Մի քանի տարի առաջ տուն էի գնում: Երկար փնտրտուկներից հետո ընտրանքիս մեջ թողեցի միայն 2 բնակարան, եվ ինչպես միշտ նման դեպքերում լինում է - չգիտեի, թե որ տան վրա կանգ առնեմ: Չեմ էլ հիշում, թե ինչպես կատարեցի ընտրություն եվ որոշեցի գնել նրանցից մեկը: Տան տերը պնդում էր, որ իր բնակարանը xxքմ² մակերես ունի վկայականով, բայց քանի որ իրենք հետագայում բնակարանը մեծացրել են, ապա իրականում + 4 քմ² է, որն էլ նրա պնդմամբ տան առքուվաճառք անելուց անպայման կատարվող չափագրման ժամանակ կավելացվի ընդհանուր մակերեսին:  4 քմ² դա քիչ տարածք չէ, եվ կենտրոնի բնակարանների պարագայում ամեն մի քմ² արժե մոտավորապես 1000 ԱՄՆ դոլար: Դե ես էլ հավատալով տան տիրոջը որոշեցի գործարքը կտուրն չգցել եվ այդ օրն երեկոյան բեհ տալ եվ պայմանագիր կնքել /կամ ինչպես իրավաբանորեն ճիշտ կոչվում է - «Նախավճարի պայմանագիր»/:

• 0 մեկնաբանություն

Երկու նորվեգացի էքստրեմալներ որոշել են խախալ ճակատագրի հետ: Տեսեք թե ինչ են անում այս երկու ***-ները՝ ազատ անկում սարի գագաթից /չմոռանանք, որ նման անկման դեպքում առաջին հերթին հարկավոր է պայքարել օդային հոսանքների հետ/:

Վայրը՝ Նորդֆորդի շրջակայքում, Ստրյուն, Նորվեգիա - Stryn, Norway

• 0 մեկնաբանություն

Կարծես թե վերնագրում ամեն ինչ ասել եմ:

17-րդ տեղ - Արտաշես Գեղամյան
18-րդ տեղ - Խոսրով Հարությունյան
19-րդ տեղ - Հայկ Բաբուխանյան

Նկարները դիտմամբ չեմ դնում՝ քանի որ պատրաստվում եմ հաց ուտել:

Հ.Գ. Զի քո է արքայությունը… ամե՜ն

• 4 մեկնաբանություն

Վերջերս գիտնականները առանձնացրել են այն 5 տեսակի երազները, որոնք վկայում են մարդու հոգեկան առողջության որոշակի խնդիրների մասին: Մասնավորապես, երազատեսության մասնագետ Լորի Քուին Լեւենբերգը հայտարարել է, որ տարբեր բնույթի երազներից որոշները կարող են վկայել հոգեկան անկայունության մասին:

• 4 մեկնաբանություն

Խոսքս նոր հիվանդության մասին չէ, այլ՝ Երեւանի օդանավակայանի: Գործի բերումով երկրորդ գիշերն անընդմեջ անցկացնում եմ մեր օդանավակայանում, ու առիթ ունեցա շփվելու եւ հերթական անգամ զզվելու մեր բարքերից ու տիրող իրավիճակից: Այսօր էլ պատահաբար տեղեկացա, որ Երեւան-Մոսկվա չվերթ կատարող ինքնաթիռն ինչպես է մի կերպ շրջանցել հնարավոր աղետը, ու հիշեցի իմ՝ օդանավակայանի հետ կապված տպավորությունների մասին:

• 1 մեկնաբանություն

Կարծում եմ, բոլորդ տեղյակ եք օրերս Նուբարաշենի բերդից 2 ցմահ ազատազրկվածների հաջողված փասուստի դեպքից: Գիտեք նաեւ, որ նշանակվել էր ծառայողական քննություն:

Արդյունքում՝

ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 02.12.2009 Թ.  N 27-Ա հրամանով` Նուբարաշեն քրեակատարողական հիմնարկի պետ Ա. Աֆրիկյանը 2009 թվականի դեկտեմբերի 3-ից ազատվում է քրեակատարողական ծառայությունում զբաղեցրած պաշտոնից

ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 02.12.2009 Թ.  N 299-Ա հրամանով` Նուբարաշեն քրեակատարողական հիմնարկի պետի պարտականությունների ժամանակավոր կատարումը 2009 թվականի դեկտեմբերի 3-ից դրվում է Հայաստանի Հանրապետության արդարադատության նախարարության քրեակատարողական վարչության անվտանգության ապահովման բաժնի պետ Վ. Եղիազարյանի վրա:

Թվում է, թե սովորական նշանակումներ են: Սակայն հետաքրքիր է դառնում, երբ մի քիչ խորանում ենք: Հատկապես, երբ “զննում ենք” կողքից, առանց որեւէ նախատրամադրվածության` սրբացնելու կամ մեղադրելու մեկնումեկին:

• 13 մեկնաբանություն

Հենց նոր հեռուստատեսությամբ տեսա, թե ինչպես Հայաստանում Եվրոպական շարժում անունով կազմակերպությունը պատվավոր անդամ (կամ նախագահ, լավ չլսեցի) շնորհեց Գագիկ Ծառուկյանին, քանի որ վերջինս նպաստում է Հայաստանում եվրոպական արժեքների զարգացմանը:

Отсюда мораль - կարեւորը եվրոպական արժեքները չեն, կարեւորն այն է, թե մարդ ինչքան փող ունի…

• 6 մեկնաբանություն

Օրերս Թբիլիսիում էի: Իհարկե, չկորցրեցի նման առիթը՝ անձամբ տեսնելու, զրուցելու թբիլիսեցիների հետ եւ պարզելու Վրաստանի մայրաքաղաքում առկա քաղաքական եւ այլ իրավիճակների մասին:

• 9 մեկնաբանություն

Բան չմնաց, փաստորեն…

Ինգան ու Անուշը հոյակապ են, երգն էլ, ըստ իս, նորմալ է ընտրված: Որ ձայներ կլինեն տարբեր երկրներից` չեմ էլ կասկածում: Թեեւ կորցրեցինք մի 10 միավոր` ի դեմս չմասնակցող Վրաստանի, սա լավ չէ: Նաեւ կա հանձնաժողով` ի դեմս Կիրկորովի: Քաղաքականությունը, ինչպես միշտ, այստեղ էլ կունենա իր ազդեցությունը:

Իսկ ով որ միանգամից չի հավանում Ինգայի եւ Անուշի երգը, ասեմ, որ պետք է լսել մի քանի անգամ: Առաջին անգամ կարող է դուր չգալ, սակայն կրկնակի լսելուց` լրիվ հավանական է:

Այնպես որ, տեսնենք, թե ինչ տեղ կզբացեցնենք:

Հ.Գ. Ինձ դուր է եկել նաեւ
- Մալթայից` Chiara
- Ֆինլանդիայից Waldo’s People
- Շվեդիայից` Malena Ernman
- Իսլանդիայից` Yohanna
Ի միջի այլոց, այս անգամվա երգերն ավելի որակով են, քան նախորդները:

• 27 մեկնաբանություն

Աֆրիկյան Գամբիա պետության նախագահ Յայի Ջամմեն արդեն մի քանի շաբաթ է, որ երկրում «վհուկների ու կախարդների» դեմ իսկական որս է սկսել: Իսկ որսը, կարելի է ասել, տեղի է ունենում բառի բուն իմաստով: Բոլորովին վերջերս անհայտ հանգամանքներում մահացել է Ջամմեի մորաքույրը, ու վերջինիս մահվան մեջ նախագահը մեղադրում է «վհուկներին ու կախարդներին»: Ուստի հոգեկան խնդիրներ ունեցող նախագահը որոշել է Գվինեայից «վհուկների որսորդներ» հրավիրել ու բռնել երկրի բոլոր վհուկներին ու պատժել: «Amnestly International» իրավապաշտպան կազմակերպության տվյալներով, վերջին օրերին Ջամմեի հրամանով վհուկների որսորդներն ու հատուկ ծառայությունների աշխատակիցները ներխուժել են տարբեր գյուղեր, առևանգել վհուկների ու կախարդների հատկանիշներ ունեցող մոտ հազար մարդու, նրանց տարել նախագահի մոտ: 

- Կարդալ ամբողջ տեքստը-»»   

• 0 մեկնաբանություն

Նոր ընթերցում էի Վրաստանի անհավասարակշիռ նախագահի կարծիքը մեր հանրապետության տնտեսության վերաբերյալ:

«Հայաստանի տնտեսությունը ողբալի վիճակում է, քանի որ կախման մեջ է գտնվում Ռուսաստանից»:

Իսկ ի՞նչ կարծիք ունեք դուք՝ ինքներդ: Հետաքրքիր է պարզապես: Բացահայտեք Ձեր տնտեսագիտական գիտելիքները:

• 8 մեկնաբանություն

Այս նամակը ստացել եմ այսօր, որը եւ ցանկանում եմ ներկայացնել Ձեր ուշադրությանը:

Ի՞նչ կը նշանակէ Հայ ըլլալ

1. Երկրի մը մէջ ծնիլ, ուրիշ երկիր մը ապրիլ, տարբեր երկրի մը մէջ մեռնիլ և չորրորդ տեղ մը թաղուիլ:
2. Բազմաթիւ լեզուներ խօսիլ, սակայն ոեւէ մէկ կատարեալ չգիտնալ, մանաւանդ հայերէնը:
3. Անաստուած ըլլալու իսկ պարագային, եկեղեցի յաճախել, կրօնական արարողութեանց հետեւիլ բան մը չհասկնալով:
4. Եկեղեցիի մը թաղական ըլլալ, առանց անոր օրէնքները ճանչնալու:
5. Խոնարհ ըլլալ օտարներու հանդէպ և գոռոզ՝ իր ազգակիցներուն:
6. Ապրիլ օտար երկրի մը մէջ հայրենիքի կարօտովև հայրենիքի մէջ՝ օտար երկիրներ երազելով:
7. Ողբալ հայերէն լեզուին նահանջին, բայց տան մէջ օտար լեզուով խօսիլ:
8. Ընկերային դիրքը բարձրանալուն զուգահեռ հայութիւնը մոռնալ, զայն յիշել միայն երբ ծերութեան դուռը հասնի:
9. Ունենալ արեւելահայերէն և արեւմտահայերէն, երկու ուղղագրութեամբ:
10. Օտար լեզուով խօսիլ, հայերէն աղօթել, թրգերէն երգել և հայհոյել: 

Այս անստորագիր ասացուածքները քաղած եմ տարիներ. առաջ. ուզեցի զանոնք թերթին յանձնել նկատելով անոնց այժմէականութիւնը, անշուշտ միշտ յարգելով բացառութիւնները:

Ատրինէ Գաբրիէլեան

• 0 մեկնաբանություն

Հարգելիներս,
հաշված ժամեր են մնացել նոր՝ 2008 թվականին:

Ի սրտե շնորհավորում եմ բոլորիս եւ ցանկանում առողջություն, խաղաղություն եւ հաջողություններ: Թող 2008-ը մեզ բերի երջանկություն եւ միայն առաջխաղացում՝ մեզ, մեր ընտանիքներին եւ մեր ընկերներին: 

• 0 մեկնաբանություն

Մի քանի օր անընդմեջ հեռուստատեսությամբ ցույց են տալիս հանրահայտ Sytem of a Down-ի կատարումներից մեկը: Գիտեմ, որ այս ռոք խմբի տղաները բոլորն էլ հայ են ու որ վերջերս նրանք ժամանել էին Հայաստան եւ Արցախ: Հեռուստատեսությամբ ցուցադրվող տեսահոլովակը խմբի ըստ երեւույթին պոպուլյար կատարումներից մեկն էր (Chop Suey!), որի բառերը ես գտել եմ ինտերնետից, սակայն լիարժեք չեմ կարողանում թարգմանել հայերեն: Միգուցե դուք օգնեիք?

Ահա բառերը. 

• 4 մեկնաբանություն

Ողջույն տղաներ եւ աղջիկներ: Կներեք, որ չէի երեւում: Երեւանում չէի եւ կտրվել էի ամեն ինչից: Վերադարձել եմ 2 օր առաջ: Կցանկանայի իմանալ, թե ինչպե՞ս անցկացրեցիք “ամառային արձակուրդները”:

Սկսեմ հենց ինձնից: Հայաստանից բացակայել եմ 2 շաբաթով: Ծովում չէի: Ոչ էլ հանգստյան տանը կամ պանսիոնատում եմ եղել: Հեռու էլ չէի՝ մի քիչ վերեւ էի բարձրացել: Թբիլիսիում էի՝ քեռուս տանը: Շատ հիշարժան օրեր չեն եղել, որ Ձեզ պատմեմ: Իհարկե, քաղաքը համարյա նույնն էր (անցյալ տարվա հետ համեմատած), Երեւանի նման մասսայական շինարարություն չկար, իսկ ժողովուրդն էլ, չէի ասի, որ ավելի գոհ են, քան երեւանցիները: Զգացվում է ռուսներին չսիրելու հիստերիկ պահվածքը, սա էլ երեւի իրենց ղեկավարներից է գալիս: Դե ես ինքս վրացերենին լավ չեմ տիրապետում (մի քանի ստանդարտ բառ միայն), եւ թբիլիսցիների հետ ռուսերեն շփվելիս զգում էի, որ նրանցից շատերը հասկանում են ինձ, սակայն կարծես թե վախենում են ռուսերեն պատասխանել:

Քուռը, սրճարանները՝ նույն անցյալ տարվանը: Շատ փոփոխությունների չհանդիպեցի:

• 4 մեկնաբանություն

Հարգելի F5 բլոգի այցելուներ, եթե ունեք առաջարկություն (ներ) կապված F5 բլոգի հետ, խնդրեմ, գրեք այստեղ:

Ձեր երկխոսությունը ինձ հուշեց, որ կարելի է ավելացնել առանձին մի բաժին՝ F5-բլոգի անդամների “թափանցիկ” շփման համար (դե, “թաքնված” խոսակցությունների համար կարող էիք օգտվել անձնական նամակագրությունից): Ձեր կարծիքները, փլիզ:

Իհարկե, երկու ձեռքով կողմ եմ, Ձեր ասած «թափանցիկ» խոսակցությունների համար բացված բաժինը, ոչ միայն ցանկալի, այլև անհրաժեշտ է:

Հիմա անցնեմ Քո հետքերով-ի (դե չի հնչում, էլի, խորհուրդ կտամ սա դարձնել Ձեր ստորագրությունը) առաջարկությանը՝ հույզիկների վերաբերյալ: Ինքս դեմ եմ, թեեւ այդ հնարավորությունը կա: Ինչո՞ւ. որ չվերածվի ֆորումի, որտեղ ավելի շատ ծիծաղիկներ կան, քան բառեր: Թեեւ որ բոլորովդ ցանկանաք, ես էլ գուցե մտափոխվեմ:

Այս մասին ի՞նչ կասեք, հարգելի բլոգի անդամներ: 

• 3 մեկնաբանություն