9 մեկնաբանություն

1. F5-admin:
   03-09-07 • 04:16 AM

   Ողջույն, Sureyan
   Առաջարկդ խիստ հետաքրքիր է եւ օգտակար: Մնում է՝ մի քանի հոգի միանան: Ես, քանի որ խիստ զբաղված եմ, իմ վրա եմ վերցնում վերջին՝ 13-րդ գլխի թարգմանությունը եւ թարգմանված ամբողջ վիպակի խմբագրությունը: Եթե նույնիսկ որոշենք վերջում տպագրել՝ ապա QuarkExpress-ով տպագրական վիճակի հասցնելը:

   Մինչեւ ժողովուրդ կհավաքվի, խնդրում եմ պատասխանել՝ ինչ ես կարծում, այս գործերն անել բլոգի սահմաններո՞ւմ (առանձին բաժին բացել) թե ոչ: Առաջինը լավ է այնքանով, որ թարգմանված գլուխները կամ բաժինները տեսանելի կլինեն բոլորին եւ բոլորն էլ կարող են մասնակցել թարգմանչության գործին, տառասխալների ուղղմանը եւ այլն: Թե՞ յուրաքանչյուրը վերցնի մի բաժին եւ ըստ ժամանակացույցի թարգմանի:

   Մյուսներին ասեմ, որ վիպակն ինքը մեծ ծավալ չի զբաղեցնում: MS Word-ում, 12 տառաչափով եւ սովորականից լայն լուսանցքներով (margin) կազմում է 55 էջ: Ստացվում է՝ 11 հոգի՝ յուրաքանչյուրը 5 էջ (կամ՝ 5 հոգի՝ 11-ական էջ, որն ավելի հավանական է, թեեւ ամեն ինչ կախված կլինի ցանկացողների թվից):

   Ովքեր ցանկանում են կարդալ «Մերոնք» գործը, համեցեք Մերոնք: Իսկ այստեղից կարող եք ստանալ (download) նույն գործի Word տարբերակը (zip, 110կԲ):

   Մի նկատառում՝ Դովլատո՞վ, թե՞ Դովլաթով:

   Խոսքս ավարտեմ հեղինակի խոսքերից մեկով, որը նոր հայտնաբերեցի Sureyan-ի նշած կայքում եւ մի պահ մտածեցի, թե ինչ լավ կլիներ, որ այսպես մտածեին մեր շրջապատի մարդիկ ու նաեւ՝ մենք:

   Մահից ավելի ահավոր է՝ վախկոտությունը, փոքրոգիությունը եւ դրանց անմիջապես հետեւող ստրկությունը:

   Բա չարժե՚՞ այս տողերի հեղինակի գործերից գոնե մեկն ունենալ հայերեն:

   Մի բան էլ մտքովս անցավ. միգուցե դիմենք Գրողների միությո՞ւն (քանի ձմեռ չի եկել ու սաղ Ծաղկաձոր չեն հեռացել)՝ գուցե մերոնցից մեկն արդեն թարգմանե՞լ է կամ թարգմանո՞ւմ է: Չլինի այնպես, որ նույն գործը 2 անգամ անենք:

1. Democrat:
   03-09-07 • 21:32 PM

   Այսօր հետաքրքիր հոդված հանդիպեցի “ժամանակում”: Նվիրված էր վառամեռիկ Դովյաթովի 65-ամյակին, որը կլրանար այս օրերին:

   Նրա պատմությունը` տխուր արտադրական թեմայով, որտեղ միեւնույնն է` տասը քայլից երեւում էր զարմանալի ոճը, մեկ օր տպագրվել էր «Յունոստ» ամսագրում: Ես նույնիսկ հիշում եմ գրական ամսագրի այդ համարը, որը մեծ տպաքանակ ուներ: Տեքստի վերեւի մասում տեղադրված էր հեղինակի լուսանկարը. երիտասարդ մարդու գեղեցիկ դեմք, այն ժամանակ առանց ֆիրմային մորուքի, որի պատկերում, համաձայն ազգանվան, իսկապես արեւելյան ինչ-որ բան կար:

   Շատ հետաքրքիր հոդված է այս հեղինակի մասին: Շարունակությունը այստեղ:

   Ես ինքս թարգմանությունից հեռու եմ, բայց մարդ կճարեմ Ձեզ օգնելու համար՝ ինքը կամ կգրանցվի F5-ում, կամ էլ ես կուղարկեմ նրա mail-ը:

1. Sureyan:
   04-09-07 • 08:00 AM

   Շնորհակալություն արձագանքների համար:
   Հարգելի դեմոկրատ, հոդվածը իրոք լավն էր:
   Թեպետ “Ժամանակը” մի փոքր սխալվում է, ս.թ. սեպտեմբերի 3-ին կլրանար Դովլաթովի 66 ամյակը:

   մեկ նախադասության մեջ տեղավորված բառերի սկզբում տառային կրկնությունների բացակայությունը

   ` այս մասին գրված է “Սերյոժա Դովլաթովի դանակը” Մ. Վելլերի գործում, բայց ֆրազի վերաբերյալ. ինքս ստուգել եմ մի քիչ` իրոք որ զարմանալի աշխատասիրությամբ Դովլաթովին հաջողվել է դա:
   F5admin, հատուկ շնորհակալություն:
   Համաձայն եմ նաև, որ Դովլաթով:
   Գրողների միության հետ կկապվեմ:
   

   իմ վրա եմ վերցնում վերջին՝ 13-րդ գլխի թարգմանությունը

   ` շատ լավն էր:
   Առայժմ սպասենք այլոց արձագանքներին:

1. hhovhannes:
   05-09-07 • 23:14 PM

   ո՜նց եմ սիրում այստեսակ հայկական խոսակցությունները… միյան խոսում ենք… իսկ ովքե՜ր են խոսացողները… կարծում եմ աշխարհի ամնեզբաղված մարդկանցից են նրանք… ի՞նչ ասեմ…
   իմ հայերենի իմացությունը ինձ թույլ է տալիս, իհրակե, ինչ-որ չափով միանալ այս գործին… բայց մի բան կարող եմ հաստատ ասել… եթե մի քանի հոգով թարգմանենք… ապա չեմ կարծում, որ հաջող կստացվի… փորձե՛նք…

1. F5-admin:
   05-09-07 • 23:43 PM

   Բարեւ, hhovhannes, պարզ է, որ ճիշտը կլիներ, որ թարգմանիչը մեկը լինի: Բայց էդ 1-ին որտեղից գտնենք:

   Հ.Գ. համ էլ բարով ես եկել

1. Grigoryan:
   15-10-07 • 17:08 PM

   Ես էլ միգուցե կարողանամ միանալ: Միշտ էլ ցանկացել եմ որևէ գեղարվեստական գործ թարգմանել հայերեն:
   Ոնց է լինելու բաժանումը:

1. Sureyan:
   16-10-07 • 00:51 AM

   Հարգելի Գրիգորյան:
   Շնորհակալություն հետաքրքրության համար:
   Մինչև նոյեմբերի 15ը ցանկացողների հավաքագրումն է:
   Այնուհետև կբաժանենք, իհարկե հաշվի առնելով նաև Ձեր ցանկությունը:
   Ու եթե կարելի է հետագա կապի համար Ձեր էլ. փոստը ասեք կամ գրանցվեք այս բլոգում կամ գրեք ինձ grigartem[at]yahoo.com հասցեով:

   Լավագույն մաղթանքներով,
   Սուրեյան

1. F5-admin:
   16-10-07 • 03:34 AM

   Նախ՝ողջունենք Գրիգորյանին: Ողջույն:

   Հետո ասենք Sureyan-ին. դուք կարող եք օգտվել անձնական նամակագրությունից, թե չէ, իզուր տեղը Ձեր Ձեր yahoo-ն դարձնելու եք աղբաման՝ spam-երի համար: Լավ, ուղղելն իմ վրա:

   Եվ վերջում. հիշեցնեմ, որ վերջին գլուխը ես պիտի թարգմանեի, այնպես որ հանկարծ նույն մասը մի քանի հոգի չթարգմանեն

1. Grigoryan:
   16-10-07 • 09:57 AM

   Շնորհակալություն ողջույնների համար):

Ձեր կարծիքը գրառեք այստեղ (միայն գրանցված անդամների համար)

-վերեւ-