ՀԱԿ-ի հրավիրած հանրահավաք ին ելույթով հանդես է եկել «Հանրապետություն» կուսակցության առաջնորդ Արամ Սարգսյանը։

Նա նշել է, որ ընդդիմությունը պայքարի մեջ է մտել ոչ թե պաշտոններ զբաղեցնելու, այլ աշխատելու համար։

«Ինձ համար գոյություն չունեն երկրորդ, երրորդ տեղեր։ Մենք կամ առաջինն ենք, կամ մեր տեղը Մատենադարանն է»,- ասել է Արամ Սարգսյանը՝ նշելով, որ ՀԱԿ-ը մաքրում է Հայաստանի քաղաքական դաշտը։

• 10 մեկնաբանություն

Ինչը որ սպասվում էր… ընտրությունները անցնում են խիստ լարված վիճակում: ՀՀԿ-ն ԲՀԿ-ին է գզզում… Z-տաքսիները ՀՀԿ-ի համար նոր ռեյս է բացել՝ տուն-ընտրատարածք… Մասիվում կրակում են… Էրեբունի-ում Ալրաղացի թիկնապահը ոստիկանությունում արցունքն աչքերին բողոք-դիմում է գրում, որ Հայք-ի լրագրողը հարձակվել ու քացու տակ է գցել իրեն… Փողեր են ֆռֆռում էլ դու սուս (մեր շենքում՝ ամենայն հավանականությամբ, երեկ է բաժանվել)…

Մի խոսքով, լավ չէ: Ու խորհուրդ կտայի լսեք FM 104.1… շատ օպերատիվ կերպով թարմացնում են տվյալները…

• 52 մեկնաբանություն

Այս կիրակի` մայիսի 31-ին Երևանի ավագանու ընտրության օրն է: Կարիք չկա մանրանալու այն հարցի շուրջ, թե ինչու էր այս ընտրությունը ավելի ավելի պակաս էմոցիոնալ եւ աշխույժ, քան նախագահականը: Երևի ՀԱԿ-ն էլ որ չմասնակցեր, ԲՀԿ-ն էլ այսքան ակտիվություն չէր ցուցաբերի, ու Երևանի ավագանու ընտրությունը իր ակտիվությամբ չէր գերազանցի սովորական տեղային ինքնակառավարման մեկ այլ ընտրության: Այնինչ, այս անգամ ընտրվում է միլիոնից ավելի բնակիչ ունեցող Երևանի իշխանությունը:

• 8 մեկնաբանություն

Ես դիմում եմ այն մարդկանց, ովքեր չեն պատրաստվում գնալ ընտրատեղամասեր և քվեարկել: Կամ նրանց, ովքեր վերցնում են կաշառք և փող, գնում են ընտրատեղամաս և վաճառում իրենց ձայները՝ քվեարկելով իշխանական այն հրեշի օգտին, որի գործարանում են պատսպարվել և հետո հանդերձավորվել մարտի 1-ի սպանդն իրականացնող բանդիտներն ու սեևազգեստ հանցագործները, որոնք բոլորը անխտիր պատասխանատվության են կանչվելու շատ շուտով: Եթե դուք վաճառում եք ձեր ձայնը, ապա դուք կասկածի տակ եք դնում ձեր երեխաների և ձեր ընտանիքի ապագան: 

• 0 մեկնաբանություն

Մայիսի 31-ին տեղի ուենալիք Երևանի ավագանու ընտրություններին մասնակցում են տարբեր քաղաքական ուժեր` իշխանական կուալիցիան, ամբողջ ընդդիմադիր դաշտը, որը նաև համալրվեց «Դաշնակցություն»-ով՝ վերջերս դուրս գալով իշխանական կուալիցիայից: Առաջիկա քաղաքապետի ընտրությունների դերը և նշանակությունը, յուրաքանչյուր քաղաքական ուժ մեկնաբանում է յուրովի, անկախ նրանից, ընդիմադիր է թե իշխանամետ: 

• 10 մեկնաբանություն

Տաս-տասնմեկ օրից ավարտվում է Երեւանի ավագանու ընտրարշավը: Որքան օրերը մոտենում են այս մրցավազքի եզրափակիչ կետին, այդքան իմ մոտ կասկած է առաջանում՝ կարո՞ղ է ասպարեզում մնացել են Գագիկ Բեգլարյանը, Գագիկ Ծառուկյանը, չէ, կներեք, շփոթվեցի՝ Քուշկյանը, եւ, վերջապես, Հեղինե Բիշարյանը: Վերջ: Մյուսները՝ կամ չկան, կամ էլ հրաժարվել են հետագա պայքարից: Այս կասկածն առաջանում է՝ հեռուստաընկերությունների շնորհիվ, ովքեր երկրումս չոբանյաց իրենց պահում են ամենանվաստ ու անպատիվ ստրուկների պես:

• 2 մեկնաբանություն

Կարծում եմ, արժե տեղեկանալ, թե ո՞ւմ եք ընտրելու: Նկատի ունեմ՝ ավագանու թեկնածուների ցուցակները: Ահա այն, ինչ կարողացել եմ գտնել ինտերնետից: Իհարկե, առաջին եռյակը կարեւոր է, բայց մյուսներն էլ պակաս հետաքրքիր դեմքեր չեն լինի:

• Հայաստանի Հանրապետական Կուսակցություն - ցուցակ
• Բարգավաճ Հայաստան Կուսակցություն - ցուցակ
• Հայ Հեղափոխական Դաշնակցություն - ցուցակ
• Հայ Ազգային Կոնգրես - ցուցակ
• Օրինաց Երկիր Կուսակցություն - ՉԵՄ ԳՏԵԼ
• Ժողովրդական Կուսակցություն - ցուցակ
• ՀՍԱԿ - ցուցակ

Եթե չեմ գտել, դա դեռ չի նշանակում, որ տեղեկություն չկա: Այնպես որ, խնդրում եմ օգնեք այս հարցում: Այնպես որ, այս էջը կարիք ունի թարմացման:

• 27 մեկնաբանություն

Ադմինի կողմից. ելնելով հարցի կարեւորությունից, Ժոժոբայի այս մեկնաբանությունը դարձրել եմ առանձին թեմա:

Հարգելիներս կարո՞ղ եք իմ մի հարցի պատասխանել.

Ի՞նչ իմաստ ունի մարդկանց անձնագրերի կրկնօրինակները հավաքելը (ՀՀԿ-ն է արել զինվորական կառույցում աշխատողների շրջանում) կամ էլ` անուն ազգանուն, հասցե ճշտելը (ՕԵԿ-ը):

Այսօր եղբայրս զանգահարեց այս թեմայով, ստիպված չմերժեցի, երբ իմացա, որ դրա դիմաց լավ վարձատրելու են ու պաշտոն են խոստացել, բայց՝ սխալ հասցե տվեցի …

Բայց իմաստը կոնկրետ ՕԵԿ-ի պարագայում չեմ հասկանում, ինչների՞ն է պետք…

• 8 մեկնաբանություն

Ինչքան մոտենում է մայիսի 31-ին տեղի ունենալիք Երևանի ավագանու ընտրությունները, այնքան հասարակության մեջ ծնվում են նորանոր գաղափարներ և մտքեր: Մասնավորապես, հասարակության տարբեր շերտեր շատ են հետաքրքրված այս ընտրություններով, և նրանք այս ընտրությունները չեն դիտարկում որպես սովորական քաղաքային իշխանություն ընտրելու ընտրություններ: Նրանց կարծիքով մայիսի 31-ին քաղաքապետի ընտրությունները նույն 2008թ. նախագահական ընտրությունների 2-րդ փուլն է, որն, այս անգամ ավարտվելու է ՀԱԿ-ի առաջնորդ, ժողովրդի առաջնորդ, առաջին նախագահ Լևոն Տեր-Պետրոսյանի ջախջախիչ հաղթանակով:

• 7 մեկնաբանություն

Հենց նոր ռադիոյով լսեցի Աթիբեկյանի պատասխանը Գագիկ Ծառուկյանին, ու հետո՝ Շանթի Հորիզոնով՝ վերջինս ռեպորտաժը Գագիկ-Ահարոն գռազի մասին:

Շանթը, ինչպես միշտ, փայլեց իր կանացի քնքշությամբ: Ու՝ վախկոտությամբ: Նվերն էլ այս ամենի վկա:

Ու նրանք ցույց տվեցին Ահարոնի հիմնական խոսքի հետ որեւէ կապ չունեցող մեջբերում: Դե դուխ ունեիք, սա հրապարակեիք.

«Պարոն Ծառուկյանն իր ռեստորանային մտածելակերպով վիրավորել է մի գիտություն, որը 20-րդ դարի նվաճումներից է: Կարծում եմ, որ նա չի տարբերում սոցիոլոգին ռեստորանի ռաբիս նվագողներից, որին ցանկացած գումար կարող է տալ եւ իր ցանկացած երգը երգեն: Դա այդպես չէ: Եթե նա այդքան կրուտոյ տղա է, թող «Գելափին»-ին առնի, թող «Գելափը» ապացուցի, այն տվյալները, որ Ծառուկյանը 21-րդ դարի սկզբի լավագույն քաղաքական գործիչն է, նրա կուսակցությունը ամենավարկանիշային է, իսկ Քուշկյանն ամենալավագույն քաղաքապետն է: Թող փորձի, եթե մենք վաճառվող մասնագետներ կամ վաճառվող գիտություն ենք»,- այսօր «Ա1+»-ին ասաց Ահարոն Ադիբեկյանը:

Իսկ իրենք ինչ-որ մի ԲՀԿ-ականի ցույց տվին, որը, ամենայն հավանականությամբ, մի ինչ-որ ինստիտուտ ավարտած տղա էր ու իրեն դրել էր փիլիսոփայի տեղ:

Ցավալի է, բայց փաստ, որ ինչ-որ չի կարելի անել փողով, կարելի է անել շատ փողով: Իսկ Գագիկը դրանից դեռ չի բողոքում:

• 6 մեկնաբանություն

Չգիտեմ, թե ինչն է պատճառը, սակայն վերջերս սկսել եմ ուշադրություն դարձնել այն հանգամանքին, թե կուսակցություններից ով ինչչափ, ինչ խորությամբ եւ ինչ ազնվությամբ է սիրում, հարգում, պաշտում ու կուռք դարձնում իր նախագահին:

Ստորեւ ներկայացնում եմ իմ դիտարկումները: Ու սկսում եմ, ըստ իմ չափորոշիչների (սկսած քամակ մտնելուց՝ մինչեւ իսկապես հարգել-սիրելը):

ԲՀԿ > OԵԿ > ՀՀԿ > ՀԱԿ

Դե, դաշնակներին չեմ նշել, որովհետեւ այդպես էլ գլխի չընկա՝ նրանք ունե՞ն առաջնորդ, թե՞ ոչ:

• 15 մեկնաբանություն