Ողջույն, Մի քանի ամիս առաջ ինձ "բախտ վիճարկվեց" դիմել մի քանի ատամնաբույժների Երեւանում։ Ցավոք, չեմ կարող նշել, որ փորձս դրական էր, ավելի շուտ՝ խիստ բացասական։ Սույն հոդվածում կփորձեմ հիմնավորել ինչու չարժի դիմել մի քանի ատամնաբույժների, որոնք ավել կամ պակաս հայտնի են ՀՀ-ում, բայց, իմ համեստ կարծիքով, ոչ մի դեպքում չարժե դիմել Դրանք են՝

Ավանտա բժշկական կենտրոն
Կարեն Գրիգորյան
https://avanta.am/

ՄՈԴԵՌՆ ԻՄՊԼԱՆՏ ՄԵԴԻՍԻՆ
Գրիգոր Խաչատրյան
https://www.mim.am/

Van Dental Centre
ԿԱՐԵՆ ԼԱԼԱՅԱՆ

«ԱՔՍԻՈՄ» կլինիկա
Vardan Hovakimyan (Вардан Эдуардович Овакимян)
https://www.facebook.com/axiomdentalclinic

- Կարդալ ամբողջ տեքստը-»

Օրերս Հայաստանում իրականացվեց իր յուրահատկությամբ հատուկ միջազգային երիտասարդական փորձի փոխանակման նախագիծ՝ 6 երկրներից ժամանած երիտասարդների մասնակցությամբ (Հոլանդիա, Գերմանիա, Ավստրիա, Իսպանիա, Ռուսաստան, Հայաստան)։ Եվրամիության աջակցությամբ և հովանավորչությամբ այս լայնամասշտաբ միջազգային երիտասարդական նախագիծը անց է կացվել «BRIGHT FUTURE» /ԼՈՒՍԱՎՈՐ ԱՊԱԳԱ/ հոլանդական հ/կ-ի և 5 գործընկերների նախաձեռնությամբ և մեծ արձագանք ստացել հայաստանյան և արտասահմանյան տարբեր լրատվամիջոցների կողմից:
7 երիտասարդ’ վերոնշյալ 6 երկրներից, 7 օր անց են կացրել Հայաստանում՝ Աղվերանի Կրիստալ Ռեզորթ բարձրակարգ և հարմարավետ հյուրանոցային համալիրում, ծանոթացել միմյանց մշակույթներին, ավանդույթներին, միմյանց լեզվական առանձնահատկություններին, տարբեր երկրներում առկա ուսման հնարավորություններին և այլն, ինչպես նաև՝ ներկայացրել իրենց խոհանոցը, երգն ու պարը։ Ծրագրի գլխավոր նպատակն էր մեկ գաղափարի շուրջ համախմբել տարբեր ազգություն ունեցող երիտասարդների (միջմշակութային հաղորդակցություն), ոչ-ֆորմալ (ոչ-ավանդական ուսուցում) շփման պայմաններ ստեղծելով, նպաստել տարբեր ազգերի ծանոթությանը, միջմշակութային շփմանը, ընկերությանն ու հետգա հնարավոր համագործակցությանը ։

- Կարդալ ամբողջ տեքստը-»

Մի քանի օր առաջ ընկերներիցս մեկի հայրն էր մահացել երեւանում, հարկավոր էր զանգել։ երվւաի համարը չունեի, դժվարությամբ ճարեցի զանգեցի։ Ցավոք ոչ ոք չէր վերցնում, ճշտեցի, որ վերջին թիվը 4ի փոխարեն պետք է 7 լիներ:

Զանգեցի։ Ավաղ կրկին զանգը գնում էր, բայց վերցնող չկար (նպատակային զանգում էի երեւանի ժամանակով երեկոյան ժամերին)։

- Կարդալ ամբողջ տեքստը-»

Նիդերլանդներ  են ժամանել Ճապոնիայի կարատեի ասոցիացիայի  Հայաստանի կարատեի (JKA) ազգային հավաքականի մարզիկները (JKA ARMENIA): Գերմանիայի Դյուսելդորֆ քաղաքի օդանավակայանում նրանց   դիմավորել, այնուհետև հյուրանոց են ուղեկցել Մաստրիխտ քաղաքի   «Անի» հայ համայնքի անդամներն ու ատենապետ Լևոն Սարգիսը:

Մեր հավաքականի 4 անդամները ՝   Արթուր Ավետիսյանը, Արթուր Բայրամյանը, Արտյոմ Վանեսյանը և Սահակ Ազատյանը  Ապրիլի 1-ին Սիտարդ քաղաքի «Fitland XL» մարզահարթակում մասնակցելու են  JKA կարատեի Եվրոպայի 2017թվականի գավաթի առաջնությանը: Մասնակցության համար հայտեր են ներկայացրել Եվրոպայի ուժեղագույն 23 երկրների թիմեր: Հայաստանի պատվիրակությունը (ֆեդերացիայի նախագահ Սևակ Հակոբյան, մարզիչ Ռաֆայել Մկրտչյան)լավ արդյունք ունենալու համար վճռական ու մարտական են տրամադրված, մանավանդ, որ այստեղ առկա են լինելու մեր հայրենակիցների  բարոյական աջակցություն ու օժանդակությունը:

- Կարդալ ամբողջ տեքստը-»

Դեն Բոս քաղաքի Sint Lukas եկեղեցում Մարտի 5-ին տեղի ունեցավ  «ՈՒրարտու»  հոլանդահայ կազմակերպության հիմնադիր վարչության հանդիպումը տեղի հայ համայնքի  անդամների հետ: «ՈՒրարտու»  հայ-նիդերլանդական բարեկամության ընկերությունը  հիմնադրել էր լուսահոգի պրոֆեսոր  Մարտուն Էլբակյանը, ով իր կենդանության վերջին տարիներին  ավելի շատ ուշադրություն էր սևեռել կրթական ծրագրերին:

Վերոհիշյալ հանդիպմանը’ վարչության անդամներն իրենց ելույթներում հավաստեցին, որ աշխատելու են նորովի, ավել են ընդլայնելու գործունեության ոլորտը և իրենցից կախված  ամեն բան անելու են կուռ  ու  միասնական համայնք ձևավորելու համար:
Քաղաքի այս եկեղեցին, որտեղ հավաքվել էին  մոտ 250  մարդ, ծառայելու է Դեն Բոսի հայ համայնքին:
Ի դեպ այն գործելու է որպես  Հայ Առաքելական Եկեղեցի:   Հայ եկեղեցու բացման  ու անդրանիկ պատարագի արարողությունը  տեղի  կունենա մարտի 26ին ժամը 14.00 : Հասցեն.`
Adres kerk: Sint Lukas kerk, Zuiderparkweg 301, 5216 HB `s-Hertogenbosch.

- Կարդալ ամբողջ տեքստը-»

Լուսանկարում ՝ Աշկինը (աջից) և իր փաստաբան Պլասմանը մարտի 3-ին դատախազի մեղադրական եզրակացությունից հետո դատական նիստից գլխիկոր հեռանում են:

Նիդերլանդների Օվերայսելի մարզի Ալմելոյի դատարանը «Ղարաբաղը լինելու է հայերի գերեզմանը» արտահայտության հեղինակ, ադրբեջանցի ազգայնամոլ Աշկինի նկատմամբ ավելի խիստ պատիժ արձակեց, քան պահանջել էր դատախազը:
Մարտի 3-ին դատախազ Խերդինե Դանկերսը պահանջել էր ՝  80 ժամ տևողությամբ հարկադիր աշխատանք և 2 տարի պայմանական ժամկետով երկշաբաթյա պայմանական բանտարկություն:
Դատարանը, սակայն , մարտի 17-ին արձակեց ավելի խիստ վճիռ:  120 ժամ պարտադիր աշխատանքի ներգրավում և մեկ ամսվա պայմանական բանտարկություն,եթե մեղադրյալը 2 տարվա մեջ կրկին սխալ արտահայտություն անի:
Այս կապակցությամբ Հոլանդահայ կազմակերպությունների ֆեդերացիան (FAON)հանդես է եկել մամլո հաղորդագրությամբ:
Աշկինը որոշել է բողոքարկել վճիռը:
Ստորև «Նիդերլանդական օրագրի» պատրաստած բացառիկ դիտարկումը:

- Կարդալ ամբողջ տեքստը-»

Նայմեխենի «Միացյալ հայերը Հոլանադիայում» միությունը բոլորեց իր 15-ամյակը : Այն իր համեստ նպաստով այսօր համալրում է Հոլանդիայում գործող հին ու նոր հայկական կառույցների շարքը:

Խորհրդային երկրի փլուզման հետ մեկտեղ փշուր-փշուր եղան մարդկային շատ երազանքներ: Ընդհատվեցին ու անկատար մնացին բազմաթիվ լավ գործեր: Ցավոք պատրաստ չգտնվեցինք դիմակայելու այս անպատեհ ժամանակի նետած մարտահրավերը: Շատերը կենսական ու տարրական պայմանների բացակայության, ոմանք առողջական խնդիրներից ելնելով, ստիպված’ գոնե այդ պահի համար ժամանակավոր, թողեցին իրենց հայրենի օջախը ու հեռացան օտար ափեր’ հույսով, որ միևնույին է գալու է հայրենիք վերադառնալու ժամանակը:
Այդ բաղձալի պահի սպասումներն արդարանալը’ ժամանակ արժե, որ անվերադարձ կորում է’ կյանք կոչվածից: Նոր իրադրություններին ու պայմաններին, օտար լեզվին ու մշակույթին պետք էր ընտելանալ, համակերպվել, չէ ո՞ր ժամանակը համընթաց է, այն հոսում է’ կանգ չի առնում և իր ուղղումներն է մտցնում ժամանակահատվածի կենսակերպի մեջ: Կեսակերպ, որ կյանքն է իր մեջ ներառում:
Հենց նման ոչ խրթին, բարդ ու դժվարին կյանքի հատված են հաղթահարել Աբրահամյան ընտանիքի անդամները: Ճակատագրի թելադրանքով այս անգամ ամեն բան պետք էր նորից սկսել, սակայն կյանքի մտցրած նոր ուղղագրությամբ ու սրբագրմամբ: Դա հայ մնալու և հային հայ պահելու առաքելությունն էր:

- Կարդալ ամբողջ տեքստը-»

Դեկտեմբերի 6-ին Նիդերլանդների Ալմելո քաղաքի դատարանի առջև կանգնեց «Ղարաբաղը լինելու է հայերի գերեզմանը» վիրավորական արտահայտության հեղինակը ‘ այսպես կոչված Հաագայի Թուրք-ադրբեջանական մշակութային միության նախագահ Իլհամ Աշկինը :
Ավելի վաղ (2014թ) հայտնել էինք, որ հոլանդահայ կազմակերպությունները, մասնավորապես Հոլանդահայ կազմակերպությունների ֆեդերացիան (FAON) և Հոլանդիայի Հայ Դատի հանձնախումբը’ հոլանդական դատարանին գանգատ էին ներկայացրել Ալմելոյի Հայ Առաքելական եկեղեցու հողամասում տեղադրված Հայոց ցեղասպանության զոհերի հուշահամալիրի  դիմաց, երեք տարի առաջ, թուրք-ադրբեջանցիների կազմակերպած երեքհազարանոց հանրահավաքում հնչած վիրավորական արտահայտությունների կապակցությամբ:
Առաջադրված մեղադրանքն ընթերցվելուց  հետո, դեկտեմբերի 6-ի նիստը Ալմելոյի դատարանը հետաձգեց : Այն  շարունակվելու է  2017թ. մարտի 3-ին, երբ պատրաստ կլինեն փորձագիտական եզրակացությունները’ տեսաերիզը ուսումնասիրելու, պարզելու համար թե ինչ համատեքստում է արվել նման հայտարարությունը:
Դատավարության մանրամասների մասին մամլո հաղորդագրություն է տարածել   Հոլանդահայ կազմակերպությունների ֆեդերացիան (FAON):
Նիդերլանդական օրագիրը ևս հետամուտ է լինելու  դատավարության ընթացքին և իր ընթերցողներին է տրամադրելու հանգամանալի մանրամասը տեղեկություններ:

- Կարդալ ամբողջ տեքստը-»

8 май, 2016 в 16:20

Մայիսի 15-ի կիրակի օրը, Մաստրիխտի «Անի» հայ համայնքն ու «Սուրբ Կարապետ» եկեղեցու ծխական խորհուրդը բոլորին հրավիրում են մասնակցելու ֆուտբոլի մրցաշարին, հայկական հուշարձանի բացմանն ու երեկոյան տեղի ունեցող համերգին:

Այնպես է ստացվել, որ Մայիսի 15-ին Նիդերլանդների հայաշատ Մաստրիխտ քաղաքում միառժամանակ տեղի են ունենալու մի քանի հետաքրքիր միջոցառումներ, այդ մասին Նիդերլանդական Օրագրին հայտնել է «Անի» հայկական կազմակերպության
ղեկավար,«Սուրբ Կարապետ» հայկական եկեղեցու ատենապետ Լևոն Սարգիսը:
Առաջին միջոցառման մեկնարկը մաստրիխտի Geusselt park մարզադաշտում է, որտեղ առավոտյան ժամը 10-ին տեղի է ունենալու Եվրոպայի Համահայկական Ֆուտպոլի մրցաշարը: Առաջնությանը մասնակցելու են Եվրոպական երկրներից ժամանած տասնչորս թիմեր: Մինչ խմբերը միմյանց միջև կծավալեն համառ պայքար’ երեկոյան ի հայտ բերելու մարզապայքարի մրցանակակիրներին , տեղի կունենա հայկական կյանքի մեկ այլ հիշարժան ու եզակի իրադարձություն:
Մաստրիխտ քաղաքի բնակիչները առավոտյան 11.30-ին , քաղաքի կենտրոնում, հայազգի Սուրբ Սերվատիուս եկեղեցուն կից՝ ականատեսը կլինեն տեղի «Ս. Կարապետ» եկեղեցու եւ «Անի» Հայ Համայնքի կողմից Մաստրիխտ քաղաքին նվիրված Խաչքար-հուշարձանի բացման արարողությանը:  Տեղի կունենա հուշարձանի օրհնության եւ օծման արարողությունները: Այս միջոցառամանը մասնակցելու են Նիդերլանդների Թագավորությունում Հայաստանի դեսպանը, հոգևորական դասի, Լինբուրգի մարզային և Մաստրիխտի քաղաքային իշխանությունների ներկայացուցիչներ, պատգամավորներ, բազմաթիվ հյուրեր:
Երեկոյան արդեն հայկական համերգային սրահում տեղի կունենա Եվրոպայի Համահայկական Ֆուտպոլային խաղերի մրցանակաբաշխության արարողությունը, որտեղ հաղթող թիմերին հանձնվելու են մրցանակները:
Երեկոն եզրափակվելու է Վրեժ Սահակյանի հայկական երգերի կատարումներով:

- Կարդալ ամբողջ տեքստը-»

Հոլանդահայ կազմակերպությունների ֆեդերացիան եւ ՀՅԴ Նիդերլանդների Հայ Դատի հանձնախումբը, Նիդերլանդների Թագավորության
արտաքին գործերի նախարար Կունդերսին պահանջագիր են ներկայացրել, որում հորդորել են դատապարտել 28 տարի առաջ Ադրբեջանում
իրականացված հայկական ջարդերը եւ ջանքեր գործադրել դադարեցնելու վերջինիս կողմից մինչեւ օրս շարունակվող ագրեսիան ազատ
Արցախի հանդեպ, ինչպես նաեւ զինադադարի խախտումներն ու դիվերսիոն գործողությունները:

:

ՀԱԱԳԱ, 26-ը ՓԵՏՐՎԱՐԻ

Փետրվարի 26-ի ‘ այս օրերի համար սովորական ամպամած եղանակը չէր խանգարել հարյուրավոր հայերի ու այլ ազգի ներկայացուցիչների հավաքվել հենց Հաագայի կենտրոնում’ Plein հրապարակում, որը բառացի թարգմանությամբ հենց հրապարակ էլ նշանակում է:

Հոլանդահայ Կազմակերպությունների Ֆեդերացիան (FAON), ՀՅԴ Նիդերլանդների Հայ Դատի հանձնախումբը համատեղ հերթական անգամ բողոքի ցույց, այնուհետև երթ կատարեցին Հաագայի կենտրոնից մինչև Ադրբեջանի դեսպանություն:

Ձեռնարկը նվիրված էր Սումգաիթում, Բաքվում, Կիրովաբադում ու Ադրբեջանի այլ քաղաքներում ազերի վանդալների իրականացրած ջարդերի արդյունքում զոհված հայ անմեղ բնակիչների հիշատակին: 28-ամյա վաղեմություն ունեցող այս դեպքերից Ադրբեջանի ռազմատենչ ղեկավարությունը այսօր էլ անհրաժեշտ հետևությունների չի հանգել: Հենց այդ մասին էլ իր բացման ելույթում հիշեցրեց Նիդերլանդների Հայ Դատի հանձնախմբի պատասխանատու Մասիս Աբրահամյանը, բացատրելով հավաքի բուն նպատակը: Իրավաբան, Հոլանդահայ Կազմակերպությունների Ֆեդերացիայի (FAON) «Ապրիլ 24 կոմիտեի» քարտուղար Ինգա Դրոստը ներկաներին տեղեկացրեց, որ Ադրբեջանի ներկայիս վարած վտանգավոր քաղաքականության մասին կառավարության շենքում րոպեներ առաջ է հուշագիր հանձնվել Նիդերլանդների արտաքին գործերի նախարար Բերտ Կունդերսին:

https://www.youtube.com/watch?v=WqLy4Dlw_ME

- Կարդալ ամբողջ տեքստը-»