Եվրոպական խորհրդարանը երեկվա լիագումար նիստում ձայների 60 կողմ, 1 դեմ եւ 2 ձեռնպահ հարաբերակցությամբ բանաձեւ է ընդունել, որում Հայաստանի իշխանություններին կոչ է անում վերացնել արտակարգ դրությունը:

Եվրախորհրդարանի պատգամավորները նշում են.

Նախագահական ընտրությունների արդյունքները խաղաղ կերպով վիճարկող ընդդիմության կողմնակիցների նկատմամբ ոստիկանների կողմից գործադրված ճնշումները, ի վերջո, հանգեցրին 8 մարդու մահվան եւ տասնյակ վիրավորների: Մարտի 1-ին հայտարարվեց արտակարգ դրություն, եւ լրատվամիջոցների ազատությունը երկրում սահմանափակվեց:

Եվրախորհրդարանի պատգամավորները կոչ են անում անհապաղ կազմակերպել մարտի 1-ի դեպքերի թափանցիկ, անկախ եւ անկողմնակալ քննություն: Սխալ պահվածքի ու քրեական բռնարարքների համար պատասխանատուները պետք է դատարանի առջեւ կանգնեն:

Լուրեր են պտտվում, թե Նաիրի Հունանյանը ինքնասպան է եղել: Լուրերի հավաստիությունը կարելի է գնահատել մոտ 95 տոկոս:

Եթե սա ճիշտ է, ապա մենք այսօր ականատես կլինենք մի կարևոր իրադարձության:

Հայաստանի լավագույն երգիչներն ու երաժշտական համույթներն արժանացել են 2007 թ.-ի ազգային երաժշտական մրցանակներին:

Նախօրեին Հայաստանի հանրային հեռուստաընկերության (ՀՀՀ) ուղիղ եթերում հեռարձակվում էր հինգրերորդ ամենամյա մրցանակաբաշխությունը: Ինչպես արարողության ժամանակ հայտարարել է հաղորդավար, Հանրային ռադիոյի տնօրեն Արմեն Ամիրյանը, այս տարի առաջին անգամ մրցանակներ էին շնորհվում ոչ միայն փոփ-երաժշտության բնագավառում, այլ նաև ջազի, դասական, ազգային և ազգագրական երաժշտության ոլորտներում:

Կարծում եմ, Ձեզ կհետաքրքրի F5 blog-ի այցելուների վերաբերյալ հետեւյալ տեղեկատվությունը (ըստ Google Analytics-ի)

Jan 3, 2008 - Feb 2, 2008

304 people visited this site
562 Visits
304 Absolute Unique Visitors
00:06:23 Time on Site
42.53% Bounce Rate
51.25% New Visits

Country/Territory and Visits

1. Armenia - 335
2. United States - 63
3. Germany - 37
4. Russia - 33
5. France - 23
6. Netherlands - 15
7. Sweden - 7
8. United Kingdom - 5
9. Hungary - 3
10. Czech Republic - 3

Երեկ (0530 GMT) Երկիր մոլորակից մոտ 538000 կմ հեռավորության վրա անցել է մոտ 250 մետր տրամագծով 2007 TU24 անվանումը ստացած մի աստերոիդ: Վերջին 2000 տարվա ընթացքում ոչ մի աստերոիդ այդքան չէր մոտեցել Երկրին:

NASA-­ի վկայությամբ Երկրի հետ աստերոիդի բախման հետեւանքները աղետալի կլինեին եւ ամբողջ տարածաշրջաններ կկործանվեին: Աստերոիդը տեսանելի է եղել սովորական հեռադիտակով:

Հ.Գ. Այս անգամ էլ “պլստացինք”:

Աղբյուր (անգլերեն)

Հետեւեցինք շունչներս պահած, անգամ հաղթանակի բերկրանքը երազեցինք եւ… զիջեցինք 16 մրցակիցներից միայն բելարուսցի երեխային: Առաջին անգամ հանդես գալով՝ գրավեցինք 2-րդ տեղը: Ապրե՛ք արեւիկցիներ ջան: Ձեր մատղաշ տարիքով հանդերձ հպարտացրեցիք բոլորիս:

[13:35] 12 Հոկտեմբերի, 2007

Արդարադատության խորհուրդը մի քանի շաբաթ մտածելուց հետո որոշեց բավարարել կարգապահական հանձնաժողովի որոշումը եւ դիմել Ռոբերտ Քոչարյանին՝ դատավոր Պարգեւ Օհանյանի լիազորությունները դադարեցնելու միջնորդությամբ: Արդարադատության խորհրդի որոշումը ուժի մեջ մտավ հրապարակման պահից:

Այժմ, ինչպես ասում են, որոշումը Ռոբերտ Քոչարյանինն է: Կհերոսացնի՞ վերջնականապես Պարգեւ Օհանյանին՝ զրկելով նրան նորից արդարադատություն իրականացնելու հնարավորությունից՝ դատավոր աշխատելուց, թե՞ մեծահոգություն կդրսեւորի: Աղբյուր. a1plus.am

Եթե ես լինեի Պարգև Օհանյանի փոխարեն, ինչը ճիշտ է այդքան էլ հեշտ չէ պատկերացնելը, ես անգամ չէի էլ սպասի որևէ վերաբերմունքի Հայաստանի ամենամեծ թշնամու կողմից, այն է `Ռ.Ք.: Ինձ դուր եկավ Պարգևի քաղաքականությամբ զբաղվելու միտումները, քանի որ նրա պես սկզբունքային մարդկանց հիմա կարել ի է միայն մանրադիտակով գտնել: Իսկ նա արդեն ասել է տվել իր մասին: Մենք պետք է մեր ուժերի ներածի չափով վահան դառնանք նրա համար, չգիտեմ միգուցե հանրահավաք անենք ի պաշտպանություն նրա, կամ էլ նրան մղենք դեպի մեծ քաղաքականություն ու հետևորդ դառնանք:

Իսկ եթե ավելի կարճ և ամփոփ ասեմ, ապա մենք պետք է Պարգևին մեր ձեռքից բաց չթողնենք:

Կարծում եմ, որ այս գործում նաև մեծ ներդրում պետք է ունենա Ռոյալ Արմենիայի նախագահը և նրա հարազատները: