Երեկվանից սկսած Ղրղզստանում ընդդիմադիրները լայնամասշտաբ հարձակման են անցել՝ գրավելով կարեւոր պետական կառույցներ՝ դատախազության շենքը… պառլամենտի առաջին հարկը… Երեկոյան ժամերին ռադիոյով հաղորդեցին, որ կան զոհեր, որոնց թիվը հասնում է 16-ի: Իսկ քիչ առաջ տեղեկացա, որ, դեռեւս չճշտված տվյալների համաձայն ընդդիմադիրները հաղթել են, նախագահ Բակիեւը լքել է հանրապետությունը, իսկ վարչապետ Ուսենովն էլ հրաժարականով իշխանությունը հանձնել է ընդդիմադիրներին: Ու այս ամենը արժեցել է 47 կյանք…

Այսօր աչքովս ընկավ այս հոդվածը.

«Եթե Հայաստանը չազատի մեր տարածքները, Հարավային Կովկասում մեծ պատերազմն անխուսափելի է»,- հայատարարել է Ադրբեջանի պաշտպանության նախարար Սաֆար Աբիևը Բաքվում Ֆրանսիայի դեսպան Գաբրիել Կելլերի հետ հանդիպման ժամանակ:
«Ադրբեջանն արդեն չի կարող իրեն թույլ տալ սպասել ևս 15 տարի: Այսուհետ խոսքը փոխանցվում է զինվորականներին, և այդ սպառնալիքը գնալով մոտենում է»,- 1news.az-ի փոխանցմամբ` ասել է Սաֆար Աբիևը:

Հիմա սա ի՞նչ է… պարզապես սպառնալի՞ք, թե՞ արդեն սկսել են բոլորին՝ եվրոպացիքին ու մյուսներին տեղյակ պահել, որ չասեն՝ մեզ չէիք ասել…

Մեր «քույր» կամ «երեխա» կայքում (ոնց կուզեք, անվանեք) տեսա գործընկերոջս հոդվածը՝ վերնագրված որպես FireFox-ը որպես ամենախոցելի բրաուզեր:

Հետաքրքիր մտքեր կային այդ հոդվածում, օրինակ՝

Վեբ-բրաուզերներից, խոցելիությամբ, առաջին տեղում է Ֆայրֆոքսը, որին բաժին է հասնում ընդհանուրի 44%-ը, որին հետեւում է Սաֆարին՝ 35%-ով: Երրորդ տեղում հանգրվանել է Ինտերնետ էքսպլորերը (տարատեսակը զեկույցում չի նշվում)՝ 15%-ով, իսկ վերջին տեղում՝ Օպերան 6%-ով: Այլ կերպ ասած, ամենախոցելին Ֆայրֆոքսն է, իսկ ամենաանվտանգը՝ Օպերան:

Ու էլի այլ հետաքրքիր նորություններ: Կարծում եմ, ամենատեղին այստեղ կլինի Ժոժոբայի մեկնաբանությունները (հուսանք, որ այս անգամ ասողին լսող կլինի):

Նոյեմբերի հինգին Օրանժը բարեւեց երեւանցիներին: Բարեւեց մոտավորապես այնպիսի շուխուռ-ղալմաղալով, ինչպիսին չէինք տեսել Արմենթելի կողմից իզի-քարտերը ծախելու ժամանակ: Ես անցնում էի Կորույնի փողոցով, ու մեկ էլ տեսա՝ մարդկանց բազմությունը դուրս է եկել մայթից ու գրավել փողոցի 1-ին ուղին: Մի խոսքով, համարյա պանիկա: Այնպիսի տպավորություն, կարծես Գագիկ Ծառուկյանը փող է բաժանում (ու կանգնածներն էլ Հայբուսակի ռեկտորն է, Վանուշը Խանամիրյան ու սենց...): Մի բրդբրդոց, մի աժիոտաժ, չեմ կարծում, թե Վերջին օրերի սրբերի նկարագրած վերջին օրը նման շառնաշփոթ կլինի:

Պարզապես ցնցված եմ: Իսկ դուք ի՞նչ կարծիք ունեք:

Այսօր հայ ազգի զավակ, ինքը` Սամվել Բաբայանը, ասուլիս է տվել և ամպագոռգոռ ու ցնցող բաներ ասել, որ լրագրողները ուղղակի ապշել էին: Սամվել Բաբայանը եկավ «Դե Ֆակտո» մամուլի ակումբ, վստահ, ծանրակշիռ բարևեց լրագրողներին ու սկսեց պատասխանել նրանց հարցին:

«Այո, ես տեսնում եմ, որ Ադրբեջանը պատրաստվում է պատերազմի, գնդակը տեղափոխում է հայկական դաշտ։ Այո, Ադրբեջանը գնում է պատերազմի, և մենք պետք է դրան պատրաստ լինենք»,– այսօր «Դե ֆակտո» մամուլի ակումբում հայտարարել է ԼՂ նախկին պաշտպանության նախարար Սամվել Բաբայանը և հավելել, որ եթե ադրբեջանը ուզում է պատերազմել, մենք պատրաստ ենք, որովհետև ես վսատհ եմ, որ մենք հաղթելու ենք միանշանակ:

Ըստ «Новости-Армения» լրատվական գործակալության հաղորդման, ս. թ. հուլիսի 18-ին հակերները կոտրել էին ՀՀ կառավարության պաշտոնական http://www.gov.am կայքը: Կայքի գլխավոր էջը այցելելիս կապված բերանով և արյան հետքերով պատանու դեմք էր հայտնվում:

Ավելի ներքև անգլերենով գրություն էր թողնված, որտեղ ասվում է, որ կայքը կոտրված է ALTBTA-ի կողմից։
Հակերները փոխանցել էին, որ դա առաջին նախազգուշացումն է և խորհուրդ են տալիս այսուհետ լինել ավելի զգույշ, կարգի բերել կայքը մինչև նոր հակերի գալն ու նոր գրոհը։
«Ներիր, ադմին, և մի անհանգստացիր, ես պարզապես փոխել եմ գլխավոր էջը»,- ասվում է կոտրած կայքի առաջին էջում տեղադրված հաղորդագրությունում։
Որևէ քաղաքական պահանջ հաղորդագրությունում ներկայացված չի եղել։