Ժողովուրդ, ռուսական արջը ֆազը գցե՞լ է… Ասեմ, որ Թբիլիսիից արդեն իսկ այսօր ցերկվա ժամերին միջազգային կազմակերպությունների տարածաշրջանային գրասենյակի աշխատակազմերը ժամանում էին եւ այս պահին էլ ժամանում են Երեւան: Միայն մի քանի հոգու մենք ենք դիմավորել… Լավ չի…

Վրաստանի միակ խնդիրն այս պահին Թբիլիսիի պաշտպանությունն է

Այս պահի դրությամբ Վրաստանի հիմնական խնդիրը երկրի մայրաքաղաք Թբիլիսին պաշտպանելն է: Ինչպես հայտնում է AFP գործակալությունը, Վրաստանի իշխանությունները փորձում են իրենց ուժերը կենտրոնացնել մայրաքաղաքի պաշտպանությունը կազմակերպելու համար: Ըստ գործակալության տվյալների` այդ մասին վկայում է Վրաստանի կառավարության պաշտոնական հայտարարությունը:

Վրացական կողմը հայտնում է, որ ռուսական զորքերը գրավել են Գորին (նկարում) և Սենակին: Նրանք հայտարարում են, որ Գորիում պարզապես չեն մնացել խաղաղ բնակիչներ, այստեղից հեռացել են նաև վրացական զորքերը: Չնայած այն փաստի, որ ռուսական զինված ուժերի հրամանատարությունը հերքում է Գորիի գրավումը` հայտարարելով, որ նրանք ընդամենը գրոհել քաղաքում գտնվող վրացական զորամիավորումը, որը հարձակումներ էր կատարում Հարավային Օսիայի վրա, արտասահմանյան լրատվամիջոցները պնդում են, որ Գորին գրավված է ռուսների կողմից: Մասնավորապես, այդ մասին հայտնել է CNN հեռուստաընկերությունը: Նշենք, որ Գորին գտնվում է Թբիլիսիից ընդամենը 76 կմ հեռավորության վրա դեպի հյուսիս-արևմուտք:

Հաշվի առնելով ստեղծված իրավիճակը` Վրաստանի կառավարությունը շարունակում է ահազանգել` պահանջելով, որպեսզի միջազգային հանրությունը միջամտի և փրկի երկիրը կործանումից:

«Ռուսաստանը, դատելով իրավիճակից, ցանկանում է տապալել Վրաստանի դեմոկրատական ճանապարհով ընտրված իշխանությունները և օկուպացնել երկիրը», - ասված է կառավարության հայտարարության մեջ:

Թերթ.ամ
22:40 • 11.08.08

Ցավով տեղակացա, որ այսօր Հարավային Օսեթիայում բռնկվել է պատերազմ Վրաստանի եւ Հվ. Օսեթիայի միջեւ… Միջամտել է նաեւ ռուսական զորքը… Աբխազիան էլ իր զորքերը մոտեցրել է Վրաստանի սահմանին…

Ահա թե ինչ են հաղորոդում աշխարհով մեկ… Բոլորը անհանգստացած են, բացի… հայ կոմպլիմենտար իշխանություններից: Հիշեցնենք նրանց. Վրաստանը Հայաստանի անմիջական հյուսիսային սահմանակից հարեւան պետությունն է: Հիշեցնենք. Վրաստանում ունենք հայաբնակ Ջավախք եւ հայկական մեծ համայնք: Հիշեցնենք. մենք եւս ունենք արտաքին գործերի նախարարություն՝ ի դեմս լեզվաբան նախարարի եւ դեմոկրատ փոխնախարարի: Հիշեցնենք, որ մենք էլ ենք պետություն, որը կարող է եւ պետք է արտահայտի իր կարծիքը եւ դիրքրորշումը:

Նախաբան

- Տղա ջան, որ դասարանում ես սովորում?
- Մեր դպրոցի 1-ին հարկի զուգարանի կողքի դասարանում:

Մաս առաջին. «մամ, սամալյոտի միս եմ ուզում...»

Հարց ու պատասխամ ԱԺ ժամանակավոր հանձնաժողովում.

Արամ Հարությունյան. «Եթե այդքան կարեւոր օպերացիայի էիք գնում՝ պիտի հասկանայիք, որ կարող են անկանխատեսելի, վատ հետեւանքներ լինել, ու, իմ կարծիքով, պիտի ապահովագրեիք ձեզ տեսագրությամբ»:

ՀՀ ոստիկանապետի տեղակալ Ալեքսանդր Աֆյան. «Կարծում եմ, մեր օպերատիվ ծառայություններն իրենց հետ պետք է ունենային տեսագրող հարմարանքներ: Հիմա չեմ կարող ասել՝ ձայնագրվել, տեսագրվե՞լ է, թե՞ ոչ»:

Եզրակացություն. որոշ մարդկանց ուղեղում մի ծալք կա, դա էլ ֆուրաժկից է մնացել…

Կարծում եմ, որ մենք պարտավոր ենք առնվազն մեկ ագնամ վերջնական հայացք ձգել ՀՀ նախագահի 2008 թվականի «ընտրություններ» կոչվող ֆարսի վրա: Ի՞նչ տեղի ունեցավ նախընտրական ժամանակահատվածում, բուն ընտրության օրը եւ հետընտրական օրերին:

Նախընտրական քարոզչությունը որպես այդպիսին, բոլորդ էլ կարող եք պնդել, որ չիրականացավ: Հակառակը, եղավ այն, որ բոլոր թեկնածուները` 8 անձ, զբաղված էին Հայաստանի առաջին նախագահ Լևոն Տեր-Պետրոսյանի նկատմամբ տարվող հակաքարոզչությամբ: Կարող ենք վստահ աել, որ բոլոր թեկնածունը նպատակ էին դրել ոչ թե հաղթել ընտրություններում, այլ միայն սեւացնել եւ նսեմացնել հանրապետության առաջին նախագահին:

Ցավով պետք է արձանագրել, որ այդ քայլին գնացին ինչպես 1988 թվականի ազգային-ազատագրական պայքարի առաջնորդներից «Ղարաբաղ» կոմիտեի անդամ Վազգեն Մանուկյանը, այնպես էլ Հայ Հեղափոխական Դաշնակցությունը եւ Արթուր Բաղդասարյանը:

Սկսենք ՀՅԴ-ից:

Այս կուսակցության հետ առաջին նախագահ Լևոն Տեր-Պետրոսյանը հանդիպել էր դեռեւս 2007 թվականի սեպտեմբերին եւ պայմանավորվել էր, որ միմյանց վրա «ցեխ չեն շպրտի»: Սակայն ՀՅԴ թեկնածու Վահան Հովհաննիսյանը քարոզչույթան մեկնարկից անմիջապես հետո սկսեց քննադատել «նախկիններին» եւ «ցեխ շպրտել» նրանց վրա: Ընտրություններից հետո ՀՅԴ-ն, որը մինչ այդ խաղում էր «երրորդ ուժի» դեր եւ փորձում էր առանձնանալ հստակ ուրվագծված երկու բեւեռներից, չդիմացավ գայթակղությանը, եւ կրկին մաս կազմեց կոալիցիային:

Արթուր Բաղդասարյանի մասին ոչինչ չարժե ասել, քանի որ նրա դեմքը բացվեց փետրվարի 29-ին, երբ միացավ այն նույն իշխանության թեկնածունին, որին դեռ փետրվարի 3-ին մեղադրել էր իր դեմ մահափորձ կազմակերպելու դեմ: Սա նույն Բաղդասարյանն է, որի մասին հանրապետության առաջին նախագահը փետրվարի 16-ին նախընտրական քարոզչության հանրահավաքի նախավերջին օրը զգուշացրել էր, թե ով ձայն տա նրան, ապա ձայն է տալու Սերժ Սարգսյանին: Փետրվարի 17-ին Ա.Բաղդասարյանը այդ ամենը որակեց որպես «ամոթալի սուտ»: Եվ փետրվարի վերջին օրը բոլորը տեսան ստի պոչը:

(ՖԵԼԻԵՏՈՆ , կամ մենախոսություն մեկ դրամայով)

... հաճախ Ամատունու մեկնաբանություններում կնկատենք, խոսում է քո անձի` հարմարվողականության տեսակի մասին. ինչն ինքնին պախարակելի երևույթ չէ, այլ պարզապաես այլ տեսակ է:

Իսկ դու, ինչպես հաճախ անում են Աշոտյանը, Շարմազանովը, ՀՅԴ-ի որոշ ներկայացուցիչներ, շրջանցել ես իմ միտքը: Ու, ի վերջո, դու պետք է ընդունես, որ քո առաջարկած մեթոդները չաշխատող են, քանի որ դու դասվում ես հարմարվող մարդկանց շարքին: Դու խուսափում ես կոնկրետ դեպքերը քննարկելուց և մենու-աշոտյանական ոճով խուսափում խոսակցությունից:

...կարո՞ղ եք մի քիչ կոնկրետանալ: Ժամերով գրում եք թե ինչ չեք ուզում: Բայց համարյա չեք գրում, թե ինչ եք ուզում:

Զիմբաբվեի իշխանությունն ու ընդդիմությունը պատրաստ են բանակցություններ անցկացնել

Զիմբաբվեի նախագահ Ռոբերտ Մուգաբեն և երկրի ըւնդդիումության առաջնորդ Մորգան Ցվանգիրային համաձայնագիր են կնքել երկրում տիրող քաղաքական և տնտեսական ճգնաժամը հաղթահարելու նպատակով բանակցություններ անցկացնելու մասին։ Բանակցությունները կտևեն երկու շաբաթ։ Իշխող և ընդդիմադիր կուսակցությունների առաջնորդները հույս ունեն խնդրի երկարաժամկետ լուծում գտնել, տեղեկացնում է Associated Press գործակալությունը։

Համաձայնագրի մեջ խոսվում է նաև բռնությունների դադարեցման և նոր սահմանադրության ընդունելու անհրաժեշտության մասին։ Ցվանգիրային համաձայնագիրն անվանել է «լուծումների որոնման ճանապարհին առաջին քայլ»։

Հիշեցնենք, որ 2008թ. հունիսի 29–ին Զիմբաբվեի անփոխարինելի նախագահ Մուգաբեն նախագահական ընտրությունների երկրոդ փուլից հետո վեցերորդ անգամ անընդմեջ երդմնակալություն է տվել։ Նշենք, որ Մուգաբեն ընտրությունների միակ թեկնածուն են։ Ընդդիմության առաջնորդ Ցվանգիրային հրաժարվել էր մասնակցել ընտրություններին՝ իր որոշումը բացատրելով իշխանությունների բռնի քարոզարշավներով։

Աղբյուր

Հ.Գ. Մե՜նք, մեր պատմությո՜ւնը, մեր մոլիբդե՜նը ու մեր ջերմո՜ւկը…

5 ԱՆԳԱՄ ԿՐՃԱՏՎԵԼ Է ԱՇԱԿԵՐՏՆԵՐԻ ԹԻՎԸ

Բերդի տարածաշրջանի սահմանամերձ Մովսեսի գյուղապետ Լյուդվիգ Ապերյանի վկայությամբ 1989թ. գյուղի դպրոցում սովորում էր 1090, ներկայումս` 220 աշակերտ: Գյուղապետը, որի 4 զավակներից 3-ը ապրում է Մոսկվայում, ասում է, որ Ռուսաստանի մայրաքաղաքի դպրոցներում ավելի շատ մովսեսցի երեխաներ են սովորում, քան սահմանամերձ գյուղում:

Մոսկվաբնակ մովսեսցիները ֆինանսական աջակցություն են ցուցաբերում գյուղի մանկապարտեզի շենքի, խմելու ջրագծի կառուցմանը: Մոսկվայում բնակվող մի մովսեսցի էլ 1 միլիոն դոլար է ներդրել գյուղում բազալտակուռ եկեղեցու շինարարության համար:

Նոյեմբերյանի “Քամուտ” ՀԸ

Նյութը վերցվել է Ա-մեկ-պլյուսից

Սերժ Սարգսյանն այսօր ուղերձ է հղել պաշտոնավարման 100 օրվա առիթով:

Այսօրվա լուրերից տեղեկացա, որ նախկին ՀԺԿ-ական եւ նախկին պատգամավոր (անգամ անունը չեմ ուզում տալ) իր նման խելոքների էր իր շուրջը հավաքել, ու, դժվարությամբ ընդունելով Զիգմունդ Ֆրոյդի նման լուրջ ու վերլուծաբանի դեմք, «համարձակ» մտքեր էր հայտնում ու ինքն-իրեն ուրախանում իր իսկ արտաբերած արտահայտությունների վերաբերյալ (կարելի է կարծել, թե նման բան խիստ հազվադեպ է ստացվում սույն «մտնողի» մոտ):

Լավ, թողնենք այս աղավաղված դեմքին իր խեղաթյուրված պատկերացումներով: Աշխարհին՝ խաղաղություն, իրեն էլ՝ մի քիչ փող, որ հանդարտվի: Մեզ էլ համբերություն, որ հանդուրժում ենք նման անկապությունների համահանրապետական եթեր արձակելուն:

Հարցս ուղղված է այն լրագրողներին, որոնք ոչ պակաս լուրջ դեմքերով նստած ու լուռ ու մունջ լսում էին նրան: