Հայաստանում կա 7000, Ռուսաստանում՝ 45 000 հայ թմրամոլ - Հա, ո՞ր
2009թ. Հայաստանում գրանցվել է 1740 թմրամոլ, որոնցից 12-ը կանայք են (թմրամոլների պաշտոնական թիվը որոշվում է ըստ բուժման համար դիմածների թվի)։ Այս մասին լրագրողերին տեղեկացրեց «Սոցիոմետր» կենտրոնի նախագահ Ահարոն Ադիբեկյանը, միաժամանակ, նշելով, որ այս տարի թմրամոլների թիվը կրկնապատկվել է։ Ասուլիսին, սակայն, նա ներկայացրեց միայն 2009թ. տվյալները։
Սոցիոլոգը նկատեց, որ թմրամոլների թվի ավելացման միտումը պայմանավորված է նրանով, որ թմրամոլներն ավելի ազատ են դարձել թմրամիջոց օգտագործելու հարցում։
Ներկայացնելով նաև ոչ պաշտոնական տվյալներ՝ Ադիբեկյանը հայտնեց, որ Հայաստանում կա 7000 թմրամոլ, որոնցից երկու տասնյակը կանայք են։ Tert.am-ի հարցին ի պատասխան, թե ո՞ր թմրամիջոցներն են ամենաշատը օգտագործվում Հայաստաում, նա նշեց՝ մարիխուանան, իսկ, օրինակ, ֆինանսապես կայացած մարդկանց շրջանում գործածվում է ափիոնը և կոկաինը։
Նա նաև հայտնեց, որ Հայաստանում շատ են տարածված «կոաքսիլ» անվանմամբ դեղը, որի մեկ հաբի արժեքը 250 դրամ է. «Դա լավ պաղպաղակի գին է»։ Նա նկատեց, որ այդպիսի թմրամիջոց օգտագործող մարդուն ամսական հարկավոր է 15 հազար դրամ։
Ըստ Ադիբեկյանի՝ թմրամիջոցները Հայաստան են հասնում Միջին Ասիայից և Ադրբեջանից։ Նա նաև հայտնեց, որ Ռուսաստանում հայազգի թմրամոլների թիվը 45 հազար է։
Նշենք, որ ՄԱԿ-ի պաշտոնական տվյալներով թմրամիջոցների տարեկան շրջանառությունը ամբողջ աշխարհում կազմում է 400 մլրդ դոլար։ Աշխարհում մարիխուանա է օգտագործում 142 մլն մարդ, սինթետիկ թմրամիջոցներ՝ 30 մլն մարդ, կոկաին՝ 13 մլն, իսկ հերոին և օփիում՝ 8 մլն մարդ։
----
Աղբյուր
---
Էս ամեն ինչ շատ լավ է, մենակ մի բան չեմ հասկանում, Ադիբեկյանը ուր, թմրամոլությունը ուր՞.
Մեկ այլ բան է սոցիոլոգինա, մեկ այլ բան պաշտոնական տվյալներն թմրամոլության մասին, եվ լրիվ ուրիշ բան ... իրական պատկերը.
2009թ. Հայաստանում գրանցվել է 1740 թմրամոլ, որոնցից 12-ը կանայք են (թմրամոլների պաշտոնական թիվը որոշվում է ըստ բուժման համար դիմածների թվի)։ Այս մասին լրագրողերին տեղեկացրեց «Սոցիոմետր» կենտրոնի նախագահ Ահարոն Ադիբեկյանը, միաժամանակ, նշելով, որ այս տարի թմրամոլների թիվը կրկնապատկվել է։ Ասուլիսին, սակայն, նա ներկայացրեց միայն 2009թ. տվյալները։
Մի բան չեմ հասկանում, երբվանից է Ադիբեկյանը դարձել հայաստանի գլխավոր նարկոլոգ, կամ ասենք նարկո. դիսպանսերի շեֆ /ինչքան գիտեմ փաստացի նույն մարդն է/. Ես լավ պատկերացում չունեմ սոցիոլոգիա գիտության մասին, բայց ինչքան ես եմ հասկանում ...պաշտոնական տվյալներ ներկայացնելն իրենց պարտականությունների մեջ չի մտնում. Չնայած, եթե այս երկրում պաշպանության նախարարն է հայտարարում ՍՊԻԴ-ի դեմ դեղամիջոցի ստեղծման մասին, ապա հանգիստ «Սոցիոմետր» կենտրոնի նախագահը կարող է հայտարարել թե ինչքան հայաղգի թմրամոլ կա Ռուսաստանում, կամ ասենք Ուկրաինայի, Դնեպրոպետրովսկի մարզի Նովոմոսկովսկ քաղաքում.
Եթե չեմ սխալվում այս կայքում մի քանի նարկոլոգ, կամ հարակից մասնագիտությունների բժիշկներ կային.
Սկսնակ, եթե չեմ սխալվում .. .դու՞ էլ սկսնակ նարկոլոգ էիր.
Հը՞, ասելու բան չունեք, այս թեմայով.
