմ, որ ոչ մեկդ էլ չեք սպասում երկքնից մանանա թափվելուն: Ներկա քաղաքական դաշտում առկա են ահա այդ ուժերը: Այլ չկա…
   
   Ես զարմանում եմ նաեւ, թե ինչո՞ւ են որոշ մարդիկ կարծում, թե ընդդիմությունը ուրախանում է իշխանության սխալի վրա: Ախր, եթե ուզում եք, որ ընդդիմությունը չուրախանա, ապա սխալ մի՛ արեք: Եվ վերջապես, եթե դրա մասին բարձրաձայնելը ուրախություն եք պատկերացնում, ապա խոսք այլեւս գտնելն անհնար է: Եթե ՄԱԿ-ում ընդունված խայտառակ բանաձեւերի մասին բարձրաձայնելը ու ԵԽԽՎ-ի Ադրբեջանի պահով ընդունված բանաձեւի կամ ՄԵդվեդեւ-Ալիեւ դաշնագրի մասին խոսելը, եւ մեր խայտառակ արտաքին քաղաքականությունը քննադատելը եւ վերջինիս լիակատար ֆիսկոյի մեջ հայտնվելու մասին ազդարարելը, եւ ելքեր առաջարկելը համարվում է ուրախանալ, ապա…

   Հիմա Ամատունու խոսքերին անդրադառնամ:

   Սկսեմ այսպես. ազատություն բոլոր քաղբանտարկյալներին (որ իմ ընդիմախոսը էս հարցում զիբիլն ու քաղբանտարկյալներին մի հարթության վրա չդնի):

   Եթե իրոք ի խորոց սրտի է ասվածը, ապա խնդիր չկա, եթե սարկազմ է, ապա կարծում եմ, որ դրա հեղինակային իրավունքը պատկանում է Ժոժոբային, եւ առանց նրա ներկայության, այդ խոսքերի համար նա կարող է Ձեզ դատի տալ…

   Թողեք ձեր այս լոզունգը` ով մեր հետ չէ, մեր դեմ է:

   Ահա, այստեղ է բացվում լայն տեսադաշտը: Բարեկամ, ո՞վ է Շարժման ներկայացուցիչներից օգտագործել այդ հիմարությունը:
   

   Կուզեի ձեր վարդագույն երազը իրականություն դառնար ու նախագահ դառնար ԼՏՊ-ն` իր հետ բերելով զինակից ոջլոտ խաչիկստամբոլցյաններին (համենայն դեպս, ջահելներին հանած` տեսնում ենք, թե ովքեր են նրան շրջապատել):
   

   Լավ էլի, Ամատունի.... Բա սազե՞ց: Վարդագույն երազ… Ինչ էլ մի բառ ես գտել: Ովքե՞ր են ջահելները, որոնց դու համարում ես լավը: Համենայն դեպս, այժմ Շարժման կողքին կանգնած քչերն են, որ խաչիկստամբուլցյան են: Հա, ի դեպ, ինչո՞ւ չես «սիրում» Խաչիկ Ստամբուլցյանին: Չէ՞ որ նա էլ ՎՄ-ական…

   ...Ու մի քանի տարի հետո ձեզ հարցնեի. «հը՞ Քաղաքացի, Philosopher, ո՞նց եք, սա՞ էր ձեր պատկերացրած Հայաստանը»:

   Մի քանի տարի մենք էլ չենք սպասի, եւ հիմա քեզ կհարցնենք՝ սա՞ է քո երազած Հայաստանը: Այսպե՞ս ես ուզում լավ լինի.... ՀԻմա պայքարողը Լևոնն է, եւ եթե վաղը Լևոնը վատ լինի, մենք կպայքարենք: Համենյան դեպս այսպես վատ չի լինի:

   Չի լինի, քանի որ, տեսնելով Լևոնի կառավարման տարիների ազատությունը, կասեմ, որ եթե մենք դուրս գանք միտինգի ու երթի, ապա մարզերի ճանապարհները չեն փակվի, ոնց որ հենց հիմա, ապա մեզ կարտոնեն «Ազատության» հրապարակում միտինգ անել....

   Ավելացնեմ նաև, որ արմատական փոփոխություններ՝ նշանակում է նաև հիմքից արվող փոփոխություններ (ֆունդամենտալ): Ես, ա՛յ, հենց սրա կողմնակից եմ…
   

   Եթե հիմա Սերժ Սարգսյանը ֆունդամենտալ փոփոխություն է անում, ապա ինչպես ասել էր Հովիկ Արսենյանը . «Սարը սարին չի հանդիպի, այ քեզ ուրախ նապաստակ»:

1. Քաղաքացի

   01-08-08 • 14:44 PM

   45

   NO COMMENT!

   Ամեն ինչ ասված է: Եկեք անցնենք Սերժի մեղայականին ու որոշենք, թե ի՞նչ պատիժ նա պետք է կրի իր անմիջական տիրակալ Ռոբերտի հետ և ինչի համար: Պատիժ կրել էլ ասելով ի նկատի չունեմ, թե հեսա էսօրվա միտինգով հաղթեցիքն, վաղը Սերժին դատում ենք: Ես ի նկատի ունեմ, որ եթե նույնիսկ Համաժողովրդական շարժումը չհասնի իր հաղթանակին (տեսականորեն ), ապա մեր սերունդը անպայման դա անելու` վաղ թե ուշ: Եվ այդ պարագայում ՍՍ-ն ու ՌՔ-ն չեն խուսափելու պատժից, միյան մի բացառությամբ, եթե մինչև այդ սատկած չլինեն (սա էլ զուտ տեսականորեն):

1. Ազիան

   01-08-08 • 17:43 PM

   46

   Հիմա պայքարողը Լևոնն է, եւ եթե վաղը Լևոնը վատ լինի, մենք կպայքարենք:

   Որպեսզի չկրկնվեմ, կրկին կարդա այս բլոգում գրված ԿԱՐՈՒՍԵԼ նյութը:

   տեսնելով Լևոնի կառավարման տարիների ազատությունը...

   Ամոթ է: Էդ ո՞ր ազատության մասին է խոսքը: Ժողովուրդը ոտքի վրա չէր կարողանում կանգնել, մեռելներին գիշերն էր թաղում, էլ ուր մնաց միտինգ անե՜ր: Ում ուզում, որտեղ ուզում սպանում էին: Շուկաներում ու ճանապարհներին «հաբլաբ» էր: Բոլոր շրջանային տեղական թերթերը փակվեցին: Նոր ընտրված նախագահին ասին «հանկարծ ծպտունդ դուրս չգա»:

   Ովքե՞ր են ջահելները, որոնց դու համարում ես լավը:

   Ձեզ եմ համարում լավը, որ մի բան ուզում եք փոխել:Բայց մեղք եք, որ կանգնում եք հանցագործի կողքին:

   ով մեր հետ չէ, մեր դեմ է: Բaրեկամ, ո՞վ է Շարժման ներկայացուցիչներից օգտագործել այդ հիմարությունը:

   Սա ԼՏՊ-ի սիրած լոզունգն է: «Պայքար,պայքար մինչև վերջ»-ի հարազատ եղբայրը:

   Եկեք անցնենք Սերժի մեղայականին ու որոշենք, թե ինչ պատիժ նա պետք է կրի իր անմիջական տիրակալ Ռոբերտի հետ և ինչի համար:

   Այ, որ նախկին սերունդը արդեն պատժած լիներ ԼՏՊ-ին ու անկախ հանրապետության մյուս հանցագործներին, այս մի խնդիրը այսօր կանխված կլիներ և 10 տարիների խորիմաստ կանխակալ լռությունը մոռացության չէր տա անցյալի հիշողությունները:

   եթե մինչև այդ սատկած չլինեն ...

   Բազմիցս խոսել ենք էթիկայի նորմերի և քաղաքակրթության մասին: Մի՞թե սա մակարդակ է: Աստվածաշունչը ցուցանում է՝ սիրիր նույնիսկ թշնամուդ:

   Եթե նույնիսկ այս 2-ին ընտրել են 500 հոգի, ապա նման խոսքերը բռնանում են այս մարդկանց իրավունքները:Այս «ոճով» դժվար էլ սկիզբ դրվի նոր հասարակարգի կայացմանը:

   Այսքանը…

   Հ.Գ. Democrat, իրոք, արդյունքի հասնելու համար կիրթ քաղաքացիներ են պետք: Թե չէ այս մենթալիտետով արված հեղափոխությունը անպտուղ է լինելու:

1. Philosopher

   01-08-08 • 18:24 PM

   47

   Ճիշտն ասած, կարծում էի, թե Քաղաքացու NO COMMENT!  -ից հետո, պարոն Ամատունին կփորձեր մի քիչ ավելի գաղափարական ակնարկներով եւ իմ գրած նյութի պահով խորհել եւ մեզ մասնակիցը դարձնել սեփական առաջարկած թեմայի, այդուհանդերձ մնացինք նույն կոտրած տաշտակի առաջ:

   Ուշադրություն դարձրեք, պրն Ամատունի, որ մի ամբողջ նյութին ուշադրություն չդարձրիք, եւ հպվելով մի քանի նախադասության, այն էլ հանելով կոնտեքստից, փորձեցիք դրա հիման վրա կապել ձեր միտքը: Ոչ մի ելք չառաջարկեցիք:

   Գիտեք, ակամայից հիշեցի Շավարշին ու Արշակին, որոնք վառված լինելով Տեր-Պետրոսյանից, ոչ մի փաստ եւ ոչ մի էական ապացույց ցույց չտալով, ասում էին, թե Տեր-Պետրոյսնաը հանցագործ է… հանցագործ է… հանցագործ է… Ի դեպ, այսօր նույն ողբերգակի ձայնով այդ լալահառաչ խոսքերը կրկնում էր Սահակյան Գալուստը: Դե արի ու մարդուն բացատրիր, որ Լևոնը ՀՀ-ից չի գնում: Միեւնույնն է, ինքն իր էշը քշում է: Արի հարցրու, թե ինչո՞ւ է ինքը Լևոնին ժամանակին սիրել եւ պաշտել: Եթե Լևոնը վատն էր, ապա ինչու էր ինքը Հանրապետություն ֆրակցիայով մտել պառլամենտ:  Հարցեր ... Հարցեր… Հարցեր, որոնց պատասխանը չկա, բայց կտրվի.... վախիլ միք:

   Ամոթ է: Էդ ո՞ր ազատության մասին է խոսքը:

   Ի սրտե եմ ասում, որ այս որակի բանավեճի մեջ` անպտուղ, չէի ուզի մտնել: Բայց, Ամատունի, դու ինձ ստիպեցիր: Եղբայր, ցույց տուր մեկ, ընդամենը մեկ 96 թվականի հանրահավաքի չարտոնում: Ցույց տուր, թե երբ էր իշխանությունը փակում ճանապարհը, որ գյուղացին մարզից չհասնի Երեւան, եւ ՎՄ-ի միտինգին չմասնակցի:

   Լևոնին անվանում ես հանցագործ: Գիտե՞ս՝ խոսեցիր իսկը Քոչարյանի վերջին ասուլիսի պես: Մերկապարանոց հայտարարություններ… Հանացագործ… Այո, նա հանցագործ է: Ժամանակին, իզուր Պառլամենտի վրա գրոհած ՎՄ-ին չկալանավորեց: Իզուր, շատ իզուր…

   Սա ԼՏՊ-ի սիրած լոզունգն է: «Պայքար,պայքար մինչև վերջ»-ի հարազատ եղբայրը:
   

   Ցանկանում եմ հարց տալ, թե ինչո՞ւ, եղբայր, դու չես սիրում փաստերի լեզվով խոսել: Ես քեզ ասում եմ՝ ո՞վ է այդ միտքը` բառ առ բառ, արտահայտել, դու զուգահեռ ես անցկացնում: Հիշեցի ֆիլմը, որտեղ ասում է, «յա գավարյու ու մենյա նասմրկ, ա օն պաստ, պաստ...»

   Այ, որ նախկին սերունդը արդեն պատժած լիներ ԼՏՊ-ին ու անկախ հանրապետության մյուս հանցագործներին

   Ցավում եմ հայրենակից, որ դու իրոք այդպես ես մտածում: Խոսքը չեմ ուզում տանել դեպի անձնական հարթություն:

   Ձեզ եմ համարում լավը, որ մի բան ուզում եք փոխել:Բայց մեղք եք, որ կանգնում եք հանցագործի կողքին:
   

   Հանցագործ ասելով, նկատի ունես Լևոնի՞ն: Դա քո խնդիրն է: Սակայն եթե Լևոնը լիներ հանցագործ, ապա Վանոյի պես շատ հեշտ մի գործ էլ կարող էին կարել Լևոնի վրա եւ նստեցնել: Բայց մարդու վրա ոչինչ չկա: Ասում եք, թե թալանել է, բայց չեք ցույց տալիս, թե որտե՞ղ է նրա թալանածը: Մի թերթի կրպակ չունի մարդը…

   Հ.Գ. Լավ, ավելի լավ է թողնենք այս անպտուղ եւ դատարկ բանավեճը: Շատ կուզեի, որ պատասխանեիր խոսքիս այն մասին, ինչից շատերն են խուսափում:

   Իսկ հարցս կայանում էր նրանում, թե ի՞նչ եք առաջարկում… Կարդացեք նախորդ մեկնաբանություններս (թիվ 26 եւ 44):

1. Ազիան

   01-08-08 • 21:23 PM

   48

   Կարծում եմ, գրածս հայերեն է ու հասկանալի:

   Նախ, ես ամբողջությամբ պատասխանել եմ այն հարցին, որն ինձ էր հասցեագրցած: Առաջին մասը վերաբերվում էր Վարդան Պետրոսյանի ելույթներին, իսկ մնացած մասը վերաբերվում էին Դեմոկրատին, Սկսնակին: Հետո էլ թող ես որոշեմ ո՞ր գրություններին պատասխանեմ և ինչպե՞ս: Թե չէ ստիպողաբար կարծիք կորզելը բռնության պես մի բան է: Եթե դու արդարության կողմնակից ես՝ պատասխանիր այս հարցին. 96-ին Վազգեն Մանուկյանը նախագահ ըտրվե՞ց, թե՞ ոչ:

   Ցանկանում եմ հարց տալ, թե ինչո՞ւ, եղբայր դու չես սիրում փաստերի լեզվով խոսել:

   Սա ԼՏՊ-ի սիրած լոզունգն է: «Պայքար,պայքար մինչև վերջ»-ի հարազատ եղբայրը: 1988թ միտինգներին ԼՏՊ-մ հաճախ էր վանկարկում «Ով մեզ հետ չէ,մեր դեմ է» լոզունգը: Ու հիմա էլ դա սարքել է սկզբունք:Ովքեր չեն կիսում նրա հայացքները՝ արժանանում են պախարակման:

   Եղբայր, ցույց տուր մեկ, ընդամենը մեկ 96 թվականի հանրահավաքի չարտոնում: Ցույց տուր, թե երբ էր իշխանությունը փակում ճանապարհը, որ գյուղացին մարզից չհասնի Երեւան, եւ ՎՄ-ի միտինգին չմասնակցի:

   Կամ էլ ի՞նչ պետք է միտինգ արտոնելը դրոշակ սարքել: Գիտե՞ս մարդիկ որքան էին հոգնել 1988-ի միտինգներից, երբ հացի խանութներից հաց չէին կարողանում գնել: Կամ էլ ինչպիսի՞ ճոխություն՝ մարզերից հասնել Երևան, երբ բենզին ու դրամ չկար ու իրար էին հրմշտում անվճար տրվող նավթի հերթերում: Բոլորը շոկի մեջ էին:

   Արդեն գրել եմ, որ մինչ 1996 թ. Ժողովուրդը ոտքի վրա չէր կարողանում կանգնել, մեռելներին գիշերն էր թաղում, էլ ո՞ւր մնաց միտինգ աներ: Ում ուզում, որտեղ ուզում սպանում էին: Շուկաներում ու ճանապարհներին «հաբլաբ» էր: Բոլոր շրջանային տեղական թերթերը փակվեցին:Անարդարություններից ըմբոստացած ժողովուրդը (ինչպես հիմա է), երբ ոտքի ելավ ու նոր ղեկավար ընտրեց, վերջինիս ասին «հանկարծ ծպտունդ դուրս չգա», ու նախագահ ԼՏՊ-ն այդ օրվանից դարձավ անօրինական նախագահ:

   1996 թ. փոշիացվեց Սովետական Հայաստանի ողջ կարողությունները (Հայաստանը տնտեսական կարողություններոով չափվում էր Բելգիայի հետ): Ժողովուրդը մատնվեց սովի: Ինչպես այսօր է՝ իշխեց մոնոպոլիան (բենզին, ալյուր և այլն), չբացահայտված հանցագործություններ, արտոնություններ վերնախավի համար: Աշխատավարձ՝ 200 դրամ: Նախագահության ժամանակաշրջանում միլիոնների եկամուտներ է ունեցել: Այդ հիմա է, որ միլիոնը փող չէ: Էթիկան թույլ չտվեց, որ 1-ին նախագահը հռչակվի հանցագործ և ճիշտն էլ դա էր: Բա սա հանցագործություն չի ի՞նչ է, թե՞ նախագահը չի պատասխանատուն:

   Հանցագործ ասելով, նկատի ունես Լևոնին: Դա քո խնդիրն է:

   Ես խնդիր չունեմ, բայց քիչ չէ նրա ավանդը երկիրը քայքայելու գործում, համենայն դեպս կոտրեց ժողովրդի հավատը, որ կարող էր մոբիլիզացնել մեծ գործերի: Նրա խոսքին բոլորն էին հավատում, սակայն դուրս եկավ շառլատանի մեկը ու այսօր շարունակում է իր տրյուկները:

   Ինչ վերաբերվում է իմ առաջարկություններին, ապա ես դրան անրադարձել եմ «Վերացնել մեր միջի ստրուկին» նյութում:

   Բոլորիդ մաղթում եմ հաջողություններ և ամառային լիակատար հանգիստ:

1. Marat

   02-08-08 • 01:06 AM

   49

   >>>Ամոթ է: Էդ ո՞ր ազատության մասին է խոսքը: Ժողովուրդը ոտքի վրա չէր կարողանում կանգնել, մեռելներին գիշերն էր թաղում, էլ ուր՞ մնաց միտինգ աներ: Ում ուզում, որտեղ ուզում սպանում էին: Շուկաներում ու ճանապարհներին «հաբլաբ» էր: Բոլոր շրջանային տեղական թերթերը փակվեցին: Նոր ընտրված նախագահին ասին «հանկարծ ծպտունդ դուրս չգա»

   Բոլորս էլ գիտենք, որ նախկինում ժողովրդի սոցիալ-տնտեսական վիճակը շատ վատ է եղել: Ո՞վ չգիտի, ո՞վ չի հիշում, ո՞վ չի լսել:

   Ո՞ւմ էին սպանում: Կներեք, բայց անցյալում ու ներկայում սպանությունների եւ անպատժելության մասին խիստ սուբյեկտիվ համեմատություններ անելն ինքնին խոսում է այն փաստի մասին, որ Դուք հակված եք ուղղակի մեղադրել նախկիններին եւ չմեղադրել ու միեւնույն ժամանակ չարդարացնել (դա համարյա նույնն է ինչ` արդարացնելը) ներկա վարչախմբին: Ի՞նչ եք ուզում ասել… 10 տարվա ընթացքում նվազե՞ց, թե՞ ավելացավ: Կարծում եմ, համեմատելն անհնար է:

   Շրջանային թերթերի փակվելուն ունեցել են օբյեկտիվ պատճառներ: Դրանց հիմքում ընկած չեն եղել քաղաքական դրդապատճառներ` չհաշված այն մեկը… կամ երկուսը:

   Ամատունի, բոլորն էլ գիտեն, թե ինչ է տեղի ունեցել Հայաստանում մինչեւ 98թ-ը: Գիտենք, որ եղել են բազմաթիվ չարաշահումներ, հանցագործություններ, կեղծվել են ընտրություններ: Ավելին` ներկայումս առկա բազմաթիվ հոռի երեւույթները, չարաշահումները սկզբնավորվել են այն ժամանակներից: Բայց մենք ունեցել են պատերազմող, ապա եւ պատերազմում հաղթած պետություն` ազատ, անկախ հայրենիք, որը տարածաշրջանում ուներ ամենաժողովրդավարական երկրի համբավը: Ի՞նչ տեղի ունեցավ 96-ին, ապա եւ 98-ից հետո բոլորս էլ գիտենք: Շարունակե՞մ…

   Այո, պետական բյուջեն հիմա գերազանցում է նախկինին մոտ 10 անգամ: Քանի՞ անգամ է բարելավվել մարդկանց կենսամակարդակը (ջուրը, գազը, լույսը հաշվել պետք չէ. դա այսպես, թե այնպես լինլու էր): Եվ ամենակարեւորը` այսօր Հայաստանի միջազգային վարկանիշը շատ ցածր է, Հայաստանը գտնվում է փաստացի մեկուսացման մեջ, դարձել է մեկ այլ երկրի ստրատեգիական կցորդը… Մեր իշխանությունները չունեն պետական մտածելակերպ՝ ի տարբերություն նախկինների: Չեն էլ ունենալու: Հույս չունենաք:

   Այնպես որ, անձնավորել պետք չէ: Սա անձերի պայքար չէ… Սա Հայաստանի Հանրապետության գիտակից քաղաքացիների պայքարն է իրենց երկրի, իրենց ապագայի, իրենց արժանապատվության համար: Մնացածը երկրորդային է… ԼՏՊ-ին ՍՍ-ի ու ՌՔ-ի հետ համեմատելն էլ ճիշտ չէ կամ նույնիսկ կարելի է ասել մեղք է:

   >>>96-ին Վազգեն Մն նախագահ ըտրվե՞ց թե ոչ:

   Ոչ, չընտրվեց: Կամ ընտրվեց: Բայց դա այժմ այդքան կարեւո՞ր է: Ամատունի, կներես, բայց քո մեկնաբանություններից տպավորություն է ստեղծվում, թե ապրում ենք 90-ականների Հայաստանում:

   Ասեմ, որ լավ էր, որ Վազգեն Մն-ն նախագահ չդարձավ: Շատ էլ լավ էր: Եթե մի գործիչ ժողովրդին փաստացի տանում է առճակատման ոստիկանության հետ («եթե 15 րոպեից չգամ ետեւիցս եկեք», ուրեմն` ավելի լավ է նա ընդհանրապես տեղ չունենա երկրի քաղաքական թատերաբեմում: Նա 98-ին, 99-ին, 2003-ին ցույց տվեց իր իրական դեմքը եւ ապացուցեց, որ իր սկզբունքայնության, ազնվության, անկաշառության մասին խոսակցությունները իրականում առասպելներ են: 

   Վերջապես, հիմա տեսանք, թե իրենից ինչ է ներկայացնում Վազգեն Մ-ն: Երբ յուրաքանչյուր ինքն իրեն հարգող սովորական քաղաքացի իր բողոքն է արտահայտում մարտի 1-ի ողբերգության համար, նշածդ քաղաքական գործիչը իր նման մի քանի ստահակների հետ միասին գերադասում է արդարացնել իշխանություններին, լավագույն դեպքում` լռել, ապա եւ հորջորջել` ինչ-որ անիմաստ, միայն տզրուկներից բաղկացած ընդդիմություն ստեղծելու մասին, որը ծառայելու է ցանկացածին, բացի իր ժողովրդից:

1. Philosopher

   02-08-08 • 03:06 AM

   50

   Բռավո… Սկսնակ ջան դու հրաշք ես:

   Շատ-շատ շնորհակալ եմ քեզանից, որ վերջապես ամեն ինչ տեղը դրեցիր: Վերջապես կփակվի մի բանավեճ, որը ոչ մի արդյունք չէր տալիս: Բանավեճ, որի մի կողմում կանգնած ՎՄ-ի անողոք պաշտպանը՝ հանձին Վահան Ամատունու, մյուս կողմում հայ իրականությունը ռեալ կերպով պատկերացնող եւ տեսնող մի խումբ քաղաքացիներ:

   Սակայն, կարծում եմ պետք է պատասխանեմ Ամատունու որոշ դրույթների, որոնք ոչ միայն կասկած, այլեւ նույնիսկ հավատ ներշնչել չեն կարող:

   Հետո էլ թող ես որոշեմ ո՞ր գրություններին պատասխանեմ և ինչպե՞ս:

   Չեմ հիշում, թե ես պարտադրած լինեմ քեզ պատասխանել այնպես, ինչպես որ ինքս կուզի լսել: Հետո էլ, ես պարզ հարցեր էի առաջ քաշում, որոնց դուք չցանկացաք պատասխանել, քանզի պատասխանելու բան էլ չունեիք:

   Եթե դու արդարության կողմնակից ես պատասխանիր այս հարցին:96-ին Վազգեն Մն նախագահ ըտրվե՞ց թե ոչ:

   Հարց, որը սիրում են տալ ՎՄ-ի բոլոր պաշտպանները:

   Կասեմ այսպես. եթե հաղթել էր, ապա պարտվեց պառլամենտի վրա գրոհելով: Այո:  Լևոնը հաղթել է 2008-ի ընտրություններում, եւ նա խաղաղ կես միլիոնանոց ցույցերով ապացուցեց իր հաղթած լինելը: Նա ձմռան 30 աստիճան ցրտին ամբողջ օրեր շարունակ տնվում էր Ազատոթւյան Հրապարակում: Նա ժողովրդի հետ հավասար մրսում էր: Իսկ ՎՄ-ն 96 թվականի սեպտեմբեր ամսին, ամենալավ քաղաքական պայքարի սեզոնին ոչ թե գնաց խաղաղ ճանապարհով, այլ պառլամենտի վրա գրոհեց:

   Այսինքն, եթե նա հաղթել էր նախագահական ընտրություններում, ապա կորցրեց այդ հաղթանակը: Նա տականքություն դրսեւորեց 1998 թվականի ընտրությունների ժամանակ, երբ չպաշտպանեց Կարեն Դեմիրճյանին: Հիմա կասես, թե ՀՀՇ-ն էլ այն ժամանակ Քոչարյանի կողմն էր: Թքած, ինձ չի հետաքրքրում այդ: Ինձ քո ՎՄ-ի վարքն է պետք:

   Դեռեւս 2007 թվականի դեկտեմբերյան մի ցուրտ օր` 8 -ին, բազմահազարանոց հանրահավաքում Ալեքսանդր Արզումանյանը շատ դիպուկ խոսեց Վմ-ի մասին, եւ հրաշալի հոգեբանական վերլուծությամբ բացատրեց դրա իրական պատկերը: Ես չունեմ ոչինչ ավելացնելու: Եթե չես տեսել, ապա կփորձեմ դնել Յուտյուբում, բայց շատ դժվար է:

   Անդրադառնամ ՎՄ-ի Դեմիրճյանին չսատարելուն: Նա հեքիաթներ է պատմում այդ մասին: Հետեւել եմ Հետք-ում դրա նախընտրական քարոզարշավի ժամանակ տված հարցազրույցին, եւ զննել իր այդ դատարկությունները: Որոնք ասեմ, որ ոչնչով չեն տարբերվում Դհոլ-ի պատմած հին հունա-հռոմեական առասպելներից:

   Մի խոսքով, եթե ՎՄ-ն հաղթել էր, ապա կեղծ ձեւով: Նրա «Իմ պայքարը» օրագիրը, որը տպվեց Հժ-ում, բացահայտեց այդ «մարդու» իրական կերպարը:

   Իսկ հիմա, անցել է ջրի հատակը… Թող մնա այնտեղ, քանի որ ոչ մի պիտանի բան չի անում: Հակառակը, կրծող որթի պես պետք առաջ նետվեր եւ մարդկանց ներվերը քայքայեր: Համ էլ ասեմ, որ լավ արեցին Վազգենն ու Վանոն, որ նրան չթողեցին դառնալ նախագահ: Քանի որ, հիմա կունենայինք ոչ թե Հայաստան, այլ մի դատարկ թեզ համաշխարհային ազգ լինելու մասին:
   

   1996 թ. փոշիացվեց Սովետական Հայաստանի ողջ կարողությունները (Հայաստանը տնտեսական կարողություններոով չափվում էր Բելգիայի հետ)
   

   Այ քեզ ուրախ նապաստակ…

   Նրա խոսքին բոլորն էին հավատում,սակայն դուրս եկավ շառլատանի մեկը ու այսօր շարունակում է իր տրյուկները:
   

   Միգուցե ես ՎՄ-ի հաշվով չափն անցա, բայց առաջինը դու ես սկսել....

   Կամ էլ ինչպիսի՞ ճոխություն մարզերից հասնել Երևան, երբ բենզին ու դրամ չկար ու իրար էին հրմշտում անվճար տրվող նավթի հերթերում:Բոլորը շոկի մեջ էին:

   Մեկ բլոգերական կամ ընդունիր բարեկամական խորհուրդ: Մյուս անգամ, ոչ թե գրիր «վերացնել մեր միջի ստրւկին» հոդվածը, այլ ասենք «ՀՀՇ-ի հանցավոր գործունեությոնը Լևոնի գլխավորությամբ` 1915 թվականի համատեքստում»: Մեծ շնորհ կլիներ հայոց պատմության բնագավառում: Եվ մեր թոռներն ու ծոռները կիմանան, թե ինչպես Լեւոնի եւ ՀՀՇ-ի պատճառով եղավ 15 թվի ցեղասպանությունը:

   Հ.Գ. Ադմին, էդ համար 50 մեկնաբանությունը կրկին կիստ է եղել, ինչի՞ց է:

   Ադմինի կողմից. գրելու կեսից պատահաբար սեղմում ես «Մեկնաբանել» կոճակը, դրանից է:

   Խորհուրդ՝ մի՛ կպիր «Enter»-ին՝ գրելու ընթացքում:

1. Phenomen

   02-08-08 • 03:29 AM

   51

   Ամատունի, անունդ փոխիր. Правда83, կամ Известия84. Կամ էլ Время.

1. Ազիան

   02-08-08 • 15:23 PM

   52

   Բժիշկ չեմ, բայց ինձ խորհելու տեղիք է տալիս Ձեր հոգեբանական վիճակը:

   sksnak-ին թվում է, թե ես թվարկել եմ թե ինչ է տեղի ունեցել անցյալում ու ինքն էլ հաստատում է այդ ամենը: Ահավասիկ.

   Գիտենք, որ եղել են բազմաթիվ չարաշահումներ, հանցագործություններ, կեղծվել են ընտրություններ: Ավելին` ներկայումս առկա բազմաթիվ հոռի երեւույթները, չարաշահումները սկզբնավորվել են այն ժամանակներից...:

   ...դրանից հետևում է քո «Բայց...»-ը` ու արդարացումներ, արդարացումներ…

   Էլ ի՞նչ բայց. Ձեզ չի՞ թվում, որ այդպես ամեն երևույթ կարելի է արդարացնել:

   Ամենազավեշտալին սիելիս, շեղատառերով ձեր ընդհանրացումն է, այն է.

   Դուք հակված եք ուղղակի մեղադրել նախկիններին եւ չմեղադրել ու միեւնույն ժամանակ չարդարացնել (դա համարյա նույնն է ինչ` արդարացնելը) ներկա վարչախմբին…

   Ես ոչնչի էլ հակված չեմ, այդ ինչպե՞ս ենթադրեցիք… Ես ոչ մեկին ոչ արդարացնում և ոչ էլ մեղադրում եմ, այլ ահա իմ խոսքերը. Չարիքի արմատներն ավելի խորն են, իսկ դուք այսօր սնվում եք այդ արմատներից: Անուղակի սրբացնում եք երեկվա հանցագործներին:

   Սա՛ է վտանգավորը: Ես ուղղակի մատնացույց եմ արել չարիքի բույնը: Այս կոնտեքստում էլ արձանագրվել են անցյալի իրողությունները, որոնք դասեր են մեզ համար:

   Գրում ես.

   քո մեկնաբանություններից տպավորություն է ստեղծվում, թե ապրում ենք 90-ականների Հայաստանում…

   Մեր թույլ կողմերից մեկն անցյալից հետևություններ չանելն է: Եթե խոսում ենք Ավարայրի ճակատամարտի մասին, ապա ձեզ թող չթվա, որ ապրում եք այդ ժամանակներում: Ասեմ. այս ոճով ձեր նախատեսած փոփոխությունները, որոնք հիմնված են ավազի վրա «նույնիսկ հավատ ներշնչել չեն կարող» ( ձեր խոսքերով):

   Ինչ վերաբերվում է մյուս մեղադրանքներին: Կասեմ միայն, որ ես Վազգեն Մանուկյանի դատապաշտպանը չեմ: Ոչ էլ ԼՏՊ-ի մեղադրողը: Այսօրվա «արդարություն» փնտրողներին կրկնել եմ 10 տարվա առաջվա «արդարություն» փնտրողների արդար պահանջը (նրանցից ինչո՞վ եք լավ, Ձեզ ինչի՞ է թվում, որ 10 տարի հետո ձեր գործողությունները ճիշտ են որակվելու):

   Այդքանից հետո ուղղակի անհարկի եմ համարում պատասխանել մյուսների հերյուրանքներին, որոնց հիմքում ավելի շատ չարախոսություն ու հեգնանք կա Նապաստակի, ցեղասպանության ու Время-ի մասին:

   Հ.Գ.- Այնպես որ, անձնավորել պետք չէ: Սա անձերի պայքար չէ…

   Սիրելի Սկսնակ դու սա ինձ ես գրո՞ւմ…
   
   Բազմիցս այս խոսքերը ես եմ արտաբերել տարբեր առիթներով: Մի անգամ էլ պարզաբանեմ: Ես խնդիր չունեմ ԼՏՊ-ի հետ, նա ինձ չի էլ հետաքրքրում, խնդիրը չարիքը արմատախիլ անելու մեջ է: Ծառը կտրելով ու արմատը չհանելով հարց չի լուծվի: Բուսնող նոր սախարթները ավելի այլանդակ կաճեն:

   Այժմ երևի հասկանալի է…

1. Ազիան

   02-08-08 • 15:32 PM

   53

   Խնդրանք Ադմինին.- Վերջին 20 տողերի <u>-ն(ընդգծված լինելը)թյուրիմացությամբ է եղել,խնդրում եմ հանես:Շնորհակալություն:

1. Philosopher

   03-08-08 • 02:31 AM

   54

   Բարի երեկո…

   Նախապես նշեմ, որ շնորհավորում եմ բոլորիդ Հայ Ազգային Կոնգրեսի ստեղծման առթիվ: Եվ հույս հայտնում, որ այն կծառայի այն քայլերի իրականացմանը, որի խնդիր իր առջեւ դրել է Կոնգրեսը: ԺԿ-ի, եւ ՆԺԿ-ի միանալը դեռ վաղաժամ եմ համարում մեկնաբանելը: Րաֆֆին, եթե ցանկանում է Տեր-Պետրոսյանի շնորհիվ վարկանիշի տեր դառնալ, զուր է փորձում: Իսկ ՆԺԿ-ի հանդեպ ես չունեմ հավատ:

   Հիմա շատ հակիրճ անդրադառնամ Ամատունու խոսիքն:

   Նախ, քանի որ նա չցանկացավ պատասխանել «մյուսներին»` հանձին ինձ եւ Ֆենոմենի խոսքերին, ապա ավելացնելու բան անգամ չունեմ: Չեմ էլ ցանկանում:

   Եթե բանավեճը գնում է ոչ թե փաստերի հիման վրա, ոչ թե ինչ որ եզրահանգման գալու համար, այլ սոսկ խոսելու-գրելու համար, այսիքն դատարկ ժամանակ վատնելու, ապա ես ձեռքերս լվանում եմ:

   Միայն կասեմ, որ շատ հեշտ է ապրել Հոլանդիայի, Գերմանիայի պես հրաշալի երկրներում, նստել փափուկ բազկաթոռին եւ դատել Հայաստանի իրավիճակի մասին: Եվ այլ կարծիք էլ Ամատունին հայտնել չէր էլ կարո: Միայն կասեմ, որ եթե ՀՀ-ում ամեն ինչ այսքան լավ է, ապա Ամատունուն խորհուրդ կտամ գալ եւ ապրել հարազատ երկրում: Իզուր են մաշվում սփյուռքում հայրենիքի կարոտից:

   Մի անգամ էլ պարզաբանեմ. Ես խնդիր չունեմ ԼՏՊ-ի հետ,նա ինձ չի էլ հետաքրքրում, խնդիրը չարիքը արմատախիլ անելու մեջ է:

   Միայն կրկնեմ, որ դուք ոչ թե ցանկանում եք չարիքն արմատախիլ անել, այլ սոսկ խոսել` խոսելու համար: Քանի որ, այքան ժամանակ հետեւելով ձեր հովածներին եւ մեկնաբանություններին, ես ոչ մի անգամ էլ չեմ հասկացել թե դուք ինչ միտք եք արտահայտում: Այսինքն ոչ մի անգամ խնդրի ռեալ լուծում չեք առաջարկում:

   Հ.Գ. Ապրեք խաղաղ ու երջանիկ....

1. Marat

   03-08-08 • 13:50 PM

   55

   >>>Բժիշկ չեմ,բայց ինձ խորհելու տեղիք է տալիս…

   Իսկ եթե գաղտնիք չէ, ի՞նչ մասնագիտություն ունեք:

   >>>բայց ինձ խորհելու տեղիք է տալիս Ձեր հոգեբանական վիճակը:

   Իզուր…

   >>>...դրանից հետևում է քո «Բայց...»-ը: Ու արդարացումներ, արդարացումներ..
   Էլ ի՞նչ բայց. Ձեզ չի՞ թվում, որ այդպես ամեն երևույթ կարելի է արդարացնել:

   Ես որեւիցե մեկին չեմ արդարացնում: Ես ասում եմ այն, ինչ` եղել է: Օրինակ` պողոսը գող է, բայց նվիրված է իր ընտանիքին: Ես պողոսին չեմ արդարացնում… Բայց փաստում եմ նրա նվիրվածությունն իր ընտանիքին:

   ՀՀ-ում 90-ականներին եղել է թալան, չարաշահումներ եւ այլն, բայց մենք ունեցել ենք ազատ, անկախ, պատերազմում հաղթած պետություն: Այնպես որ, ես չարաշահումները չեմ արդարացնում, իսկ որ մեր երկիրը եղել է ազատ, անկախ եւ պատերազմում հաղթած, դա փաստ է:

   >>>Ես ոչնչի էլ հակված չեմ, այդ ինչպե՞ս ենթադրեցիք…

   Քո մեկնաբանություններից…

   >>>Անուղակի սրբացնում եք երեկվա հանցագործներին:

   Անուղղակի կամ ուղղակի որեւիցե մեկին չեն սրբացնում: ԼՏՊ-ին ընտրողների հիմնական մասը գիտի, թե ինչի համար են ընտրում նրան: Նա հզոր, փորձված քաղաքական գործիչ է եւ անհամեմատելի է որեւիցե մեկի հետ:

   >>>Բազմիցս այս խոսքերը ես եմ արտաբերել տարբեր առիթներով: Մի անգամ էլ պարզաբանեմ. ես խնդիր չունեմ ԼՏՊ-ի հետ, նա ինձ չի էլ հետաքրքրում, խնդիրը չարիքը արմատախիլ անելու մեջ է: Ծառը կտրելով, արմատը չհանելով հարց չի լուծվի: Բուսող նոր սախարթները ավելի այլանդակ կաճեն:

   Արմատախիլ անելու այլ ճանապարհ չկա, չի լինի, սա սկիզբն է… այսպես մինչեւ ե՞րբ, ո՞ւր…

   >>>Նրանցից ինչո՞վ եք լավ, Ձեզ ինչի՞ է թվում, որ 10 տարի հետո ձեր գործողությունները ճիշտ են որակվելու:
   
   Նրանցից լավը չենք, բայց տարբերվում ենք քաղաքացիական գիտակցությամբ եւ վճռականությամբ:

   Հարգելի Ամատունի, համաձա՞յն չես, որ ներկայումս եւ նախորդ 10 տարում Հայաստանի արտաքին քաղաքականության բազմաթիվ խայտառակ բացերը, մեր երկրում տիրող բարոյահոգեբանական մթնոլորտը, տնտեսական չարաշահումները, իշխանավորների ու օլիգարխների անարդար ու անաբարո պահվածքը համեմատելի չէ 90-ականների հետ:

1. Marat

   03-08-08 • 13:52 PM

   56

   Էս ի՞նչ եղավ…

1. Ազիան

   03-08-08 • 14:46 PM

   57

   Միայն կասեմ, որ եթե ՀՀ-ում ամեն ինչ այսքան լավ է, ապա Ամատունուն խորհուրդ կտամ գալ եւ ապրել հարազատ երկրում: Իզուր են մաշվում սփյուռքում հայրենիքի կարոտից:

   Ցույց տուր գեթ մի տող, երբ Ամատունին ասած լինի, որ Հայաստանում ամեն ինչ լավ է: Հետո «փափուկ բազկաթոռներով» էս ի՞նչ սեպ եք խրում սփյուռքի ու Հայաստանի միջև:

   ...Ու այդպես ստահոդ կանխատեսումներ ու եզրահանգումներ, որոնք պառակտում են հայ ազգը:

   Բա սա հիվանդություն չի, ի՞նչ է…

1. Ազիան

   03-08-08 • 14:53 PM

   58

   sksnak-գրել է:
   Հարգելի Ամատունի, համաձա՞յն չես, որ ներկայումս եւ նախորդ 10 տարում Հայաստանի արտաքին քաղաքականության բազմաթիվ խայտառակ բացերը, մեր երկրում տիրող բարոյահոգեբանական մթնոլորտը, տնտեսական չարաշահումները, իշխանավորների ու օլիգարխների անարդար ու անաբարո պահվածքը համեմատելի չէ 90-ականների հետ:

   Գոնե լավ է ընդունում ես, թե այս խայտառակության արմատները,որ թվականներից է սկսվում:

1. Ազիան

   03-08-08 • 15:01 PM

   59

   կրկնում եմ թիվ 54-ի խնդրանքս

   Ադմինի կողմից. ոնց որ արեցի, չէ՞

1. F5-admin

   03-08-08 • 21:28 PM

   60

   Բարի կիրակի բոլորիդ,

   չէի մասնակցում, քանի որ Սեւանում սեւանում էի, որտեղ ինտերնետ չկար, իսկ բջջայինով չէր կպնում (հասանելիության խնդիր կար, ասենք՝ տան մի կեսում Մեղվագիծը հասանելի էր, իսկ մյուսում՝ ոչ):

   Ամեն դեպքում, վերադարձա մի ժամ առաջ, մի քիչ Jojoba-ի չսիրած գործով զբաղվեցի ու «թեթեւոտ» աղավաղեցի Ձեր մտքերը: Ու հիմա էլ կփորձեմ ներկայացնել իմ որոշ մտքերը, այսպես ասած՝ «ծիկ» անել:

   Նախ, ես կրկին անգամ խնդրում եւ պահանջում եմ բոլորիցս, որ մեկմեկու հանդեպ լինենք հնարավորինս հարգալից: Եթե թեկուզ ես Ձեր առաջնորդին չեմ սիրում ու չեմ ընտրել («խոսքի»), ապա ինձ մեղադրելով Ձեր կյանքը չի թեթեւանա: Կամ էլ հակառակը՝ եթե ես ընտրել եմ կամ հավանում եմ «կարտյոժնիկին» (կարծեմ Վազգենի մտերիմները 90-ականներին նրան այդպես էին որակում՝ ելնելով քաղաքական «ղումարի» իր բացառիկ հմտությունների համար), ապա սա չի նշանակում, որ ես պետք է արժանանամ այն մարդկանց պարսավանքին, ովքեր նրան համարում են անփոխարինելի կամ էլ եղածներից լավագույնը (դարձյալ՝ «խոսքի»):

   Սիրե՛ք զ’միմյանց:

   Հիմա որոշ պատառիկներ Ձեր խոսքերից, որոնց ես ուշադրություն դարձրեցի ու առանձնացրեցի՝ Ձեր մտքերին ծանոթանալի:

   Նախ, մի ընկեր ունեմ, որը մոլի Շարժման ակտիվիստ է

   Արդեն ուղղել եմ, դարձրել եմ «Շարժման մոլի ակտիվիստ»: Հարցս այն է, թե հո միտքը չե՞մ աղավաղել: Կարո՞ղ է պետք է լիներ «մոլի Շարժման»:

   Սա ընդունեք որպես կատակ:

   Երկրորդ: արդեն չեմ հիշում ով (կարծեմ՝ Փիլիսոփան), բայց մեր իշխանություններին չսիրող մեր բլոգերներից մեկը «իշխանություն» կամ «իշխանություններ» բառը միշտ կամ հաճախ գրում է մեծատառով՝ անկախ դա նախադասության առաջին բառն է, թե ոչ (Իշխանություն, Իշխանություններ): Հարց՝ էդքան շատ եք սիրո՞ւմ մեր իշանություններին, որ մեծատառով եք գրում…

   Ինչպես տեսնում եք, կատակներս դեռ շարունակվում են:

   Երրորդ.

   Եթե չունեք այդ հարցերի պատասխանը, ապա մի՛ խանգարեք ուրիշներին իրենց ցանկությունների իրագործմանը:

   Այսինքն, եթե Ամատունին Ձեր մտքերին դեմ է, ապա խանգարո՞ւմ է: Դե որ մեր առօրյա կամ պետական գործերում որեւէ խոչընդոտ չլիներ, ապա լավ կլիներ, էլի… Անում եք՝ արեք, էլ մի պատճառներ բռնեք:

   Դե, էլ չասեմ, որ սա էլ կատակի ոլորտից էր:

   Չորրորդ.

   Ասում եք, թե թալանել է, բայց չեք ցույց տալիս, թե որտե՞ղ է նրա թալանածը: Մի թերթի կրպակ չունի մարդը…

   Փաստորեն, պիտի Էքսպո-ցուցահանդեսով ներկայացնե՞ր: Բա իսկական «տարածն» այն է, որ մենակ դու գիտես ու չես թիթիզանում չտեսների պես: Ասենք՝ երեկ վազում էիր ուրիշի համար գարեջուր առնելու, որ մի քսան դրամ քեզ մնա, իսկ վաղը գարեջրի գործարան ես բացում…

   Չմտածեք, թե ասում եմ՝ Լեւոնը թալանել է: Ասածս գոնե այն է, որ նա շատ լավ գիտեր, թե ով է թալանում եւ ինչ, ու մեկ էլ՝ ինչքան: Մնացածը թողնում եմ Ձեր եզրահանգումներին:

   Հինգերրորդ.

   Րաֆֆին, եթե ցանկանում է Տեր-Պետրոսյանի շնորհիվ վարկանիշի տեր դառնալ, զուր է փորձում: Իսկ ՆԺԿ-ի հանդեպ ես չունեմ հավատ:

   Ամնե ինչ այնքան էլ պարզ չէ, ինչքան փորձում ենք մենք հասարակացնել: Միգուցե պետք է հետո՞ միանա՝ ստեղծելու մի նոր ալիք: Ո՞վ գիտե:

   Եվ այս ամենից հետո ես մնում եմ իմ կարծիքին՝ դե Լեւոնը լավն է էլի, լավը...

   Հ.Գ. Երեւի հասկացաք, որ վերադարձել եմ, բայց Սեւանի հետեւանքները մնացել են՝ գարեջուր, խեցգետին ու առողջությունը քայքայող այլ բաներ…

   Վաղն աշխատանքային օր է, շուտ կքնեք:

1. Քաղաքացի

   03-08-08 • 23:26 PM

   61

   Ադմին ջան, շատ շնորհակալ եմ մեկնաբանություններիդ համար, բայց որ Ամատունին արդեն շատ վաղուց դեմագոգիայով է զբաղվում, դա գրեթե բոլորի համար փաստ է` անկախ նրա ու իմ քաղաքական հայացքների տարբերություններից:

   Ինչ վերաբերում է քո 3-րդ մեկնաբանությանը, ապա ասեմ, որ նախ զարմացած եմ քո այդ դատողության վրա, ու հետո էլ հավելեմ, որ իմ ասածը պարզապես նշանակում է, որ դեմագոգիան խանգարում է իրական քայլերին. առնվազն դա իմ կարծիքն է, որը չի նշանակում որ այլ կարծիքներ չեն կարող գոյություն ունենալ: Օր. կարող ենք նույն հաջողությամբ կարող ենք ասել, որ դեմագոգիան օգնում է գործին, ինչպես Տիգրան Սարգսյանի պարագայում, պարզապես տվյալ դեպքում գործը դա շոուն է:

   Իսկ ընդհանրապես բոլորին կոչ եմ անում անհանդուրժողական լինել դեմագոգիայի հանդեպ, և չտրվել դրան ամեն կերպ պատասխանելու գայթակղությանը:

1. Ազիան

   03-08-08 • 23:30 PM

   62

   կրկնում եմ թիվ 54-ի խնդրանքս

   Ադմինի կողմից. ոնց որ արեցի, չէ՞

   Հիմա էլ առաջվանը չէ 54 -ը’ 53 է դարձել:
   Ոնց՞ են փոխվում ժամանակները...)

   Գրածներիդ հետ, բացի վերջին 4 տողերի , համամիտ եմ:
   Լավ է Սևանից եկար, թե չէ մեկի նկատմամբ հարգարժան բլոգերների կույր սերը այնքան էր խոր,որ իմ գրած ,,անձ,,-ը ,,տանձ,, էր կարդացվում ու այդպես էլ թարս մեկնաբանվում:Մեռա գրելով. ,,Տեսնելով չեք տեսնում,,:
   Որպես վերջաբան, գոնե 2-րդ անգամ անրադառնամ բուն թեմային: Իսկապես ...Ամեն սեւ չի, որ նեգր է……(կամ սև է երևում)
   Որպես եզրահանգում...Ասա ով՞ է ընկերդ,ասեմ ով ես:
   Ինչ լավ է,որ Աստված աշխարհը բազմազան է ստեղծել:Այլապես շուրջը կխավարեր միահեծան գորշությունից:Լավ է Սևանից եկար:

   Հ.Գ-Հիմա արմեն ինչ իր տեղում է’ Գնացի քնելու(հուսով եմ չեն մեղադրի դավաճանության մեջ):
   Սիրենք զ’միմյանց:

1. ALIS

   04-08-08 • 00:10 AM

   63

   Ողջույն բոլորիդ, տեսնում եմ այստեղ շատ երկար քննարկվում ու քննադատվում են թե´ նախկին, թե´ ներկա իշխանւթյունները:
   Ինչ վերաբերում է նախկիններին ու իրենց սխալներին, այդ ասին խոսում են արդեն 10 տարի, ես կարծում եմ, որ քննադատությունը պետք է լինի Ժամանակին, թե չէ դառնում է վատ սովորություն կամ բնավորություն, կամ Ժամանակի կորուստ:
   Ի՞նչ են անում՝Ժողովրդավար երկրներում իշխանությունն ու ընդիմությունը, ամեն ինչ շատ պարզ է իշխանությունը աշխատում է, ընդիմությունն էլ կրնկակոխ հետևում է, թե ինչ սխալ պետք է անի իշխանությունը, որ քննադատի, դրա արդյունքում շահում են բոլորը:
   Ի՞նչ ենք անում մենք, այսօրը թողաց, երեկն ենք փորփրում, դրանով պետք է զբաղվեն արդեն մասնագետները,իսկ մենք պետք է առաջ գնանք:
   Ինչ վերաբերում է Տեր-Պետրոսյանին, կարծում եմ նրանից լավ իր սխալներին մասին ոչ ոք չգիտի, ես հուսով եմ ,որ նա գալիս է ամեն ինչ շտկելու:

1. ALIS

   04-08-08 • 00:15 AM

   64

   Խնդրում եմ թողած բառը ուղղել :

1. Ազիան

   04-08-08 • 01:43 AM

   65

   Ողջույն բոլորիդ, տեսնում եմ այստեղ շատ երկար քննարկվում ու քննադատվում են թե´ նախկին, թե´ ներկա իշխանւթյունները:
   Ինչ վերաբերում է նախկիններին ու իրենց սխալներին, այդ ասին խոսում են արդեն 10 տարի, ես կարծում եմ, որ քննադատությունը պետք է լինի Ժամանակին, թե չէ դառնում է վատ սովորություն կամ բնավորություն, կամ Ժամանակի կորուստ:
   Ի՞նչ են անում՝Ժողովրդավար երկրներում իշխանությունն ու ընդիմությունը, ամեն ինչ շատ պարզ է իշխանությունը աշխատում է, ընդիմությունն էլ կրնկակոխ հետևում է, թե ինչ սխալ պետք է անի իշխանությունը, որ քննադատի, դրա արդյունքում շահում են բոլորը:
   Ի՞նչ ենք անում մենք, այսօրը թողաց, երեկն ենք փորփրում, դրանով պետք է զբաղվեն արդեն մասնագետները,իսկ մենք պետք է առաջ գնանք:
   Ինչ վերաբերում է Տեր-Պետրոսյանին, կարծում եմ նրանից լավ իր սխալներին մասին ոչ ոք չգիտի, ես հուսով եմ ,որ նա գալիս է ամեն ինչ շտկելու:

   Սիրելի ALIS այդ մտքերիդ հետ լիովին համամիտ եմ: Սխալները, եթե ժամանակին չեն շտկվում հիվանդությունը խրոնիկական է դառնում:Հիմա Հայաստանի առջև ծառացած է հսկայական բարդություններ’ արտաքին մարտահրավերները:Ոնց՞ ենք դրա տակից դուրս գալու…

1. F5-admin

   04-08-08 • 02:30 AM

   66

   >> իմ ասածը պարզապես նշանակում է, որ դեմագոգիան խանգարում է իրական քայլերին. առնվազն դա իմ կարծիքն է, որը չի նշանակում որ այլ կարծիքներ չեն կարող գոյություն ունենալ:

   Լրիվ համաձայն եմ: Բայց, Քաղաքացի ջան, չէ՞ որ նույն դեմագոգիայի մեջ էլ կարող եք մեղադրվել դուք: Այլ կերպ ասած՝ ինչո՞վ է Ամատունու ասածը՝ դեմագոգիա, իսկ Ձերը՝ ոչ:

   Միգուցե մի հատ առանձին մեկնումեկս թեմա բացենք դեմագոգիայի մասին: Ի՞նչ է այն, ինչպե՞ս է արտահայտվում, որո՞նք են դրա կյանքի կոչելու ձեւերը եւ այլն… որից հետո միգուցե բոլորիս էլ պարզ կդառնա, թե ով-ով է:

   Թե չէ բռնել ասել՝ Վահանը (կամ ասենք՝ ես) դեմագոգ ենք, իսկ դու (կամ Փիլիսոփան) դեմագոգ ատող անտի-դեմագոգ, այդքան էլ ճիշտ չի:

   Անձամբ քեզ ճանաչելով, չեմ ասում՝ ապացուցիր որ դու ինքդ դեմագոգ չես: Ինչպես հասկացել ես արդեն, ես ամեն ինչ փորձում եմ դիտարկել եւ քննարկել անձերից դուրս: Նույնն էլ վերաբերում է այս քննարկմանը:

1. Philosopher

   04-08-08 • 02:46 AM

   67

   Բարեւ ձեզ խորհրադվոր բարեկամներ…

   Պետք է միմիայն ցավով նշեմ, որ այս բլոգում, որը իմ կարծիքով ավելի ռեալ մի դաշտ պետք է ստեղծեր` ինքն իրենով, չի ստացվում բանավիճել այնպես, որ այդ բանավեճի արգասիքը, որը կարող էր հանդիսանալ մի լուրջ արդյունք, կհասներ թե’ իշխանության թե’ ընդդիմության վերին օղակներին, եւ մի ինչ որ լավ բան կլիներ մեր երկրի համար:
   Եվ գուցե մեկ անգամ եւս կրկնեմ, բայց ասեմ, որ մենք խոսում ենք սոսկ խոսելու համար: Այլ ոչ թե որեւէ արդյունքի հասնելու համար:
   Եվ այդ ամենը նմանվում է “պրոֆեսիոնալ” վարչապետ Տիգրան Սարգսյանի եւ մյուս չինովնիկների խոսքերին թե պետք է, անհրաժեշտ է.... էլ չգիտեմ իներ, որոնցից այն կողմ գործը առաջ չի գնում: Դրանք բառեր են, բառեր, բառեր.... իսկ արդյունքը մեկն է. ժողովրդի ճնշված վիճակը (Ալիկ Արզումանյանի դեկտեմբերի 8-ի հանրահավաքային խոսքից ցիտատ էր):
   Թեեւ մեղադրեցի թե’ ձեզ, թե’ ինձ այդպիսի բանավեճ վարելու համար, սակայն պետք է կրկին ներքաշվեմ այդ “կաթսայի” մեջ եւ փորձեմ կառուցել սեփական խոսքս` ձեր վրիպումների հիամն վրա.... Ահա,փաստ, որ ընդդիմությունը ուրախանում է իշխանության սխալի համար: Հանգիստ օգտագործեք որպես կոմպրոմատ...

   Ադմինի խոսքերից…

   Նախ, մի ընկեր ունեմ, որը մոլի Շարժման ակտիվիստ է

   Արդեն ուղղել եմ, դարձրել եմ «Շարժման մոլի ակտիվիստ»: Հարցս այն է, թե հո միտքը չե՞մ աղավաղել: Կարո՞ղ է պետք է լիներ «մոլի Շարժման»:

   Ադմին, պետք է զգայիր, որ արագ գրելով, եւ դրա հետ մեկտեղ մտքերս իրար խառնվելով, բառերի գտնվելու վայրը պարզապես շփոթել էի: Կաշխատեմ այդպիսի անհարմարություն չպատճառել: Պարզապես նշեմ, որ երբ գրած երկար է ստացվում, ոնց որ այ էս մեկը, էլ ոչ մի ցանկություն չեմ ունենում վերընթերցելու:

   Փաստորեն պիտի Էքսպո-ցուցահանդեսով ներկայացնե՞ր: Բա իսկական «տարածն» այն է, որ մենակ դու գիտես ու չես թիթիզանում չտեսների պես:

   Բայց արդյոք արժեր այդպես պատասխանել իմ գրածին: Լավ, ենթադրենք Լևոնը կերել,կերել ու էլի “լիքը” կերել է: Բարեկամ, դու պետք է փաստ ունենաս այդ մեղադրանքը հնչեցնելու համար: Կրկնեմ, հայտնի ֆիլմի “пасть” - ի պատմությունը? Չէ, երեւի այժմ պետք չէ…

   Ամնե ինչ այնքան էլ պարզ չէ, ինչքան փորձում ենք մենք հասարակեցնել: Միգուցե պետք է հետո՞ միանա՝ ստեղծելու մի նոր ալիք: Ո՞վ գիտե:
   

   Ես լոկ մի փոքրիկ ենթադրություն եմ արել, եւ ոչ ավելին: Թե ինչ կլինի, կտեսնենք… ժամանկլը ամեն ինչ դնում է յուր տեղը....
   

   Եվ այս ամենից հետո ես մնում եմ իմ կարծիքին՝ դե Լեւոնը լավն է էլի, լավը…

   Ադմին, դու “Բեռնարդ Շոուն” ողջ շաբաթ նայում ես երեւի.... Լավ չի.... շատ մի նայիր, կարող ա վնաս տա....

   Հ.Գ. Երեւի հասկացաք, որ վերադարձել եմ, բայց Սեւանի հետեւանքները մնացել են՝ գարեջուր, խեցգետին ու առողջությունը քայքայող այլ բաներ…

   Ադմին ջան, ոչ միայն հասկացանք, այլեւ զգացինք ողջ անցուդարձը, ինչի միջով այսօր դու անցել էիր:
   Հանգստացիր.... Գիշերը շատ ուշ մի քնիր....

   Ամատոնու խոսքերից…

   Լավ է Սևանից եկար, թե չէ մեկի նկատմամբ հարգարժան բլոգերների կույր սերը այնքան էր խոր

   Եթե մեկ ասելով նկատի ունես Լևոն Տեր-Պետրոսյանին, ապա չարաչար սխալվում ես: Ահա, թե ինչու ոչ մի պրոբլեմ չի էլ լուծվի: Փոխանակ լուրջ թեմայից զրից վարեք, խոսում եք կույր սիրուց, խոսում եք հոգեխանգարմունքից, խոսում եք ատելությունից եւ չգիտեմ էլ ինչերից.... Ցավը բուժեք բարեկամներ, ցավը… Թե չէ Առաջին Հանարպետության բախտին կարժանանաք, եւ հետո կբղավեն պատմաբաննները, թե թուրքը կերավ մզի… Էլ չեն ասի, որ Հայը հային կերավ....

   Սիրելի ALIS այդ մտքերիդ հետ լիովին համամիտ եմ: Սխալները, եթե ժամանակին չեն շտկվում հիվանդությունը խրոնիկական է դառնում:Հիմա Հայաստանի առջև ծառացած է հսկայական բարդություններ’ արտաքին մարտահրավերները:Ոնց՞ ենք դրա տակից դուրս գալու…

   Բա ՀԱմաժողովրդական Շարժման պայքարը ինչի համար է???

   Ինչ լավ է,որ Աստված աշխարհը բազմազան է ստեղծել:Այլապես շուրջը կխավարեր միահեծան գորշությունից:

   Դե, եթե կարող էր շուրջդ խավարել գորշությունից ինձնից ,Քաղացաուց,Սկսնակից, եւ լավ էր որ Ադմինն էլ Սեւանից եկավ, ապա այլեւս ես խնդիր չունեմ որեւէ բանավեճ վարելու…

   Սիրենք զ’միմյանց:

   Սիրելուց խոսելով չեն սիրում… Զգացմունք է պետք....Այլ ոչ թե դատարկ բառեր, բառեր, բառեր…

   Հ.Գ. Ասեմ, որ արդեն Տեղադրել եմ Արզումնյանի ելույթը YouTube-ում եւ ահա այցելելով այս էջը, կարող եք տեսնել.... Առաջին մասը արդեն արել եմ, այժմ երկրորդն եմ փորձում, եւ հուսով եմ կհաջողվի…

1. Ազիան

   04-08-08 • 15:40 PM

   68

   Է’, Philosopher չխոսել չի լինում:ՈՒրեմն այս անգամ էլ խոսենք խոսելու համար:

   Բարեւ ձեզ խորհրադվոր բարեկամներ…

   նախ գիշերվա հազարին (04-08-08 • 01:46 AM) բարևել,այն էլ խորհրադվոր կերպով:

   Ադմին, պետք է զգայիր, որ արագ գրելով, եւ դրա հետ մեկտեղ մտքերս իրար խառնվելով, բառերի գտնվելու վայրը պարզապես շփոթել էի:

   Էդ մարդը հո 1000 զգայարաններով չի օժտված: Շատ էլ սիրալիր նա բացատրել է.
   Արդեն ուղղել եմ, դարձրել եմ «Շարժման մոլի ակտիվիստ»: Հարցս այն է, թե հո միտքը չե՞մ աղավաղել: Կարո՞ղ է պետք է լիներ «մոլի Շարժման»:

   ենթադրենք Լևոնը կերել,կերել ու էլի “լիքը” կերել է: Բարեկամ, դու պետք է փաստ ունենաս այդ մեղադրանքը հնչեցնելու համար: Կրկնեմ, հայտնի ֆիլմի “пасть” - ի պատմությունը? Չէ, երեւի այժմ պետք չէ…

   Բա որ չի կերել էդ ո՞նց ըտենց տներ սարքեց (էդ բամբասանքի լեզվով):Այն էլ էն ժամանակ, կամ Վանոն էդ ,,հոնդաները,, ում փողերով բերեց: Այն ժամանակ ԱՊ Հ-ի մեջ, ըստ վիճակագրության Լևոնը համարվում էր ամենահարուստ նախագահը:

   Ցավը բուժեք բարեկամներ, ցավը… Թե չէ Առաջին Հանարպետության բախտին կարժանանաք, եւ հետո կբղավեն պատմաբաննները, թե թուրքը կերավ մզի… Էլ չեն ասի, որ Հայը հային կերավ....

   Ըստ քեզ ցավը բուժելը հանրապետությունը տակնուվրա անելն է՞...Գիտես, շատերը դրան համաձայն չեն: ՈՒրեմն մահ նրա՞նց, կեցցե հեղափոխությունը?:

   Բա ՀԱմաժողովրդական Շարժման պայքարը ինչի համար է???

   Համաժողովրդական պայքարը նրա համար է, որ վերականգնենք հին նոմենկլատուրան?,որ բզկտեց,լափեց Հայաստանի ունեցվացքը: Էդ Լևոնի գիտությամբ չէ՞ր,որ ողջ գունավոր մետաղներն ուհղղվեցին Պարսկաստան:Հիմի էլ ասենք կրկին եկեք ու ձեր կիսատ մնացածը կերեք՞…
   Էդ պայքարը դուք չեք սկսել,այդ նրանք են,որ կարոտաբաղձությամբ ուզում են ետ գալ, ձեզ էլ սարքել են գործիք: Հերիք չէ՞ խաբվեք:

   Սիրելուց խոսելով չեն սիրում… Զգացմունք է պետք....Այլ ոչ թե դատարկ բառեր, բառեր, բառեր…

   Վիրտուալ սեր գիտենք, հիմա էլ … Զգացմունք ,բառեր, բառեր, բառեր…
   Գիտես ինչ՞, գոնե մեր այս փոքրիկ դաշտում կարել է սիրալիր ու հարգալից լինել մեկը մյուսի նկատմամբ, վարել կիրթ ու կոռեկտ դիսկուսիա’ պահպանելով տարրական էթիկայի կանոնները:  Գոնե այս մեկը կարող ենք այստեղից սովորել,հետագայում տեղափոխելով ավելի մեծ դաշտ,ասենք Մատենադարանի տարածք:

1. Philosopher

   04-08-08 • 16:59 PM

   69

   Հա, Ամատունի, ճիշտ ես ասում: Չխոսել չի լինում, առանց այն էլ, որ տիպում ես ինձ խոսել:

   Միայն պետք է առանձնացնեմ եւ անպայման նշեմ, որ դու մեզ հետ խոսելիս ցանկանում ես մեզնից լսել քննադատություն նախկին իշխանությունների` Լևոն Տեր-Պետրոսյանի կառավարման տարիները վատաբանող բառեր: Ասեմ, որ լավ չես անում: Կասեմ նաեւ, որ ես այդտեղ խնդիր չեմ տեսնում, եւ կարող եմ նույնիսկ անուն առ անուն նշել բոլոր այն մարդկանց անունները, որոնք պախարակեցին Լեւոնին եւ Անկախության առաջին տարիները: Դեմ չեմ, կասեմ, Վանո Սիրադեղյան, կասեմ Դավիթ Մաթեւոսյան(այժմ դատապարտված է 3 տարի մարտի_1-ի գործով) , Սմբատ Այվազյան, Բաբկեն Արարքցյան..... եւ էլի շատ ու շատերը....
   Բայց անընդհատ այդ մասին թմբկահարելով առաջ չենք գնում բարեկամս: Հասկացանք, որ սրանք վատն են, բայց պետք է նաեւ պայքարել, որ ներկաները չլինեն վատը:
   Հիմա մեր պայքարը նրա համար է, ու բոլոր այդ արտքին խնդիրները լուծենք միայն ի շահ Հայաստանի Հանրապետության: Կհիշես գոնե մի արտաքին հարաբերություններում պարտություն, որը գրանցվել է Լևոն Տեր-Պետրոսյանի իշխանության տարիներին: Այո, հիմա կասես Լիսաբոն: Չեմ վիճի, դա քո համոզմունքն է: ԲԱյց Լիսաբոնից այն կողմ ոչինչ չես կարող թվարկե: ԻՍկ այս իշխանության տարիներին ահագին են.... Չեմ թվարկում, եթե պետք համարես, ապա ասա եւ խոստանում եմ թվարկել:
   Այժմ, դու ցանկանում ես այնպես ցույց տալ, իբր Լևոնը ռեւանշի է ձգտում: Ախր եղբայր, ինչու ենք այսքան փոքրացել? Եթե հիմա Դեմոկրատները ԱՄՆ-ում ցանկանում են նախագահ ունենալ սեփական կուսակցությունից, ապա ինչ է, նրանք ռեւանշիստ են?
   ԿԱսես, ինչ տների մասին է, որոնք իբր պատկանում են Լևոնին: Մի տուն ունի, այն էլ եղել է Խանջյանի տունը, որը պաշտոնաթող նախագահին է տվել Պետությունը:
   Լևոն Տեր-Պետրոսյանին ինչն էր խանգարում, որ կրկին վերադարձավ քաղաքականություն: ՄԱրդը ունի թե’ այգի, թե’ գիտնական է եւ արտասահմանից ստանում է բազմաթիվ հրավերներ.... Հանգիստ կարող էր զբաղվել գիտությամբ: Ինչու եկավ? Եկավ, քանի որ երկիրը գնում է կործանման…

   Եթե կործանում չի, ապա ինչ է սա նշանակում: ԻՍկ սա-ն դա նա է, որ այսօր իմացա մի այնպիսի խայտառակ տեղեկության մասին, որ զարմացա, թե էլ ինչպես պետք է մենք արտաքին հարաբերություններում ունենանք հաջողություն: Սերժ Սարգսյանը օգոստոսի 2-ին Շավարշ Քոչարյանին նշանակել է ԱԳ նախարարի տեղակալ: Բա սա եթե խայտառակություն չի, էլ ինչ է???

   Մնացած խոսքերիդ չեմ պատասխանի,քանի որ շտապ եմ…

   Հ.Գ. Ալիկի ելույթը լսեցիր?

Էջ 1/1 •