«Որոգայթ» հայտնի հեռուստասերիալի նկարահանումները շարունակելու հետ մեկտեղ՝ սերիալի ռեժիսոր Ռոման Մուշեղյանը նկարահանում է նոր գեղարվեստական կինոնկար, որը կոչվելու է «Աղոթք»։ Ինչպես մամուլի ասուլիսի ժամանակ հայտնել է Մուշեղյանը, կինոնկարի սյուժեի հիմքում ընկած է երեք երիտասարդ կանանց պատմությունը, ովքեր սպանել են իրենց երեխաներին։
«Այդ խնդիրն արդեն կարծրացել է մեր հասարակությունում»,- նշել է ռեժիսորը՝ հավելելով, որ որպես նյութ նա օգտագործում է իրավապահ մարմինների կողմից տրամադրված տեղեկատվությունը։ Բացի այդ, կինոնկարի ստեղծման համար ռեժիսորը ծանոթացել է նման իրական դեպքերի հետ և զրուցել կալանավորված կանանց հետ։
Մուշեղյանը հայտնել է, որ կինոնկարի գլխավոր դերերում հանդես կգան Յելենա Բորիսենկոն, Նազենի Հովհաննիսյանը և Անի Բայաթյանը։
---
«Տեքստն ամբողջովին արտատպված է tert.am օնլայն պարբերականից»
