127 մեկնաբանություն

1. Jojoba:
   28-03-09 • 03:02 AM

   նաեւ՝ «Վերվարածների» շնորհիվ

   Եթե առաջ նայվում էր, ապա հիմա նույնիսկ երեխաներս չեն նայում… ահավոր անիմաստ է դարձել եւ կատարյալ ապուշություն:

   Իմ կարծիքով հիմա դա ավելի շատ իջեցնում է նրանց ալիքի վարկանիշը, քան ուրիշ բան:

   Ւստ իս, «Վերվարածների» սցենարիստին պետք է ամորձահատել:

1. F5-admin:
   28-03-09 • 03:18 AM

   է՜հ.. ինչից ես խաբար… իսկ դու գիտե՞ս, որ մի քանի ամիս առաջ Արմենիա-ով ամենառեյտինգային սերիալ-ը Հարեւանուհիներ-ն էր…

1. Philosopher:
   28-03-09 • 15:21 PM

   Թեև ամբողջովին անցում արեցիք ապաքաղաքական թեմայի ու մի թեմա ընտրեցիք, որը սահմանափակ է ինքնին, բայց ես էլ ներկայացնեմ նվաստիս տեսակետը սույն վիճահարույց հարցի կապակցությամբ:

   Նախ՝ Ադմինի հետ համամիտ չեմ:

   Իսկապես, «Վերվարածներն» արդեն իրոք չի նայվում. սպառել է իրեն ու վերջ: Կարելի է սյուժեն առաջ տանել, բայց դրա սցենարիստը չի կարող: Նախ՝ թե՛ «Որոգայթի», թե՛ «Վերվարածների» սցենարիստը նույն մարդն է, ինչը գցում է թե՛ մեկի, թե՛ մյուս ֆիլմի արժեքը: Այսինքն «մեծ մամեի» մասին գրող մարդը չի կարող առանց բարդույթի նստի ու գրի «գողական» կյանքի մասին: Մի տեսակ աքսիոմա է ստացվում:

   Հիմա. ո՞վ է Ռուդոլֆը…

   Նախ՝ չեմ կարծում, թե դա Ռաֆոն է: Դա մի մարդ է, ով ներկա էր Երեմի կազմակերպած հավաքին՝ Հովիկի հյուրին չխանգարելու համար: Դա է ապացուցում ձայնը փոխող սարքի հայտնաբերումը Վարդանի կողմից:

   Մալխասն էլ չի. նա իր եղբոր գլխին նման խաղեր չէր խաղա:

   Մի քիչ լեքսիկոնը նման է Երեմի խոսելաոճին, բայց հակված չեմ մտածելու նրա ուղղությամբ:

   Իսկ որ ավելի հավանական է, կարծում եմ՝ դա կամ Մհերն է, կամ Կարոն: Վերջինը, ի դեպ, քիչ մը ավելի հավանական է:

   Բայց ոնց որ ջուր ենք ծեծում. հավանաբար, նույնիսկ սցենարիստը չգիտի, թե ով է լինելու Ռուդոլֆը:

1. F5-admin:
   28-03-09 • 16:02 PM

   >> Նախ՝ Ադմինի հետ համամիտ չեմ:
   Իսկապես, «Վերվարածները» արդեն իրոք չի նայվում. սպառել է իրեն ու վերջ…

   Հարգելի Philosopher, սա իմ կարծիքը չէ (իհարկե, լավ կլիներ, որ դա լիներ միայն իմ ու, ընդհանրապես, սակավաթիվ մարդկանց կարծիքը):

   Հենց ցավն էլ նրանում է, որ ես ներկայացրի ընդամենը փաստ՝ հիմնված ռեյթինգային ցուցանիշների վրա:

   Որպեսզի համոզվես, զանգահարիր «Շանթ» ու հարցրու, թե ի՞նչ արժե գովազդային տեսահոլովակի տեղադրումը այսպես կոչված փրայմ-ժամերին (17:00-00:00), ու, հարցրու նաեւ նույն մեկ րոպեի արժեքը «Վերվարածի» ընթացքում, այլ հաղորդումների ընթացքում: Իսկ այդ գները հիմնված են այս կամ այն հաղորդման ռեյտինգի, այսինքն՝ դիտող մարդկանց թվի գործակցի վրա:

   ԱՆՑՆԵՄ ԲՈՒՆ ԹԵՄԱՅԻՆ

   Այն, որ Ռուդոլֆը Հովոյի թիկնապահների մեջ մարդ ունի, դա հաստատ է, չէ՞: Իսկ չի կարո՞ղ նույն այդ Ռուդոլֆը Երեմի տանն էլ մարդ ունենա: Կարող է, չէ՞: Ու այդ մարդը չի կարո՞ղ նման ապարատը գցել գետնին՝ հանդիպումից առաջ, որպեսզի բոլորի մեջ խառնի բոլոր խաղաթղթերը: Սա իմ կարծիքն է:

   Բայց ոնց որ ջուր ենք ծեծում. հավանաբար, նույնիսկ սցենարիստը չգիտի, թե ով է լինելու Ռուդոլֆը:

   Դու ճիշտ ես: Ես էլ եմ այն կարծիքին, որ սցենարիստը ինքն էլ մինչեւ վերջ չգիտի իրադարձությունների ելքը: Դե, ջուր ենք ծեծում, բա ի՞նչ ենք անում: Ուղղակի, նման զրույցները թույլ կտան մի քիչ լիցքաթափվել քաղաքական սպասվող թեժ մայիսից:

1. Jojoba:
   28-03-09 • 16:41 PM

   Հովոն լրիվ պատահականորեն մեզ հարեւան է…
   Իսկ մեր հարեւանությամբ մեկ պավելիոն /կիսախանութ, կիսաբուդկա - 24 ժամյա/ կա, որից հարեւանության մեծ մասն օգտվում է ... …

   Մի քանի օր առաջ ծխախոտ գնելուց ներկա եղա մի խոսակցություն, երբ վաճառողուհին պատմում էր, որ վերջերս մի օր հարցրել են Հովոյին -«Իսկ ով է Ռուդոլֆը» ... եվ պատասխանը /որի իսկության համար ես հանձն չեմ առնում/ եղել է.

   -Երկար գցել-բռնելուց հետո որոշինք Երեմի վրա բարդել ...

   Նկատեցիք, ոչ թե սցենարիստն է որոշել, կամ արդեն որոշված է, այլ սաղով նստել - գցել -բռնել են, թե ով լինի ...

   Մի խոսքով, եթե 4-5 ամիս հետո պարզվի, որ դա Երեմն է /եթե մինչ այդ նրան չհրավիրեն Արեմենիա-ով «Բարի գիշեր մանուկներ» վարելու/, իսկ 6 ամիս հետո, երբ նա ամեն դեպքում համաձայվի այդ հեռանկարային առաջարկին, եվ Թամարը հանձ առնի Երեմի դերն… Ապա հեչ չեմ զարմանա.

1. Jojoba:
   28-03-09 • 16:59 PM

   Ի միջայլոց մեկ շաբաթ առաջ Երկիր Մեդիայով ֆիլմ էին ցուցադրում /ուշ գիշերով/, ինչ որ մի ֆրանսիական ֆիլմ:

   Ամենածիծաղալին այդ ֆիլմը չէր, որն ի դեպ կոմեդիա չէր, այլ ֆիլմ՝ առօրյա կյանքի մասին /եթե հիշում եք առաջ պրոկատներում այդ ֆիլմերը նշվում էին ռուսերեն Ж տառով - ԱԿԱ -жизненный/, այլ զարմանալին հայերեն թարգմանությունն էր…

   Դա մի խայտառակություն էր: Ես հասկանում եմ, որ դա արված էր դիտավորյալ, բայց արդյոք կար իմաստ:

   Չլինելով գողական կամ հայաթի տղերքի մասին ֆիլմ, այն ամբողջոցին թարգմանված էր առօրյա խոսակցական ժարգոնով՝

   Ըտենց
   Որդուց
   Խոսումա, գնումա .. հելնումա

   Չեմ հասկանում, ինչո՞ւմն է սրա իմաստը: Եթե, ասենք, սյուժեն էր դա պահանջում, ապա միանշանակ չեմ համաձայնվի…

   Երբվանի՞ց է առօրյա մարդկային կյանքն պահանջում այդչափ ժարգոն:

   Հա, ես էլ հաճախ ժարգոնով եմ խոսում, /այստեղ երբեմն դիտավորյալ եմ նույնիսկ օգտագործում/, բայց ոչ ամբողջ օրը:

   Օրինակ, խանութում, տրանսպորտում ես չեմ փորձում «դոդիկային աստիճանի» մաքուր հայերեն օգտագործել, բայց հաստատ փիս ժարգոնի մեջ էլ չեմ մտնում /որն, ի դեպ, այս կայքում հաճախ եմ օգտագործում/:

   Մի խոսքով պատկերացրեք՝

   Հ2-ով մի հատ ապուշ հաղորդում կա, որ վերցնում եմ դրսի ֆիլմեր կամ մուլտեր եւ փորձում հայերեն թարգմանել՝ նպատակ հետապնդելով հումորային երանգ տալ կամ ապուշություն դարձնել:

   Կարծեմ Առլեկինո է կոչվում /Մադագասկար մուլտն եմ նայել. ոչինչ ծիծաղելի էր, չնայած չէի ասի, որ ողջունելի, ամեն դեպքում թույլ չտվեցի, որ իմ անչափահաս երեխաները նայեն/:

   Դե, հիմա պատկերացրեք ՆՄԱՆ ստեղծագործության եւ Ոռոգայթի միջինը: Մոտավորապես այսպիսին էր այս ֆրանսիական Ж ֆիլմի թարգմանությունը.

   Ի դեպ, նույնիսկ ժանրին, որոգայթում քիչ թե շատ պահպանվում է նորմալ հայերենը /եթե հաշվի չառնենք գողական երեւալու համար որոշ դերասանիկների բերանը ծռմռելը, որը փոքր երեխաներն են լավ ընդօրինակում/

   Հիմա հարց՝ եթե փող չունեք կամ շնորք, արժե՞ թարգմանել ֆիլմը «նման հայերեն»: Ի դեպ ֆիլմի վերջում է նույնիսկ չամաչեցին եւ գրեցին՝
   Թարգմանությունը Մեդիա չգիտեմ ինչի ...

   Էշին քեռի կանչե՜ք

1. Philosopher:
   28-03-09 • 19:10 PM

   Նկատեցիք, ոչ թե սցենարիստն է որոշել, կամ արդեն որոշված է, այլ սաղով նստել - գցել -բռնել են, թե ով լինի ...

   Այսինքն, մեզ մոտ՝ Հայաստանում, չի կարող կինոն զարգանալ, երբ նախապես գծված սցենարով չէ, որ ֆիլմն առաջ է գնում: Նախորդ օրը նստում ու նյութ են գրում: Այո, հենց սա է հիմնական պատճառը:

   Տեսեք, օրինակ, Ամերկյան ֆիլմերը, հենց սերիալները, ինչ հաջողություն ունեն ու ինչ դինամիկա են պահում: Հենց Ամերիկյան «Փախուստը» (Prison Break): Ես դեռ այդպիսի մակարդակի ֆիլմ չեմ տեսել: Իսկապես, ամբողջովին կոռուպցիան, աշխարհի կեղտն է նկարագրված այդ ֆիլմում: Ամբողջ քաղաքական մերկությունն է բացահայտված: Իսկ դինամիկայի մասին խոսելը արդեն ավելորդ է: Եթե դիտել եք, ապա պիտի նկատած լինեք, որ ամեն րոպեն սերիայի քեզ՝ դիտողին, պահում է լարվածության մեջ:

   Օրինակ նայեք ուրբաթ օրվա սերիան «Որոգայթի»: «Գոքորն» ու «Հովոն» խոսում էին ու պատմում այն ամենը, ինչ մենք բազմիցս լսել էինք, այսինքն՝ հեռուստադիտողը շատ լավ գիտեր մանրամասները, բայց կրկին ասում էին.  դա արդեն ձանձրույթ է առաջացնում:
   Մեր ֆիլմերում շատ բացասակն է նաեւ այն երեւույթը, երբ մի երկու հոգի նստած անմիտ նյութից 10-15 րոպե զրուցում են: Այսինքն՝ ֆիլմը իր հիմնական ուղղությունից ավելորդ ճյուղեր է տալիս, ինչը տվյալ դեպքում բնավ ակտուալ չի: Նույն «Վրիժառուն». կար Գոռի ու Միսակի դստեր հանդիպումը ու ապուշ թեմայի շուրջ զրույցը. «Երեւանը սիրուն է», «խնձոր չեմ սիրում», «շատ է փոխվել մեր քաղաքը» և այլ նմանատիպ հիմարություններ: Սա այն դեպքում անգամ, երբ ֆիլմի հանգույցը այլ է…

   Խիստ բացասակն է, երբ դերասանին ֆիլմից հանում են ոչ թե սցենարով, այլ՝ այլ տեղ տեղափոխվելու համար: Ամերիկյան ու աշխարհի որեւէ լուրջ կոմպանիա չի անի այդպիսի հիմարություն, որի դեպքում կընկնի հենց ֆիլմի վարկանիշը, բայց մեզ մոտ......... ունիկալ ազգ ենք, չէ՞…

   Եվ վերջապես, ֆիլմերը չեն կարող լուրջ զարգացում ապրել, երբ առկախ վիճակում են գտնվում:
   Բերեմ նույն օրինակը ամերկյան «Փախուստի» հետ կապված: Այնտեղ մերկացում կա առ այն, որ աշխարհը կառավարվում է մի կետից, մի կոմպանիայից, և անգամ նախագահներն են հասարակ զինվորներ՝ շախմատային լեզվով «пешка» են: Ու այնտեղ ոչ ոք չի բռնանում ֆիլմի վրա, երբ ներակայացվում է նախագահի կողմից կազմակերպված հովանավորչությունը կոռուպցիայի և մյուս այլ խայտառակ ու ծանր հանցագործությունների վրա:
   Իսկ մեզ մոտ նույն «Որոգայթի» մեջ ներկայացվեց, թե «Զավենը» աշխատում է ԱԱԾ-ի հետ, այն էլ՝ սեփական կամքով: Կներեք, բայց հեքիաթը ամբողջապես մի կառուցեք: Այդպիսի բան չի կարող պատահել: Դա պիտի ներկայացվեր բարձր ղեկավարության անմիջական մասնակցությամբ կառուցված դրվագ, բայց դե ֆլմի հեղինակներն էլ մտածում են, որ հանկարծ սերիալը չփակեն: Ուստի և մեզ մոտ կինոարվեստը հաստատ չի զարգանա, մինչև հարաբերական ազատություն չլինի…

   Հիմա հարց՝ եթե փող չունեք, կամ շնորք -Արդյո՞ք արժե թարգմանել ֆիլմը «նման հայերեն»

   Իհարկե չարժե. Հ1-ի անմակարդակ թարգմանությունները լսե՞լ եք.... ապուշության գագաթնակետն է:

   Այն, որ Ռուդոլֆը Հովոյի թիկնապահների մեջ մարդ ունի, դա հաստատ է, չէ՞:

   Բայց չէ՞ որ դա երեւացել է. «Հովոյի» թիկնապահի «Խչոն» է «Ռոդոլֆի» մարդը. «Ռուդոլֆը» անձամբ էր կապվել նրա հետ:

1. Democrat:
   29-03-09 • 00:51 AM

   Ասեցի՝ բռնեմ ես էլ միանամ այս քննարկմանը, թեեւ ինքս ձեզնից ոմանց նման համոզված եմ, որ իրենք էլ դեռ չգիտեն, թե ով է այս առեծվածային Ռուդոլֆը: Երեւի, ինչպես Ժոժոբան է ասում, կնստեն-կորոշեն, բայց չեմ կարծում, որ Երեմի վրա կանգ կառնեն:

   Եկեք մի քիչ տրամաբանենք: Ռուդոլֆը գիտի շատ բաներ, որ Երեմին էլ հայտնի չէ: Օրինակ այն, որ՝ «Գարիկը վերջերս շատ է ակտիվացել եւ կարող է տապալել բանկի հանձնումը Գոքորին»: Եթե չեմ սխալվում, մոտավորապես այսպիսի բան ասեց Ռուդոլֆը Դավիթին՝ վերջին հեռախոսազրույցի ժամանակ:

   Ուրեմն՝ Ռուդոլֆը լավ ինֆորմացված է, թե «Հովոյենց մայլում» ինչ է տեղի ունենում:

   Սաղ հեչ… բայց չեք պատկերացնի, թե ինչքան է ինձ «դզում» Թաթուլը: Իրոք: Ու դերասանն էլ շատ հաջող է խաղում: Երեւի թե՝ ամենալավը:

1. Մտահոգ:
   30-03-09 • 17:32 PM

   Հետաքրքիր աշխուժություն է տիրում այս թեմայում

   Ինքս չեմ դիտում այս սերիալը, ուստի եւ ձեռնպահ կմնամ որեւէ մեկնաբանություն թողնելուց:

   Իսկ սերիալների իմասով, դեռ «Փախուստ բանտից» ամերիկյան ֆիլմից հետո նորմալ կինոնկարի չեմ հանդիպել: Իսկ «Փախուստ բանտից»-ը դիտել եմ մի քանի օրվա ընթացքում, հիմնականում գիշերները:

1. Jojoba:
   30-03-09 • 19:28 PM

   Ցավում եմ, բայց չեմ դիտել «Փախուստ բանտից», քանի որ նույնիսկ դինամիկ սյուժեյի առկայությանը - չեմ սիրում սերիալներ.

   Ինչու եմ դիտում այդ դեպքում Շանթի սերիալն՞ .. չգիտեմ ...
   հենց պարզեմ ով է Ռուդոլֆը - խոսք եմ տալիս, որ էլ չեմ նայի

1. Philosopher:
   31-03-09 • 00:01 AM

   Իսկ «Փախուստ բանտից»-ը դիտել եմ մի քանի օրվա ընթացքում, հիմնականում գիշերները:

   Սույն ֆիլմը հենց այդպես էլ պիտի նայել, քանզի «Արմենիա» ՏՎ-ով դիտելու պարագայում ճիշտ ընկալում չի լինում: Նաեւ իսկ «Արմենիան» ունի իրավունք սույն ֆիլմը ցույց տալու: Ես չեմ կարծում: Նախ՝ որոշ սերիաներ ցուցադրելու ժամանակ նա ցույց է տալիս միօրինակ թարգամոնթւյամբ, նաեւ եղել են անորակ թարգամնություններ, որոշ սերիաներ էլ Նովաֆիլմի թարգմանությամբ: Ի դեպ, այս մեդիան իսկապես շատ մեծ գործ է անում, հատկապես թարգմանության որակը:

   Ցավում եմ, բայց չեմ դիտել «Փախուստ բանտից», քանի որ նույնիսկ դինամիկ սյուժեյի առկայությանը - չեմ սիրում սերիալներ.

   Խորհուրդ եմ տալիս, որ անպայման դիտես: Ահա լինկերը.
   Սեզոն 1-ին
   Սեզոն 2-րդ
   Սեզոն 3-րդ
   Չորրորդ սեզոնի սերիաներ (շարունակությունը առջեւում է):

   Գիտե՞ս ինչու է պետք դիտել: Ասեմ, որ ես «Փախուստ»-ը դիտում եմ որպես ոչ թե սերիալ, այլ ֆիլմ: Այնտեղ չկա քնարական զեղումներ, ինչպես սերիալներում: Իսկ դիտել միայն արժե դինամիկայի ու հետաքրքրության համար: Կարող է նստես ու նայես ու չզգաս, թե ոնց անցավ էդ 7-8 ժամը: Ժամանակ է եղել, որ Երեկոյան ժամը 7-ից անդադրում դիտել եմ մինչեւ առավոտյան ժամը 5-ը: Չես զգում, թե ոնց անցավ ժամանակը:

   հենց պարզեմ ով է Ռուդոլֆը - խոսք եմ տալիս, որ էլ չեմ նայի

   Շարունակելու ես դիտել, վստահ եղիր....

1. Jojoba:
   31-03-09 • 00:45 AM

   »»»Չորրորդ սեզոնի սերիաներ (շարունակությունը առջեւում է):

   չհասկացա, դեռ չի պրծել՞ ... …-Ճ

   էհ ... չէ, հաստատ չնայեցի .. չեմ սիրում անավարտ վեպեր

1. hovax77:
   05-04-09 • 02:24 AM

   Ի ԳԻՏՈՒԹՅՈՒՆ ԲՈԼՈՐԻՆ.

   «Վերվարածների» սցենարիստը փոխվել ե մոտ մեկ ամիս առաջ.
   Հարություն Ղուկասյանը հիմա միայն աշխատում է «Որոգայթը» սցենարի վրա, իսկ «Վերվարածները» այժմ գրում է Քրիստ Մանարյանը,

   ՍՑԵՆԱՐԻՍՏ

1. hovax77:
   05-04-09 • 02:27 AM

   Թե ով է Ռուդոլֆը, կպարզվի մեկ ամսից…

1. hovax77:
   05-04-09 • 02:28 AM

   Եվ բացի սցենարիսիտց ոչ ոք «չի քցում , բռնում» ... Ի ԳԻՏՈՒՏՅՈՒՆ

1. F5-admin:
   05-04-09 • 03:23 AM

   Հարգելի hovax77,

   նախ, բարով եկաք:

   Շնորհակալություն թարմ տեղեկությունների մասին: Հուսով եմ, միայն այս մեկնաբանության համար չեք գրանցվել եւ մենք Ձեր խոսքը կտեսնենք այլ թեմաներում նույնպես:

1. Marat:
   05-04-09 • 04:36 AM

   hovax77, ողջույն:

   Թե ով է Ռուդոլֆը, կպարզվի մեկ ամսից…

   hovax77, ես մի հարց ունեմ:
   Դե, փաստորեն, պարզ է, որ Ռուդոլֆին մարմնավորել է դերասաններից մեկը: Հարցս այսպիսին է: Եթե հանկարծ Ռուդոլֆի կերպարը մարմնավորող դերասանը (Աստված ոչ անի) հիվանդանա կամ ասենք՝ հանկարծակի մեկնի ԱՄՆ, բա էդ դեպքում ի՞նչ պիտի արվի…

   Ուզում եմ ասել՝ այդքան վստահ մի՛ եղեք…

1. hovax77:
   05-04-09 • 17:28 PM

   Ամեն ինչ հնարավոր է, բայց սա ֆիլմ է եւ հնարավոր են նոր լուծումներ ֆորս մաժորային դեպքերում:

   Իսկ վստահությունը գալիս է այնտեղից, քանի որ ես ինքս եմ ՈՐՈԳԱՅԹի սցենարի հեղինակը:

   Անկծեղծ ասած, չեմ սիրում նման քննարկումների մասնակցել, ուղղակի ստիպված էի արձագանքել եւ ասել , որ «Վերվարածներն» այլեւս ես չեմ գրում… Կարդացեք տիտրերում:

   Հ.Ղուկասյան

1. hovax77:
   05-04-09 • 17:36 PM

   Ի միջայլոց, որոշ չափով համաձայն եմ Philosopher-ի մտքերի հետ, չնայած նա հաշվի չի առնում այն հանագամանքը, որ Հայաստանում նկարահանվող սերիալի շաբաթական բյուջեն հավասար է ամերիկյան սերիալում նկարահանվող մասովկայի մի դերասանի հոնարարին:

   Կինոն, նախ եւ առաջ վիզուալ արվեստ է եւ լավ կինոն լավ գումարներ է պահանջում:

   Ի դեպ, Որոգայթը արդեն սկսել է հետաքրքրել արտասահմանյան որոշ հայտնի հերուստաալիքների:

   Իսկ կրկնությունները սերալում հիմանակնւմ ֆլեշբեքի համար են:

1. hovax77:
   05-04-09 • 17:38 PM

   Կներեք տառասխալների համար, տառերի այս դասավորությունից է, ես ուրիշ ծրագրով եմ աշխատում:

Ձեր կարծիքը գրառեք այստեղ (միայն գրանցված անդամների համար)

-վերեւ-