Ուրախությամբ տեղեկացա նախ A.S.-ի մեկնաբանությունից, այնուհետեւ՝ А1plus-ից, որ Րաֆֆի Հովհաննիսյանի գլխավորած «Ժառանգություն» կուսակցությունը փետրվարի 19-ին սատարելու է Լեւոն Տեր-Պետրոսյանի թեկնածությունը:

Այսպիսով. «Ժառանգությունն» իր ընտրողներին կոչ է անում. «Պետության եւ ժողովրդի շահերը սպասարկելուն կոչված ապագա նախագահի ընտրություններում ձեր որոշիչ ձայնը տվեք ՀՀ նախագահի թեկնածու Լեւոն Տեր-Պետրոսյանին»:

• 1 մեկնաբանություն

Հայաստանի լավագույն երգիչներն ու երաժշտական համույթներն արժանացել են 2007 թ.-ի ազգային երաժշտական մրցանակներին:

Նախօրեին Հայաստանի հանրային հեռուստաընկերության (ՀՀՀ) ուղիղ եթերում հեռարձակվում էր հինգրերորդ ամենամյա մրցանակաբաշխությունը: Ինչպես արարողության ժամանակ հայտարարել է հաղորդավար, Հանրային ռադիոյի տնօրեն Արմեն Ամիրյանը, այս տարի առաջին անգամ մրցանակներ էին շնորհվում ոչ միայն փոփ-երաժշտության բնագավառում, այլ նաև ջազի, դասական, ազգային և ազգագրական երաժշտության ոլորտներում:

• 1 մեկնաբանություն

Ինչպես ճիշտ նշում է echannel-ը, այսօրվա հանրահավաքը ամենաբազմարդն էր նախընտրական շրջանում հրավիրված հավաքների շարքում:



Տեսահոլովակի բնօրինակ

• 17 մեկնաբանություն

Խնդրում եմ, դիտեք այս հոլովակները եւ ականատեսը եղեք Արտաշատի 06.02.08 իրադարձություններին, որոնց մեղավորը եւ հրահրողը իբր թե Լեւոն Տեր-Պետրոսյանն էր եւ նրա թիմը:

Տեսահոլովակի բնօրինակը

• 1 մեկնաբանություն

Այսօր Ազգային Ժողովում, պատասխանելով “Ժառանգություն” խմբակցությունից Զարուհի Փոստանջյանի այն հարցին, թե ինչու են մարդկանց պարտադրաբար բերում վարչապետի նախընտրական հանրահավաքներին, Ս.Սարգսյանը բառացիորեն տվել է այսպիսի պատասխան.

...բա եթե իրենց կամքով չեն գալիս, բա ո՞ւմ կամքով են գալիս, ուրիշների՞: Կարող եք փորձել, հանդիպել այդ մարդկանց հետ, տեսնել՝ ոստիկաններից կամ զինվորականներից ցեպ, շղթա կա՞, որ այդ մարդկանց պահում է…

Խնդրեմ՝ պարտադրված հանրահավաքներին մասնակցող միամիտ ժողովուրդ: Խնդրեմ՝ Ձեր թեկնածուի շնորհակալությունը Ձեր՝ այդ հանրահավաքներին մասնակցելու օրերին նախորդած վախին, ներկա-բացակային, ընդհանուր լարվածությանը, դրսում կանգնած տեղներդ մրսելուն ու “Առաջ Հայաստան” կոչերին:

Ասեմ չնեղանաք, ինչ-որ մի տեղ Սարգսյանը ճիշտ է ասում. ԴՈ՛ՒՔ ԵՔ ՄԵՂԱՎՈՐ, ԵՎ ՈՉ ԹԵ ՁԵՐ ՂԵԿԱՎԱՐՆԵՐԸ…

• 2 մեկնաբանություն

Ու ո՞վ է կազմակերպիչը: Ի՞նչ եք կարծում: Սերժ Սարգսյանի նախընտրական շտաբի ղեկավարի եղբորորդին՝ Ջոնիկ Աբրահամյանը: Դե արի ու մի ասա՝ այ մկներ, մկնդեղի հոտ եք առել, իրա՞ր եք խառնվել:

Կարդում ենք A1+-ում:

[15:03] 06 Փետրվարի, 2008

Այսօր Արարատի մարզի Արտաշատ քաղաքում ՀՀ Առաջին նախագահ Լեւոն Տեր-Պետրոսյանի նկատմամբ իրականացվել է մահափորձ. նրա ուղղությամբ է նետվել հսկայական սառցե կտոր. բարեբախտաբար առաջին նախագահը չի վնասվել: Փոխարենը նրա անվտանգության ծառայության պետի տեղակալն է մարմնական լուրջ վնասվածքներ ստացել. նախնական տեղեկություններով՝ կոտրված է նրա ծնոտը:

• 1 մեկնաբանություն

Հետաքրքիր դիտարկում է արձանագրել «Ժամանակը»: Տերը՝ Սերժ Սարգսյանը, այսպես է բնութագրում իր ծառային՝ Արտաշես Գեղամյանին, 5 տարի առաջ:

Դիտարկենք Արտաշես Գեղամյանի հայտարարություններն ու հնարավորությունները: Նա խոսում է այն մասին, թե Ռոբերտ Քոչարյանը երկիրը մասնատում է, տանում կործանման, ավերում, ոչնչացնում է եւ այսպես շարունակ` առաջարկելով փրկել այն:

Բայց եկեք նայենք իրականությանը: Նախ` վերջին տասը տարիների ընթացքում Ա.Գեղամյանը բազմիցս փոխել է իր դիրքորոշումը: Ժամանակին ՀՀՇ-ի երդվյալ թշնամին էր, բայց բոլորն են հիշում, թե մի քանի ամիս առաջ ինչպիսի ռեւերանսներ էր անում նույն ՀՀՇ-ին: Նմանապես ժամանակին Վազգեն Սարգսյանի երդվյալ հակառակորդն էր, բայց հիմա նույնպիսի ռեւերանսներ է անում: Մենք հստակ հիշում ենք, թե որքան ջերմ խոսքեր էր Ա.Գեղամյանն արտասանում Ռ.Քոչարյանի մասին եւ ընդամենը 2000թ. մայիսից հետո սկսեց խոսել նախագահի դեմ: Ինչու՞. բոլորին է հայտնի:

Հեռու չգնանք. ներկայիս խորհրդարանում Արտաշես Գեղամյանը ղեկավարում է մի փոքրաթիվ խմբակցություն, որի անդամները նախագահական ընտրություններին սատարում են երեք տարբեր թեկնածուների: Այսինքն` նա չի կարողանում ղեկավարել տասը հոգու, բայց հավակնում է կառավարել երկիրն ու ժողովրդին:

Նույն Ա.Գեղամյանը, փաստորեն, ցանկանում է դառնալ նաեւ երկրի զինված ուժերի գլխավոր հրամանատար` ոչ միայն չունենալով որեւէ փորձ, այլեւ ժամանակին բանակային ծառայությունից խուսափած լինելով:

Սերժ Սարգսյան, «Հայոց աշխարհ», 10 փետրվարի 2003թ.

• 0 մեկնաբանություն

Ժող ջան, կարդում եմ ձեր գրածները եւ զարմանում, թե ինչու եք այսքան էմոցիաներով լցվել: Ախր ամեն ինչ այնքան պարզ է դառնում, երբ որ նայում ենք թվերին:

Լավ, սկսենք տրամաբանել միասին: Մեր սկզբնական թիվը Հայաստանի ընտրողների ընդհանուր թիվն է, որը, եթե չեմ սխալվում, կազմում է 2 միլ 200 հազարի:

Հայաստանի նման երկրում սովորաբար քվերակությանը մասնակցում են ընտրողների ոչ ավելի, քան 70 տոկոսը: Քանի որ ընտրողների մի մեծ մասսա (ոնց որ ես) Հայաստանում չեն, եկեք վերցնենք հենց իմ ասած 70%-ը:

Այսպիսով, փետ 17-ին կունենանք 2.200.000 x 70%= 1.540.000 քվե

Հիմա անցնենք ամենակարեվոր մասին: Բոլորդ դժգոհում եք Սերժ Սարգսյանից այն բանում, որ նա օգտագործում է իր բոլոր լծակները ու ադմինիստրատիվ ռեսուրսները: Ավելի վատ Ձեզ համար

Քաղաքականության մեջ սենց աքսիոմա կա. Հայաստանի նման երկրներում, եթե ընտրությունների ժամանակ կիրառվում են ադմինիստրատորական լծակներն օգտագործելու ուժերը, ապա կարելի է հաստատ ասել, որ ընտրողների 27-33%-ը մեխանիկորեն, ակամա կամ նպատակասլաց ընտրելու է այդ ուժերը գործադրող պաշտոնյաին, մեր դեպքում՝ վարչապետ Սարգսյանին: Հասկանում եք, չէ՞, թե խոսքն ինչի մասին է. ԲԱՆԱԿ, ՍՊԱՅԱԿԱՆ ԿԱԶՄ, ՄԻՆԻԱՍՏՐՈՒԹՅՈՒՆՆԵՐ, ՕԼԻԳԱՐԽՆԵՐ ԻՐԵՆՑ ԱՇԽԱՏԱԿԻՑՆԵՐՈՎ, ՄԱՔՍԱՅԻՆՆԵՐ, ՀԱՐԿԱՅԻՆՆԵՐ… մնացածը թողնում եմ Ձեզ:

Ենթադրենք, թե մեր վարչապետը խիստ բարի է, կամ էլ՝ շտաբը լավ չի աշխատում, ու ընդամենը… 15%-ն է իր 100%-ոց ընտրազանգվածը (այսինքն, մի 10-15% скидка արեցի):

Այսպիսով, փետ 17-ին Ս.Սարգսյանը ՀԱՍՏԱՏ ՈՒՆԻ 1.540.000 x 15%= 231.000 քվե
Տակը մնաց՝ 1.540.000 - 231.000 = 1.309.000

Անցանք առաջ: Հիմա անցնենք հիմնական ձայն բերողներին: Ասեմ, որ տոկոսները դնում եմ ենթադրաբար՝ ըստ իմ ունեցած տպավորությունների:

Արթուր Բաղդասարյան, 15%, 1.309.000-ի 15%= 196.350
Վահան Հովհաննիսյան, 15%, 1.309.000-ի 15%= 196.350
Արտաշես Գեղամյան, 10%, 1.309.000-ի 10%= 130.900
Վազգեն Մանուկյան, 7%, 1.309.000-ի 7%= 91.630
Մնացածը՝ 1%, 1.309.000-ի 1%= 13.090
............................
Տակը մնաց՝ 615.230
============

Այս 615.230-ը այն մարդիկ են, ովքեր “արդար ձեւով” իրենց ձայնը տալու են կամ Սերժին, կամ Լեւոնին

• 13 մեկնաբանություն

Արթուր Բաղդասարյանին ու նրա թիմին փետրվարի 3-ին լսելու էին եկել ավելի քան 50000 մարդ:

Եկել էին, եւ ոչ թե բերման էին ենթարկվել: Եկել էին լսելու թեկնածուի խոսքը, այլ ոչ թե երգիչ-երգչուհիներին:

Եկել էին մեկ անգամ եւս ընդվզելու ներկա իշխանություններին:



«Այս հանրահավաքին վաղը կմիանան Լեւոն Տեր-Պետրոսյանը, Րաֆֆի Հովհաննիսյանը, բոլոր այն մարդիկ, որ ուզում են ապրել ազատ, արդար երկրում: Կարեւոր չէ, թե ով ում կմիանա, բայց համախմբումը շատ կարեւոր է… Այս հանրահավաքն ընդամենը մեկնարկն է, եւ հաջորդ հանրահավաքն ավելի հզոր կլինի...»

• 3 մեկնաբանություն

Պարո՛ն Գեղամյան:

(Ես կանխամտածված չեմ նամակս սկսել «Հարգելի» որոշիչով, քանի որ դուք վաղուց արդեն Ձեր իսկ պահվածքով կորցրել եք հարգված լինելու իմ չափանիշները):

Նախ սկսեմ նրանից, որ դուք շատ վատ քաղաքականագետ եք, ուստի ճիշտ կլիներ, որ այս ընտրություններից հետո վերցնեիք Ձեր հասանելիք հերթական կաշառքը եւ այլեւս անհետանայիք մեր կյանքից: Ձեր դեմքը պատռվել էր դեռեւս Ստեփան Դեմիրճյանին դավաճանելու պահին, սակայն այն ժամանակ ես ինչ-որ մի տեղ փորձում էի «հասկանալ» Ձեզ եւ «ընդունել» Ձեր փաստարկների մեծ մասը: Դեռ այն ժամանակ, բնավ չլինելով Ձեր կուսակցության երկրպագուն, ինչ-որ մի տեղ պաշտպանում էի Ձեր նման պահվածքը: Ես էլ էի կարծում, որ պ.Դեմիրճյանը պետք է միանար Ձեզ, եւ ոչ թե դուք՝ նրան: Դե, ես էլ կարող եմ սխալվել…

Այնուհետեւ, այսօրվա պես հիշում եմ Ձեր եւ իմ թեկնածուի՝ Արթուր Բաղդասարյանի հեռուստաբանավեճը, որտեղ իբր թե «դոմինանտը» դուք էիք: Այնպես էիք ոգեւորվել մեր կուսակցության ճգնաժամի համար, որ կարծես դուք էիք պլանավորել եւ իրականացրել: Ցնծության աստիճան տոն էր այդ դեպքը եւ այդ օրը Ձեզ համար: Եռակի ուրախություն էիք ապրում: Մի կողմից հնարավորություն էր ստեղծվել ժողովրդին ներկայանալու Ձեր ճարտասանությամբ, երկրորդը՝ Ձեզ էլ էին անմիջականորեն ներգրավվել ՕԵԿ-ի «կործանման» բուն գործընթացին, այսինքն՝ «բանի էին դրել» «վերեւներում», եւ, վերջապես, «փող էր կպել»: Ւմանալով, թե այդ օրերին Արթուր Բաղդասարյանը ինչ հոգեկան ընկճված պահեր է ապրում, «դանակավորվել էիք» եւ ընկել «մեյդան»: Այդքան է, հա՞, Ձեր մակարդակը, այդ են, հա՞, պապերդ ու ծնողներդ քեզ սովորացրել: Իսկ չեք լսե՞լ երբեւէ այսպիսի բառեր՝ «կարեկցանք», «օժանդակություն», «օգնության ձեռք»: Եթե քաղաքականությունից մի քիչ հասկանայիք, ոչ թե նյութապաշտ լինեիք, այդ հաղորդումը կօգտագործեիք ու կշնորհավորեիք Արթուրին՝ ինքնամաքրվելու կապակցությամբ:

• 0 մեկնաբանություն